San Juan 13:31 - Manityanati Tupax

³¹ Naukiche tɨsɨrotitɨ Judas, nanti Jesús ɨmo axɨmanuma makiataka nesaxti apóstoles: –Kaɨma namanaiña astaimia niyarusɨrɨkɨ nisɨriakaxti naki Aɨtoxti ñoñɨnx. Sobityo ityusianka niyarusɨkɨ nɨriakaxti Tupax.

Manitanati Tuparrü

³¹ Nauquiche tüsürotitü Judas auqui manu, nanti Jesús: —Caüma tusio arrüna tarucu nanentacarrti Tuparrü ichupecuñü. Caüma ito tarucu ñanauncurrüma macrirrtianuca ümoti Tuparrü, ui nanaiña arrüna pasabobo iñemo.

San Juan 13:31 ပူးပေါင်းရင်းမြစ်များ

San Mateo 8:20

Aiñumuti Jesús nuraxti: –Numantureka bopo'oso kɨtu tapɨ nutaumanka ane niñosemenux, tapɨti Aɨtoxti ñoñɨnx champɨ kauta aikonokoti nityanuxti.

San Lucas 12:50

Kusɨrɨbo yasuriu axɨmanu pichananene makokotox iñemo, ¡taruku nichakisɨrɨkɨ ichepe axtɨ tuxiante axɨna sane!

San Juan 11:4

Naukiche tɨtusiu ɨmoti Jesús, nanti: –Axɨmanu noxokox ɨmoti chɨkoiñotipɨ uixh, tyone axɨna uiche atusianka nɨriakaxti Tupax, axɨnaintyo nisɨriaka axɨñɨ Aɨtoxti Tupax.

San Juan 12:23

Auki nanti Jesús ɨmoma: –Chauki tiñatai axɨna mapakɨmunkutux auche namanaiña ñemanaunkuxatoe atusi ɨmoma ñakuti naki Aɨtoxti ñoñɨnx.

San Juan 12:28

Xhankiriora sane pɨnanakiti Iyaɨ: “Aityusianka nɨriaka iku axɨna kɨx.” Auki rabotɨ manityakax auki napes, nantɨ sane: “Chauki tɨtusiankana sobi nisɨriaka, ta kaɨma ityusiankata tatityo.”

San Juan 14:13

Nanaiña axɨna apankitio au nisɨri, ityoximiata aume, sane naukiche isiukiñɨ tusiankana nɨriakaxti Iyaɨ.

San Juan 16:14

Uiti ñana aityusiankati nisɨriaka, ityopiki yasutiuti ñana axɨna ane sobi nauki aityusiankati ausukarɨ.

San Juan 7:39

Tyone axɨna nanti Espíritu axɨna toxiobo ñana ɨmoma axɨbama ikokoromati, tyopiki chiñataitikipɨ Espíritu Santo, tyopiki axti Jesús chɨsɨborikotikipɨ tato.

Hechos 2:36

“Namanaiña axɨbama auki Israel atusi aume, axti maniki Jesús takubaxioti aboi kɨtɨpɨ kurusɨx, toxio uiti Tupax ɨriakaboti ɨmo namanaiña iku axɨna kɨx.”

Hechos 3:13

Axti Tupax ɨmoti Abraham, ɨmoti Isaac ɨmotityo Jacob, ɨmoma axɨbamaintyo kusɨrɨboma tɨkañe usaɨbu, tyonenti naki uiche yarusɨrɨx nɨrixhti Jesús axti Aɨtoxti. Naki toxioti aboi ɨmo mayɨriabuka, axti yɨriabux Pilato xhanxtipɨ tɨkañe aiñemekanati, tapɨ axaño chauxiankapɨ.

2 Corintios 3:18

Sane naukiche nanaiña oñɨ, tɨkarɨbu nusubuxi axɨna uiche tɨkañe chubasakapɨtɨ, sane kaɨma bastai niyarusɨrɨkɨxti Tupax, uixh masamuña tusiu au nosɨboriki axɨna niyarusɨrɨkɨxtti Tupax, ui noñema nesaxti Espíritu Yɨriabux Jesús.

Efesios 1:12

Axti Tupax xhanxti nauki axoñɨ axɨbama judíos ukusɨrɨka uikokoroti Cristo, nauki namanaiña machampienka tyopiki niyarusɨrɨkɨ nɨriakaxti.

Efesios 2:7

Isamutenti sane nauki aityusiankati axɨna nipukɨruxti ñana yarusɨrɨxtyo nukuasɨrɨkɨ ɨmoti aɨbuti Jesucristo.

Efesios 3:10

Sane kaɨma, aɨbuma axɨbama ikokoromati Jesús, nanaiña nɨriakax axɨbamaintyo mayɨriabuka au napes tusiu kaɨma ɨmoma axɨna taruku ñapanaunkuxti Tupax, axɨna aruki nanaiñantai nityusiankakax.

Filipenses 2:11

nauki namanaiña asuputaramati ta tyonenti Cristo Yɨriabuxti, nauki achampienkama ɨmoti Tupax naki Uyaɨ.

1 Pedro 1:21

Auki nakaxti Cristo axaño apikokota nakaxti Tupax, naki uiche asɨboriti tato axɨpekuki makoiñoka, auki toxio ɨriakaboti au napes. Sane naukiche axaño amonkatɨ ɨmoti Tupax, tusiuityo aume ta ñemanauntu toxio ñana nanaiña axɨmanu ɨriotɨ tɨkañe uiti.

1 Pedro 2:12

Taikiana uxia nausɨboriki axtɨ abaka axɨpekuma axɨbama chikokoropɨmati Tupax. Sane axtɨ kaɨma chuxiampɨ nuraxɨma aume, takana axɨbama chuxiampɨ nisɨborikixhimia, astaimia ñana axɨna uxia apisamute auki machampienkanama ɨmoti Tupax uimia au axɨmanu tyakɨrux nanenes ñana.

1 Pedro 4:11

Axtɨ anati naki manityanati, tari anityati takana nuraxti Tupax. Axtɨ anati naki ane yachɨkoiti ɨmoti kiatax, tari aisamunenti aɨbu nanaiña nikusɨuxti axɨna toxio ɨmoti uiti Tupax. Nanaiña axɨna apisamute, apisamuse nauki achampienkama ɨmoti Tupax tyopikiti Jesucristo, naki esache axɨmanu yarusɨrɨx nɨriakax axɨna champɨ nityakɨrux ñana. Amén.