San Juan 10:28 - Manityanati Tupax

²⁸ sobi sɨborikoma ɨmo nanaiña naskɨbeka, chɨkoiñopɨma ñana champɨtityo uiche aikiaɨbuti xhopɨnanakiñɨ.

Manitanati Tuparrü

²⁸ Sane nacarrüma bama tacana niyabu nobirramanca. Yacheca isüboriquiboma arrüna chütacürusupü. Chüpuerurrüpü aenso nausüpürrüma. Champüti naqui puerurrü aiñensonoconoma rropünanaquiñü.

San Juan 10:28 ပူးပေါင်းရင်းမြစ်များ

San Marcos 13:22

Kuamatiki ñana axɨbama chɨtɨpɨ mesías axɨbamaintyo chɨtɨpɨ profetas. Masamunuma ñana axɨna champɨ tamastai, oboiche atachemakama ɨmo axɨbamampae sɨroma pese uiti Tupax.

San Lucas 23:46

Auki rabotɨ nuxia nityosibixhti Jesús nanti: –¡Iyaɨ, amekukɨ ityoximiata niyausɨpɨ! Iyau axɨmanu nuraxti, koiñoti.

San Juan 10:29

Axɨna toxio iñemo uiti Iyaɨ taruku niyarusɨrɨkɨx pɨnanaki namanaiña, champɨti naki ikiaɨbutati pɨnanakiti.

San Juan 11:25

Auki nanti Jesús ɨmo: –Axɨñɨ tyonenti naki bachebo sɨborikixh, sobityo sɨborikoma tato axɨbama tɨkoiñoma. Axti naki ikokorotiñɨ, axtɨ koiñoti sɨborikoti tato.

San Juan 14:19

Tɨsaimia ñana nanenes auche axɨbama ikuki axɨna kɨx chasarapɨmañɨ, tapɨ axaño amasakañɨ. Tyopiki axtɨ isonka axɨñɨ isɨborikia tato, sobi ñana ausɨborikiaityo tato.

San Juan 17:2

Toxio obi isɨriakaboñɨ ɨmoma namanaiña axɨbama aboma iku axɨna kɨx, nisɨriakaityo nauki axɨbama toxioma obi iñemo ane isɨborikiboma axɨna champɨ nityakɨrux.

San Juan 18:9

Axɨna sane uxiante nauki atusianka axɨmanu nanti Jesús: “Iyaɨ champɨti ensoro axɨpekukimia axɨbama toxioma obi iñemo.”

San Juan 3:36

Axti naki makokonaunxti ɨmoti Aɨtoxti, ane isɨborikiboti ñome nanaiña naskɨbeka. Tapɨti naki chixhanxtipɨ akokonaunti ɨmoti Aɨtoxti, chɨtoxiopɨ ɨmoti axɨmanu isɨborikiboti, axɨna toxiobo ɨmoti taruku nityakisɨrɨkɨxti uiti Tupax.”

San Juan 4:14

Tapɨti naki chaboti axɨna tux toxiobo sobi, chanantopɨ atosɨti tato. Axɨna tux toxiobo sobi ɨmoti isamunɨ kɨtɨpɨti nantaityux uixh champɨ nityakɨru nisɨborikixhti.

San Juan 5:24

“Ñemanauntu sukanañɨ aume axti naki onsapetioti nisura ta ikokorotityo naki uiche aikɨpuruñɨ, toxio ɨmoti axɨna champɨ nityakɨru nisɨborikixhti. Champɨityo kausane uiti Tupax ɨmoti, tyopiki chauki tiyebo uiti nisɨborikixhti pɨrɨkɨ nikonkoxti.

San Juan 6:27

Tapɨ apapacheka amutuburibo axɨna takɨrusu, apapache amutuburibo axɨna chɨtakɨrusupɨ axɨna uiche champɨ nityakɨru nausɨboriki. Tyone axɨna amutuburibo toxiobo aume uiti Aɨtoxti ñoñɨnx, tyopiki axti Tupax, naki Iyaɨ samamekanati uiti.

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

San Juan 6:47

Ñemanauntu sukanañɨ aume axti naki ikokota, champɨ nityakɨru nisɨborikixhti.

San Juan 6:68

Aiñumuti Simón Peru nuraxti: –Yɨriabux, ¿ñakutipɨ naki isiuche somenotɨ? Kunauntaña axɨba nanityaka ane suisɨborikibo oboi ɨmo nanaiña naskɨbeka.

Hechos 7:59

Naukiche amonkoma yarurumati oboi kanka, axti Esteban meaboti sane: “Yɨriabux Jesús, asusiu niyausɨpɨ.”

