San Juan 14:27 - Manityanati Tupax

²⁷ “Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

Manitanati Tuparrü

²⁷ ‛Ñasamuna nariorrü aume, taiquiana urria nabaca. Pero arrübama macrirrtianuca icu na cürrü, sürümanama chicocoromapüñü, uimia chüpuerurrüpü urria nabaca. Pero arrüñü rrayuraca aume ñemanauncurratoe. Tapü ane penarrü aboi, y tapü aupirruca.

San Juan 14:27 ပူးပေါင်းရင်းမြစ်များ

San Mateo 10:26

“Tapɨ, aupixhuka, ñɨnana makiataka. Tyopiki champɨ axɨna chɨtusiankanapɨ chɨtusiupɨ ñana, champɨityo axɨna anekana chɨtabɨkopɨ ñana.

San Lucas 1:79

nauki ane nanentax ɨmo axɨbama sɨborikoma auna tarukapae tomikianene, nauki uxia nuñame isiu kutubiux kauta champɨ nomɨnantɨ.”

San Lucas 10:5

Axtɨ amekatɨpo au taman pox, kusɨrɨbo apanki nuxia, sane: ‘Taikiana uxia uiti Tupax ɨmo axɨbama po'oso.’

San Lucas 12:4

“Sukanañɨ aume, axɨbama ichurapataiki, tapɨ aupixhuka ñɨnana axɨbama ityabaitama nokɨtɨpɨ, tyopiki tyoneantai isamutema.

San Lucas 2:14

“¡Yarusɨrɨxti Tupax au napes! ¡Taikiana uxia ui mañoñɨnka ɨmomantoe iku axɨna kɨx axɨbama uxia uiti Tupax ɨmoma!”

San Juan 14:1

Auki nanti Jesús ɨmoma axɨmanuma nesaxti apóstoles: Tapɨ ausucheka, amonsotɨ ɨmoti Tupax amonkatityo iñemo.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

San Juan 20:19

Naukiche tɨtobikia au axɨmanu nanenes tominko, axɨmanuma amonkoma isiuti Jesús iyoberabaramakɨ au taman pox. Amonkio tyuruka umamana nuxia uimia ui nixhukuxɨma ñɨnanama axɨmanuma ɨriatuma axɨmanuma judíos. Sɨrotitɨpo Jesús axɨpekuma, atɨraiti kɨmuintya axɨpekuma, mankioti nuxia ɨmoma, nanti: –¡Taikiana uxia aboi aumeampatoe!

San Juan 20:21

Auki nanti tatityo ɨmoma: –¡Taikiana uxia aboi aumeampatoe! Takanati Iyaɨ ikɨpurutiñɨ, saneityo axɨñɨ ikɨpukaño.

San Juan 20:26

Yopɨrɨkɨ ocho naneneka, axɨmanuma amonkoma isiuti oberabarama tatityo au axɨmanu pox, auki anankati Tyomanxi ichepema. Amonkio tyuruka umamana uimia, auki sɨrotitɨpo Jesús, sɨroti kɨmuintya axɨpekuma auki mankioti ɨmoma, nanti: –¡Taikiana uxia aboi aumeampatoe!

Hechos 10:36

Axti Tupax manityanati ɨmo axɨbama po'osoma auki Israel, urapoiti sukarɨma axɨba omixha manityakax axɨna uiche uxia uimia ɨmomantoe, uiti Jesucristo naki Yɨriabux ɨmo namanaiña.

Hechos 18:9

Taman tobixh axti Yɨriabux ityusiankanatiyɨ sukarɨti Pablo nanti ɨmoti: “Tapɨ aixhuka. Anuneka axɨba omixhia manityakax tapɨ etaikei.

Romanos 1:7

Namanaiña axɨbama po'osoma au Roma, taruku naukuasɨrɨkɨ ɨmoti Tupax batasukuxtyo aume apipesɨnaka nausɨboriki. Tari uiti Tupax naki Uyaɨ, axtityo Jesucristo aukurusɨka uimia taikianaintyo aixhimiakama nomɨnantɨ aboi aumeampatoe.

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

Romanos 5:1

Axti Tupax, chauki tɨbesɨro uiti nosɨboriki, ui numakokonaunku, taikiana uxia osoi oemantoe aɨbuti Tupax, ityopikiti Yɨriabux Jesucristo.

Romanos 5:10

Tyopiki axti Tupax naukiche tɨkañe chiyaupɨ nomɨnantɨ osoi ɨmoti, ane maximiakatax uiti oemo ityopiki nikonkoxti Aɨtoxti, sane naukiche uxia uiti Tupax oemo ityopiki nisɨborikixhti.

