San Juan 13:18 - Manityanati Tupax

¹⁸ “Chixhanityakapɨ ɨmo namanaiña axaño. Tusiu iñemo ñakusanema axɨbama samamekanama sobi. Axɨna nantɨ iku Nikorox ta omixhankio ñana: ‘Axti naki basoti ichepeñɨ, chuxiampɨ uiti iñemo.’

Manitanati Tuparrü

¹⁸ ‛Champürrtü rranitaca ümo nanaiña año. Itacümanauncucaño aucutanu, y bien isuputacaño. Contoatai tiene que acoco arrüna nantü sane Nicororrü: “Arrti naqui baso ichepeñü tüboricoti iñemo”.

San Juan 13:18 ပူးပေါင်းရင်းမြစ်များ

San Mateo 10:36

Sane nauki axɨbama chuxiampɨ uimia ɨmoti ñoñɨnx tyonema ñana axɨbama arukibotiatoe.

San Mateo 26:21

Naukiche amonkoma basoma, nanti ɨmoma: –Ñemanauntu sukanañɨ aume tamanti abaxɨpekuki ityoximianatiñɨ.

San Mateo 26:23

Aiñumuti Jesús nuraxɨma: –Tamanti naki ipiankatati pan ichepeñɨ auna aukiche ixhaka, ityoximianatiñɨ ñana.

San Marcos 14:17

Naukiche tɨtobikia, iñataiti Jesús ichepe axɨmanuma doce nesaxti apóstoles.

San Marcos 14:18

Naukiche amonkoma tɨmonsoma basoma, nanti Jesús ɨmoma: –Ñemanaunkuxatoe tamanti abaxɨpekuki, axti naki basoti ichepeñɨ, uiti aityoximianatiñɨ.

San Marcos 14:20

Aiñumuti Jesús: –Tamanti abaxɨpekuki, axti naki basoti ichepeñɨ.

San Lucas 22:21

Ne'esti naki uiche aityoximianañɨ ane auna, ichepe niñee.

San Juan 13:21

Naukiche tɨnanti nanaiña axɨna sane, onkisioti Jesús nisuchekixhti, auki nantityo: –Ñemanauntu sukanañɨ aume tamanti abaxɨpekuki uiti ñana aityoximianatiñɨ.

San Juan 13:22

Auki axɨmanuma nesaxti apóstoles asaramatɨ ɨmomantoe, chɨtusiupɨ ɨmoma ñakuti ɨmoche axɨmanu sane nuraxti.

San Juan 13:26

Aiñumuti Jesús nuraxti: –Axtɨ pankana sobi pan, axti maniki ɨmoche ityoximia, tyonenti. Auki aipiankati axɨmanu pan aityoximiati ɨmoti Judas, aɨtoxti Simón Iscariote.

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

San Juan 15:19

Axaño aukuasɨrɨkapɨ ɨmoma axtɨ isiupɨ nausɨboriki takana nisɨborikixhimia. Axaño chisiukipɨ nausɨboriki, ityopiki sobi samamekana año tapɨ iyebo aboi takana nisɨborikixhimia. Sane naukiche chuxiampɨ uimia aume.

San Juan 15:25

Nanaiña omixhante axɨba sane nauki atusianka axɨna manityakax ane korobo iku bakɨpukux uiti Moisés ɨmoma: ‘Chuxiampɨ uimia iñemo champɨatai ityopikiche.’

San Juan 17:12

Naukiche anankañɨnki ichepema iku axɨna kɨx, yasakatɨ xhokɨmakaityo tyakuma ui nɨriaka nɨri, axɨmanu nɨri toxio obi iñemo. Champɨti naki ensoroti axɨpekukimia kunauntañatiatai Judas, nauki atusianka axɨna nantɨ iku Nikorox.

San Juan 18:32

Sane uxiante axɨmanu nanti Jesús kausane ñana nikonkoxti.

San Juan 19:24

axɨmanuma masortaboka namatɨ ɨmomantoe: –Tapɨ uikiompɨnata, sorteabo osoi, nauki atusi ñakuti sɨsioti aɨbu. Sane uxiante axɨmanu Nikorox nantɨ: “Bochepesɨro uimia nisaibi ɨmomantoe, axɨmanu kiatax sorteabo uimia.”

San Juan 19:36

Omixhankio axɨba sane nauki akoko axɨna nantɨ iku Nikorox: “Chumaneonkopɨ taman nipiaixhti uimia ñana.”

San Juan 21:17

Tɨtabe trex ñankikixhti pɨnanakiti nanti ɨmoti: –Simón, aɨtoxti Kuan, ¿isuasɨrɨka aemo? Auki sucheboti Peru tyopiki tɨtabe trex ñankikixhti pɨnanakiti axtɨ kuasɨrɨti ɨmoti. Aiñumuti nuraxti: –Yɨriabux, tusiu aemo nanaiña: axɨkɨ tusiu aemo ta akuasɨrɨka iñemo. Nanti Jesús ɨmoti. –Asasatɨ yutaku niyabu nobixhaka.

San Juan 6:70

Nanti Jesús ɨmoma: –Axaño axɨbama doce nabubiki, sobi yapacherioraño. Tapɨ abaxɨpeku anati tamanti chobores.

Hechos 1:16

“Masarukityaiki, axɨmanio nanti tɨkañe David iku Nikorox ui noñemaxti Espíritu Santo, kɨtɨpɨti Judas, naki uiche aityoximianati Jesús ɨmoma axɨbama judíos.

Hechos 1:2

ichepe axɨmanu nanenes tɨkañe naukiche sɨrotitɨ tato au napes. Naukiche tɨniyɨkɨxti, auki noñemaxti Espíritu Santo manunekanati ɨmoma axɨmanuma amonkoma isiuti axɨmanuma samamekanama uiti ɨmo axɨna niyachɨkoimia.

2 Corintios 4:5

Chɨsupanunekakapɨ suisɨtɨpɨatoe, ta supanunekaka kɨtɨpɨti Jesucristo naki Yɨriabux oemo, suburapoi nuxia ausukarɨ axɨsomɨ kumanakax somɨ aume ui nikuasɨrɨkɨxti Jesús suiñemo.

Hebreos 4:13

Champɨ axɨna nisamukuxti Tupax iñanekanɨ pɨnanakiti. Nanaiña ane au nanentax sukarɨti naki uiche ñana asaraiti axɨna nosɨboriki.

Apocalipsis 2:23

Ɨmoma axɨbama aɨtoxɨma koiñoma sobi, auki namanaiña axɨbama ikokoromañɨ ta axɨñɨ tusiu iñemo axɨna ane au nityanuxɨma au nausasɨxɨma. Axɨñɨ ityoximiata aume isiuki axɨna uxiante aboi.