San Juan 16:13 - Manityanati Tupax

¹³ Axtɨ kuatati Espíritu Santo, uiti uraboiti ausukarɨ axɨna ñemanauntu, uitityo amekatɨ yusiu axɨba ñemanauntu. Tyopiki chimanityanatipɨ auki noñemaxtiatoe, urapoiti ñana ausukarɨ axɨna nanti Tupax ɨmoti, urapoitityo ausukarɨ nanaiña axɨba kuabotɨki ñana aume.

Manitanati Tuparrü

¹³ Pero arrtü cuati naqui ñemanauncurratoe Espíritu Santo, tonenti caüma naqui uiche aiñunecanati año. Urapoiti ausucarü nanaiña arrüna pasaboboiqui ñana. Arrti chümanitanatipü auqui noñemarrti, ta urapoiti ausucarü arrüna oncoiti sobi.

San Juan 16:13 ပူးပေါင်းရင်းမြစ်များ

San Juan 12:49

Tyopiki axɨñɨ chixhanityakapɨ ui niñoñemantoe. Axti Iyaɨ, naki uiche aikɨpuruñɨ urapoiti sukarɨñɨ nanaiña axɨna xhanunekatabo.

San Juan 14:17

Manunekanati ñana aume yokɨtɨpɨ axɨba ñemanauntu. Axɨbama chikokoropɨmati Tupax tarukuityo nontarabekixhimia yutaku axɨba ikuki axɨna kɨx, chiyasuriurupɨmati Espíritu Santo, ityopiki chasaramatipɨ chisuputarapɨmatityo. Tapɨ axaño ausuputakati ityopiki anati auchepe, sɨsiotityo abaxɨpeku ñana.

San Juan 14:26

Axti Iyaɨ bakɨpurutiki ñana Espíritu Santo ichoboñɨ, iñununekanati año nanaiña axɨba omixha, uiti apakionkaño nanaiña axɨba iñununekakaño.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 15:26

“Axtɨ kuatati ñana naki Okɨmanabo autaku axti naki sobi ñana ikɨpuruti auki noñemaxti Iyaɨ, tyonenti naki ñemanaunkuxatoe Espíritu Santo axti naki kuatati kɨtɨpɨkiti Iyaɨ, tyonenti manityanati ñana aume ichoboñɨ.

San Juan 16:12

“Sɨrɨmanainki axɨba surapoboibo ausukarɨ, axɨna axtɨ surapoi ausukarɨ chiyebopɨ aboi.

San Juan 3:32

urapoitityo axɨna astaiti ichepe axɨna onkoiti. Champɨti ikokotati nuraxti.

San Juan 8:38

Axɨñɨ surapoi axɨna ityusiankatati naki Iyaɨ sukarɨñɨ. Saneityo axaño apisamuse axɨna amonkoi uiti Iyaɨ.

Hechos 11:28

Tamanti axɨpekukimia nɨrixhti Agabo, atɨraiti ui noñemaxti Espíritu Santo, nanti, ane ñana yarusɨrɨx kɨrɨpɨx iku nanaiña axɨna kɨx. Axɨmanu nuraxti uxiante, au axɨmanio naskɨbeka tɨkañe naukiche axti Claudio yɨriabuxti.

Hechos 20:23

axɨna tusiu iñemo uiti Espíritu Santo au nanaiña poka kauta yɨkatɨ, ane sɨmenuñɨ kauta aiñamanamañɨmpo tarukuityo nichakisɨrɨkɨ.

Hechos 27:24

nanti iñemo: ‘Tapɨ aixhuka Pablo, ityopiki aɨkatɨ esati yɨriabux au Roma, atopikikɨ uiti Tupax namanaiña axɨbama aboma achepekɨ champɨti koiño.’

2 Tesalonicenses 2:12

Sane nauki asuriuma nityakisɨrɨkɨxɨma ñana namanaiña axɨbama chixhanxɨpɨma aikokoma axɨna ñemanauntu uxia manityakax, taruku nipukɨnunkuxɨma oboi axɨba chomixhampɨ isamutema.

2 Tesalonicenses 2:3

Tapɨ chebo aboi anati matachemakana aume. Axɨmanu nanenes ñana chɨkuapɨtɨ chepe axtɨ atɨraimia kutakikiboti Tupax axɨmanuma chuxiampɨ uimia ɨmoti akamanu ityusiankanatiyɨ maniki ñoñɨnx champɨ nikoñoko nisɨborikixhti, naki toxiobo ɨmo nikonkoxti.

Hebreos 1:1

Aukiapae tɨkañe axti Tupax taikiana anityati ɨmoma axɨbama uyaɨtaiki oboi aruki nanaiñantai nuraxti uimia axɨbama profetas.

1 Juan 2:20

Axti Cristo, naki champɨ nomɨnantɨ kɨtɨpɨti, iñanati pese año pɨnanakimia axɨbama ikuki axɨna kɨx, uiti toxioti Espíritu Santo aume, namanaiña axaño ausuputakai axɨna ñemanauntu.

1 Juan 2:27

Axaño anati Espíritu Santo aukɨtɨpɨ axɨna uiche aukurusɨka uiti Jesucristo, sane champɨ nɨmocheti kiatax nauki anunekati aume, tyopiki axti Espíritu naki toxioti aume uiti aiñununekanati año nanaiña, axɨmanio ñanunekasaxti tyoneio ñemanauntu chɨtɨpɨ mapankax. Tapɨ apiñakaño pese pɨnanakiti Cristo, sane takana manunekanati Cristo aume.

1 Juan 4:6

Tapɨ axoñɨ, ta aɨtoxti Tupax oñɨ. Axti naki isuputarati Tupax onsapetioti numanityaka. Ui axɨna sane usuputakati naki ane noñemaxti Tupax Kɨtɨpɨti axtityo naki ane kɨtɨpɨti noñemaxti chobores.

1 Juan 5:6

Naukiche kuatati Jesucristo iku axɨna kɨx, ɨrioti ui tux, naukiche koiñoti arapara notoxti, axti Espíritu Santo astaiti nanaiña axɨna sane, nanaiña axɨna nanti Epíritu tyone axɨna ñemanauntu.

Apocalipsis 1:1

Tyone axɨmanu ñemanauntu ananka anekana tusiankana uiti Tupax sukarɨti Jesucristo, axɨna tusiankanabo uiti sukarɨma axɨbama nesaxti apóstoles axɨna konto ñana uxiante. Axti Jesucristo urapoiti axɨna sane sukarɨti Kuan naki nesaxti apóstol ityurukiti taman ángel,

Apocalipsis 1:19

Aikonomo axɨna astai: axɨna uxiante kaɨma axɨnaintyo uxiantamoebo ñana.