San Juan 14:12 - Manityanati Tupax

¹² Ñemanauntu sukanañɨ aume axti naki ikokoroñɨ, omixhantetyo uiti axɨba omixhante sobi, omixhantenkityo uiti pikiataka axɨba yarusɨrɨkatoe. Tyopiki axɨñɨ yɨkatɨ esati Iyaɨ.

Manitanati Tuparrü

¹² Suraboira ñemanauncurratoe ausucarü: Arrti naqui icocoroñü, isamutentito milagrorrü tacana arrüba isamuquio, hasta masamunutito manrrü yarusürürrü milagrorrü, itopiqui arrüñü yeca tato esati Iyaü.

San Juan 14:12 ပူးပေါင်းရင်းမြစ်များ

San Mateo 21:21

Aiñumuti Jesús nuraxɨma: –Ñemanauntu sukanañɨ aume axtɨ apakokonaunka, chɨtɨpɨ axɨnantai apisamute axɨna isamute ɨmo axɨna higuera, axtɨ amukanañointyo ɨmo axɨna yirityux: ‘Aikiaɨbusɨ aukimanu akosi au narubaityu tux’, sane uxiante.

San Marcos 11:13

Astaiti auki iche taman nutachens sɨrɨmana nasux, sɨrotitɨ asaraiti axtɨ abe nɨtax, champɨ tabɨko uiti nasuxtai abe'e, ityopiki chiñataikipɨ nanenes ɨmo nauki ɨta.

San Marcos 16:17

Axɨba oboiche atusi abe ichepe axɨbama ikokotama: au nisɨri bakaɨburuma machoboreka. Iyebo uimia kiatax manityakax.

San Juan 14:28

Chauki tamonkoi nisura axɨñɨ yɨkatɨ auki ta'a yasɨkɨbɨka tato nauki yasikia auchepe. Axtɨ ñemanauntupɨ isuasɨrɨka aume, aupukɨnunkapɨ ui axɨna tusiu aume ta yɨkatɨ tato esati Iyaɨ, ityopiki taruku nɨriakaxti xhopɨnanakiñɨ.

San Juan 16:7

Ñemanaunkuxatoe sukanañɨ aume: uxia axtɨ yɨkatɨ. Tyopiki axtɨ chiyɨkapɨtɨ, axti naki okɨmanabo autaku chɨkuatatipɨ sɨsioti auchepe, tapɨ axtɨ yɨkatɨ, sobi ikɨpuruti.

San Juan 4:37

Ñemanauntu axɨmanu manityakax nantɨ sane, ‘Aboma axɨbama mankɨturuma tapɨ makiataka bapakɨtauruma.’

San Juan 5:20

Axti Yaɨtoti kuasɨrɨti Aɨtoxti ɨmoti ityusiankatati sukarɨti nanaiña axɨna isamutenti. Ityusiankatatiki sukarɨti nanaiña axɨba yarusɨrɨka, axɨba oboiche taruku naukɨtobɨkɨ.

San Juan 7:33

Auki nanti Jesús: –Axɨñɨ yasikiaiki auchepe ñome axɨba mɨmanantai naneneka, auki yɨkatɨ tato esati naki uiche aikɨpuruñɨ.

San Juan 7:39

Tyone axɨna nanti Espíritu axɨna toxiobo ñana ɨmoma axɨbama ikokoromati, tyopiki chiñataitikipɨ Espíritu Santo, tyopiki axti Jesús chɨsɨborikotikipɨ tato.

Hechos 10:46

Tyopiki onkoimia ñanityanama au kiatax manityakax yarusɨrɨxtyo nɨrixhti Tupax uimia.

Hechos 16:18

Sɨrɨmana naneneka axɨna sane uixh, auki axti Pablo tubata ɨmoti axɨmanu nurax sane, basɨkɨbɨkoti tato nanti ɨmoti maniki anati kɨtɨpɨ: –Au nɨrixhti Jesucristo, sukanañɨ aemo nauki arioxɨkɨ kɨtɨpɨki axɨna kupikixh. Isiukai axti maniki chobores sɨrotitɨ kɨtɨpɨki.