Romanos 5:17

Ui ñatompɨkakaxti tamanti ñoñɨnx ane okɨtɨpɨ nɨriaka konkox, saneityo ñana ane taruku nupukɨnunku axtɨ iyebo osoi au nanentax tyopikiti Jesucristo, namanaiña axɨbama yasutiuma ñana axɨna nipukɨruxti Tupax uitityo axɨna uxia nisɨborikixhimia.

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Romanos 5:21

Sane takana axɨmanu nomɨnantɨ ane nɨriakax kuatɨ uixh konkox, saneityo nipukɨruxti Tupax ane nɨriakax nauki uxia nosɨboriki ɨmo nanaiña naskɨbeka uiti Yɨriabux Jesucristo.

Romanos 5:9

Tapɨ kaɨma axɨna uxia nosɨboriki uiti Tupax auki nikonkoxti Jesucristo. Sane naukiche utaesɨbuka ñana pɨnanaki nutakisɨrɨkɨ tyopikiti.

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

Romanos 8:1

Sane kaɨma, champɨki tyakuche atoximia ɨmo nityakisɨrɨkɨxɨma axɨbama aboma ichepeti Jesucristo,

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

Filipenses 1:6

Tusiu iñemo ta axti Tupax, isamutenti axɨba omixhia yachɨkoiti aupu chepe axtɨ kuatati tato Jesucristo iku axɨna kɨx.

2 Tesalonicenses 2:13

Axɨsomɨ taikiana supachampienka ɨmoti Tupax autaku, masarukityaiki axaño taruku naukuasɨrɨkɨ ɨmoti Yɨriabux Jesús, tyopiki uiti Tupax samamekana año nauki axaño apasɨrɨka apasuriu maximiakatax ui noñemaxti Espíritu Santo tyopiki apikokotaityo axɨba omixhia manityakax.

1 Timoteo 1:16

Tapɨti Tupax pukɨrusuti chakuñɨ, nauki axti Jesucristo aityusiankati sɨtɨpɨkiñɨ nanaiña axɨna uxia uiti. Isamutenti sane nauki makiataka aisamunema isiuki nisɨboriki aɨbu ñakokonaunkuxɨma ɨmoti Jesucristo nauki aye isɨborikiboma axɨna champɨ nityakɨrux.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

Hebreos 7:25

Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

1 Pedro 1:5

Ui axɨna apikokokati Tupax, sane naukiche okɨmanati autaku ui nɨriakaxti, nauki ane maximiakatax aume sane takana nixhankaxti au axɨba kaɨma naneneka.

1 Juan 1:2

Axɨmanu sɨborikixh ityusiankanɨ: axɨsomɨ sumastai supanityaka kɨtɨpɨ, suburapoi ausukarɨ axɨna sɨborikixh champɨ nityakɨrux, tyone ananka chepeti Uyaɨ auki ityusiankanɨ usukarɨ.

1 Juan 2:19

Axɨmanuma chuxiampɨ uimia ɨmoti Cristo taikiana aiyoberabaramakɨ ochepe, ñemanauntu chɨtɨpɨ usarukimia. Tyopiki axtɨ ñemanauntupɨ tyonempɨma usarukityaiki sɨsiopɨma ochepe. Uxiante sane nauki atusi nuxia ta chɨnamanaiñampɨ tyonema axɨbama usarukityaiki.

1 Juan 2:25

Tyoneampae axɨna ensɨmunu tɨkañe uiti Jesucristo oemo: axɨmanu osɨborikibo champɨ nityakɨrux.

1 Juan 5:11

Axɨmanu nanti Tupax ta toxio uiti oemo axɨna champɨ nityakɨru nosɨboriki, axɨmanu sɨborikixh ane axtɨ uikokokati Aɨtoxti.

SAN JUDAS 1:1

Axɨñɨ Judas, yaserebikia ɨmoti Jesucristo isarukitityo Santiago, nixhakionko ɨmoma axɨbama kuasɨrɨma ɨmoti Tupax, naki Uyaɨ axɨbama samamekanama uiti, axɨbama asaratitɨ Jesucristo tyakuma.

SAN JUDAS 1:21

Taikiana amonkatɨ ɨmoti Tupax kuantionki omixhia naneneka ñana aume uiti Yɨriabux Jesucristo, ui nipukɨruxti, toxio ñana uiti osɨborikibo axɨna champɨ nityakɨrux.

SAN JUDAS 1:24

Axti Tupax asaratitɨ autaku tapɨ apisamute axɨba nomɨnantɨ, anentyo nɨriakaxti nauki tapɨ ane nomɨnantɨ aboi axtɨ amekatɨ esati axtɨ tɨkuatati tato aɨbu niyarusɨrɨkɨ nɨriakaxti. Amekatɨ ñana esati aɨbu taruku naupukɨnunku, champɨ nomɨnantɨ aboi anentax naukɨtɨpɨ takana nabaibi axɨna iyebo.