San Juan 1:47 - Manityanati Tupax

⁴⁷ Naukiche asaratitɨ Jesús kɨmenuti Natanael, nanti: –Kuatati tauna tyonenti naki ñemanauntu auki Israel, naki chipiakatipɨ apanti.

Manitanati Tuparrü

⁴⁷ Nauquiche asaratitü Jesús cümenuti Natanael, nanti: —Auna nacarrti naqui taman ñemanauncurratoe israelitarrü, naqui chipiacapü encaña.

San Juan 1:47 ပူးပေါင်းရင်းမြစ်များ

San Juan 2:25

Champɨ nɨmoche uiti asioma uraboimia sukarɨti kausane nisɨborikixhimia axɨmanuma po'oso, ityopiki isuputakaiti nuxia nausasɨxɨma.

San Juan 4:16

Nanti Jesús ɨmo: –Akosi aityasuruti aikianɨ auki ariaku tatityo tauna aɨbuti.

San Juan 8:31

Nanti Jesús ɨmo axɨmanuma judíos ikokoromati: –Axtɨ apikokota nihxanunekaka, ñemanaunkuxatoe tyonema axɨbama amonkaño isiuñɨ.

San Juan 8:39

Axɨma namatɨ ɨmoti: –¡Axti naki suiyaɨ tɨkañe, tyonenti Abraham! Aiñumuti Jesús nuraxɨma: –Axtɨ ñemanauntupɨ axaño aɨtoxti Abraham, apisamutempɨ isiu axɨna isamutenti tɨkañe.

Romanos 9:4

Tyonema aɨtoxti Israel, tapɨti Tupax yasuriuruma ñamanaiña takana axɨbama aɨtoxtiatoe, axti Tupax anankati chepema aɨbu nanentakaxti, toxio uiti ɨmoma axɨmanu nɨriakax uiti Moisés, toxioityo ɨmoma nauki anauma ɨmoti Tupax takanaintyo axɨmanu ɨriotɨ uiti tɨkañe.

Romanos 9:6

Chensoropɨ nɨriakax axɨna nuraxti Tupax ɨmo axɨbama auki Israel. Tyopiki chɨtɨpɨ namanaiña axɨbama aɨtoxti Israel ñemanauntu tyonema auki Israel.

Filipenses 3:3

Tyopiki axɨbama ñemanauntu circuncidaboma ta axoñɨ, axɨbama ui noñemaxti Espíritu Santo uiñanaunkati Tupax tarukuityo nupukɨnunku tyopiki usaka chepeti Jesucristo. Choñonkapɨtɨ ñome axɨba ausɨratai ikuki axɨna kɨx.

1 Pedro 2:1

Sane naukiche, apikiaɨbu aukɨtɨpɨki nanaiña axɨba nomɨnantɨ, matachemakakax, axɨna chapisamutempɨ axɨna amukanaño, tapɨ abubatio nenaxi makiataka, tapɨ apanityaka axɨna chuxiampɨ kɨtɨpɨ makiataka.

1 Pedro 2:22

Axti Cristo champɨ nomɨnantɨ isamutenti tɨkañe champɨityo axtɨ matachemakanati ɨmo makiataka.

Apocalipsis 14:5

Tyopiki chɨmapañampɨma chisamutempɨmaintyo axɨna chuxiampɨ.