San Juan 11:41 - Manityanati Tupax

⁴¹ Kaɨburu uimia axɨmanu kanx, axti Jesús asaratitɨ ape, nanti sane: –Iyaɨ, ñachampienkaka aemo ityopiki onkoi nisura.

Manitanati Tuparrü

⁴¹ Auqui iquiaübutama manu canrrü. Arrti Jesús asaratitü ape au napese, meaboti, nanti sane: —Iyaü, chapie aemo, arrücü aitorrimiata iñemo arrüna rranquiquia apünanaquicü.

San Juan 11:41 ပူးပေါင်းရင်းမြစ်များ

San Mateo 11:25

Au axɨmanio naneneka, nanti Jesús sane: “Taruku nɨriaka, Iyaɨ, nenaxi nanaiña axɨna ane au napes takanaintyo axɨna kɨx, ityopiki aityusiankata sukarɨma axɨbama takisɨrɨma axɨba umanekana obi pɨnanaki axɨbama taruku nipiakaxɨma.

San Mateo 11:26

Sane, Iyaɨ, tyopiki sane naxianka.”

San Mateo 27:60

auki sɨroti uiti au axɨmanu nikɨxti iyebo, nesaxtiatoe, axɨmanu sɨtokono uiti au taman kanx. Naukiche tɨtabuxio uiti axɨmanu nikɨxti ui taman sɨrɨmanax kanx, auki sɨrotitɨ tato.

San Marcos 15:46

Auki axti Kiosen iyebo uiti kɨbuxikia omixhia, ikiatati akɨ nikɨtɨpɨxti uiti auki kiñoenoti oboi axɨmanio kɨbuxikia. Aukimanu sɨroti uiti au axɨmanu kanx sɨtokono tabuxio uiti ui kiatax kanx.

San Lucas 10:21

Akamanu, taruku nipukɨnunkuxti Jesús uiti Espíritu Santo, nanti: “Chapie aemo, Iyaɨ, axɨkɨ Yɨriabuxɨkɨ ɨmo napes ɨmo kɨx, ityopiki aityusiankata isukarɨ axɨbama champɨ nipiakama axɨba aiñanekakio pɨnanakimia axɨbama ipiakama. Sane, Iyaɨ, ityopiki sane naxianka.

San Lucas 18:13

Tapɨti maniki bakaɨburuti monixh sɨsioti iche'eña, chasaratitɨpɨ ape, ityusibiaɨrotiyɨ nanti: ‘¡Axɨkɨ Tupax, apukɨru chakuñɨ, axɨñɨ taruku nomɨnantɨ sobi!’

San Lucas 24:2

Naukiche topiñatai, tabɨko oboi axɨmanu kanx uiche atabuxi axɨmanu nikɨxti chanankapɨ kauta ananka.

San Juan 11:22

Axɨñɨ tusiu iñemo axtɨ ankikia kaɨma pɨnanaki Nixhupu Tupax ityoximiata aemo.

San Juan 17:1

Naukiche tɨchauki nanaiña axɨna sane nuraxti, asaratitɨ Jesús au napes, auki nanti: “Iyaɨ, chauki tiñatai axɨna mapakɨmunkutux. Aityusianka nɨriakaxti Aɨ, nauki aityusiankatityo axɨna nɨriaka.

San Juan 20:1

Au axɨmanu tɨkañe nanenes tominko tansɨrapae tomikianenenki, Mariax Magdalena yebotɨ asarai nikɨxti Jesús. Naukiche tɨtane saimia astai axɨmanu kanx nityabuxi nikɨxti kaɨburu.

Hechos 7:55

Tapɨti Esteban ui noñemaxti Espíritu Santo, asaratitɨ au napes astaiti yarusɨrɨx nɨriakaxti Tupax ichepeti Jesús atɨraiti au nepanaunkuxti.

Filipenses 4:6

Tapɨ amonxɨka yubapa axɨba ausɨratai, apityusiankasio nanaiña sukarɨti Tupax auki nameanka. Apanki pɨnanakiti apachampienkaityo ɨmoti.