Hechos 19:12

axtɨ ane ikutamaxite nikɨtɨpɨxti Pablo naibixhimia, sɨrotɨ uimia aiñama kɨtɨpɨma axɨbama maunxokonoma uxiankama tato uixh, machoboreka sɨromatityo kɨtɨpɨkimia.

Hechos 2:33

Naukiche tɨsɨrotitɨ tato uiti au napes tɨmonsoti uiti au nepanaunkuxti. Uiti Tupax toxioti Espíritu Santo ɨmoti Jesús. Uiti kaɨma toxio suiñemo axti maniki Espíritu Santo, ityopiki urapoiti tɨkañe suisukarɨ. ¡Tyone axɨna kaɨma amonkoi ta amastaityo!

Hechos 2:41

Au axɨmanu nanenes, saimia ɨmo trex mil nububikixhimia ikokotama axɨna ñanunekakaxti Peru. Naukiche ɨrioma ui axɨmanuma amonkoma isiuti Jesús, namanaiña sɨromatɨ isiuma.

Hechos 4:16

Namatɨ: –¿Kausane nubachɨkoi aɨbuma axɨbama mañoñɨnka? Namanaiña axɨbama po'osoma auki Jerusalén tusiu ɨmoma axɨna uxiante uimia axɨna champɨ tubastai. Sane naukiche champɨ kausane uiñaneka.

Hechos 4:33

Axɨmanuma amonkoma isiuti Jesús ui noñemaxti Tupax manunekanama axɨna sɨborikoti tato Yɨriabux Jesús. Tapɨti Tupax taikiana kurusɨuma uiti,

Hechos 4:4

Tapɨ axɨmanuma sɨrɨmanama amonkoma onsapekoma nuraxti Peru, ikokotama. Sane naukiche axɨmanu nububikixhimia axɨbama ikokoromati Jesús, iñatai saimia cinco mil axɨbamantai mañoñɨnka.

Hechos 5:15

Sɨromatɨ aɨbuma axɨbama maunxokonoma iku nikɨruxɨma, sɨroma uimia isiu kutubiux axɨna aukiche sɨrotitɨ Peru, nauki axtɨ nausɨpɨtuxtiatai iyebo kɨtɨpɨma.

Hechos 6:7

Axɨna nuraxti Tupax tɨtusiu au nanaiña, axɨmanuma ikokoromati Jesús naneneka isumainkianɨ nubukixhimia au Jerusalén. Abomaintyo axɨbama sacerdotes judíos axɨbama ikokoromati Jesús.

Hechos 8:7

Sɨrɨmanama axɨbama anati chobores kɨtɨpɨma uxiankama tato uiti Felipe, axɨmanuma machoboreka sɨromatɨ kɨtɨpɨkimia aɨbu nityosibixhimia. Axɨmanumaintyo chuxiampɨ namensɨma ichepe axɨmanuma chɨpokoropɨma amenkoma tato.

Hechos 9:34

Nanti Peru ɨmoti: –Eneas, uxiankɨ tato uiti Jesucristo. Atɨsai, aikoñoko nakɨru. Auki atɨraiti Eneas.

Hechos 9:40

Auki bakɨpuruti Peru ɨmo namanaiña aɨromatɨ tyɨrɨpo. Axti Peru bachesoiyoti meaboti, auki asaratitɨ ɨmo axɨmanu tɨkoiño, nanti: –¡Tabita, atɨsai! Tyone iyaɨburio nisɨtox, asaratɨ ɨmoti Peru. Auki tɨmonso.

Romanos 15:19

oboi axɨba champɨ tastaimia omixhante, uityo nikusɨu nesaxti Espíritu axti Tupax. Sane naukiche aukiapae Jerusalén xhanunekaka axɨba nuraxti Cristo au nanaiña axɨba poka tyupeku iñatai au Ilírico au nanaiña xhanunekaka axɨba omixhia nuraxti Cristo.