Romanos 8:6

Axtɨ uisamute isiuki nixhantɨmo nokɨtɨpɨ, uixh uɨkatɨ ɨmo nokonko. Tapɨ axtɨ uisamute nixhantɨmoti Espíritu Santo uixh osɨborikia uixhtyo uxia uiti Tupax oemo.

1 Corintios 1:3

Tari axti Tupax naki Uyaɨ chepeti Yɨriabux Jesucristo aukurusɨka uimia aixhimiakama nomɨnantɨ aboi.

Gálatas 1:3

Tari uiti Tupax naki Uyaɨ axtityo Yɨriabux Jesucristo tari uimia aukurusɨka taikianaintyo aixhimiakama nomɨnantɨ aboi.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Gálatas 6:16

Taikiana uxia aboi aumeampatoe apasusiu nipukɨruxɨma namanaiña axɨbama sane nisɨborikixhimia isiuki axɨna bakɨpukux, namanaiñaintyo axɨbama Aɨtoxti Tupax.

Filipenses 4:7

Sane ixhimiakatati Tupax nomɨnantɨ aboi, tyone axɨna taruku niyarusɨrɨkɨx pɨnanaki ñapanaunkuxɨma mañoñɨnka. Axɨmanu nipukɨruxti asaratɨ tyaku nabausasɨ tyakuityo napapanaunku ui noñemaxti Cristo Jesús.

Colosenses 1:2

supakionko tanu aume axɨbama aboma au Colosas, axɨbama apikokokati Cristo. Tari axti Tupax naki Uyaɨ aikunusɨankanati año taikiana aixhimiakati nomɨnantɨ aboi.

Colosenses 1:20

tyopikiti Cristo xhimiakana uiti Tupax nomɨnantɨ ui namanaiña. Axɨna sane isamutenti tyopiki nikonkoxti Aɨtoxti kɨtɨpɨ kurusɨx.

Colosenses 3:15

Tari axɨna nipukɨnunkuxti Cristo sɨsio au nabausasɨ, tyopiki ɨmo samamekana año uiti Tupax nauki apisamunaño kunauntaña kɨtɨpɨx, nauki apityusianka naupukɨnunku.

2 Tesalonicenses 1:2

Tari axti Tupax naki Uyaɨ axtityo Yɨriabux Jesucristo aukurusɨka uimia taikianaintyo aixhimiakama nomɨnantɨ aboi.

2 Tesalonicenses 3:16

Tari axti naki Yɨriabux uxia uiti taikiana uxia uiti aume, au nanaiña nausɨboriki, tari sɨsioti Yɨriabux abaxɨpeku.

2 Timoteo 1:7

Axti Tupax chɨtoxiotipɨ Espíritu Santo oemo uiti nauki taruku nuixhuku, ta nauki aruku nuxia oemo, nauki makumananau naukityo mapanau.

Hebreos 13:20

Axti Tupax, naki uiche atɨraiti tato axɨpekuki makoiñoka naki Yɨriabux Jesús oemo, tyonenti naki yarusɨrɨx axɨpekuki axɨbama asaramatɨ yutaku nobixhaka, naki ui notoxti atusi oemo ta champɨ nityakɨrux ñana axɨmanu ɨriotɨ tɨkañe uiti,

Hebreos 7:2

Auki axti Abraham ityoximiatati ɨmoti Melquisedec aruki axɨmanu iyebo uiti auki yaikixhti. Axɨmanu nɨrixhti Melquisedec ta sane “yɨriabux besɨro ñapanaunkuxti”, kiatax nɨrixhti yɨriabux ɨmo Salem, ta sane “yɨriabuxti naki uxia uiti ɨmo namanaiña”

Apocalipsis 1:4

Axti Kuan ñakionkoxti ñome axɨmanio siete kauta nakaxɨma axɨbama ikokoromati Jesús axɨbama aboma au Asia. Apasusiu makunusɨankakax taikianaintyo uxia aume uiti naki kuabotɨ ñana, axɨbamaintyo siete espíritu axɨbama aboma esa nityɨmoxti,

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Apocalipsis 21:8

Tapɨ axɨbama taruku nixhukuxɨma, axɨbama chɨmakokonaumpɨma, axɨbama chuxiampɨ uimia ɨmo makiataka, axɨbama mayatabayoka, axɨbama xhanxɨma ɨmomantoe, mapichareruka, axɨbama manaunuma ɨmo matupaka nisamuku mañoñɨnka namanaiñaintyo mañapanka, tyonema ñana axɨbama sɨrobomatɨ au axɨmanu narubaityu pes, tyone axɨmanu kiatax konkox.”