San Juan 15:7 - Manityanati Tupax

⁷ “Axtɨ abasikia ichepeñɨ axtɨtyo chɨtakɨrusupɨ napakionko iyo nixhanunekaka, apankisio axɨna nauxiantɨmo toxio aume.

Manitanati Tuparrü

⁷ ‛Arrtü abaca ichepeñü y chütacürusupü napaquionco iyo nisura, auqui caüma arrtü apanquiquia pünanaquiti Tuparrü isiu naurrianca, torrio aume uiti.

San Juan 15:7 ပူးပေါင်းရင်းမြစ်များ

San Mateo 7:7

“Apanki pɨnanakiti Tupax, ityoximiatati aume. Axtɨ apapacheka, ane tabɨko aboi. Apiyotobai tyurux, aurɨbo aume.

San Juan 14:13

Nanaiña axɨna apankitio au nisɨri, ityoximiata aume, sane naukiche isiukiñɨ tusiankana nɨriakaxti Iyaɨ.

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

San Juan 16:23

“Au axɨmanu nanenes ñana champɨki isane apankitio xhopɨnanakiñɨ. Ñemanauntu toxio ñana uiti Iyaɨ aume nanaiña axɨna apankikia pɨnanakiti au nisɨri.

San Juan 8:31

Nanti Jesús ɨmo axɨmanuma judíos ikokoromati: –Axtɨ apikokota nihxanunekaka, ñemanaunkuxatoe tyonema axɨbama amonkaño isiuñɨ.

San Juan 8:37

Tusiu iñemo ta axaño nityakɨbaɨtuxti Abraham. Axaño auxianka apityabairoñɨ ityopiki chauxiankapɨ apasuriu nisura.

Gálatas 4:2

Aboma axɨbama asaramatɨ tyakuti asaramatityo tyaku axɨmanu enaxiboti, chepe axtɨ iñatai ñana axɨmanu nanenes ɨriotɨ uiti yaɨtoti.

Gálatas 5:16

Sukanañɨ aume, axɨna sane: Apisamuse nausɨboriki isiuki noñemaxti Espíritu Santo, tapɨ apisamute isiu axɨba chomixhampɨ nauxiantɨmo.

Colosenses 3:16

Tari axɨna nuraxti Cristo sɨsio ñana aukɨtɨpɨ aɨbu nanaiña axɨba omixha. Axtɨ apanunekaka aumeampatoe, apisamuse aɨbu napapanaunku. Aɨbu nipukɨnunku nabausasɨ apasoni ɨmoti Tupax. Salmos, pikiataka sonikia aɨbu ñapanaunku nabausɨpɨ.

1 Juan 2:14

Xhakonomoka aume, axɨbama isaɨtaiki, tyopiki ausuputakati naki Uyaɨ. Xhakonomoka aume, mayarusɨrɨka, tyopiki ausuputakati axti naki anankatiatai aukiapae ñemonkox. Xhakonomokaityo aume mayaɨka, tyopiki aruku nuxia aume apasutiutyo nuraxti Tupax au nabausasɨ, tyopiki chautapenekapɨ uiti chobores.

1 Juan 2:27

Axaño anati Espíritu Santo aukɨtɨpɨ axɨna uiche aukurusɨka uiti Jesucristo, sane champɨ nɨmocheti kiatax nauki anunekati aume, tyopiki axti Espíritu naki toxioti aume uiti aiñununekanati año nanaiña, axɨmanio ñanunekasaxti tyoneio ñemanauntu chɨtɨpɨ mapankax. Tapɨ apiñakaño pese pɨnanakiti Cristo, sane takana manunekanati Cristo aume.

1 Juan 3:22

Ityoximiatatityo oemo nanaiña axɨna mankitio pɨnanakiti, tyopiki uikokota yakɨpukuxti, uisamutentyo axɨna uxia ɨmoti.

1 Juan 5:14

Oñonkatɨ ɨmoti Tupax, tyopiki tusiu oemo axtɨ mankikia pɨnanakiti axɨna uxia ɨmoti, toxio uiti oemo.