Hechos 6:3 - Manityanati Tupax

³ Sane naukiche masarukityaiki, apapache sietema mañoñɨnka abaxɨpekuki axɨbama uxia au napakionko nauki amonkatɨ ɨmoma, axɨbama taruku ñapanaunkuxɨma axɨbamaintyo ane noñemaxti Espíritu Santo kɨtɨpɨma.

Manitanati Tuparrü

³ Sane nauquiche bama masaruquitaiqui, apapache sietema mañoñünca abuturuqui arrübama puerrurrü amoncatü ümoma, bama ipiaca aserebimia y anatito Espíritu Santo auma. Tari tonema yasuriurama arrüna trabacorrü, nauqui aserebimia.

Hechos 6:3 ပူးပေါင်းရင်းမြစ်များ

San Mateo 23:8

“Axaño tapɨ apisamute sane nauki makiataka namatɨ aume maestro, ityopiki namanaiña axaño aubarukiapatoe anati aume kunauntañati Maestro.

San Juan 21:23

Sane naukiche ane axɨmanu manityakax axɨpekuma axɨmanuma amonkoma isiuti Jesús, axti maniki taruku nikuasɨrɨkɨxti chɨkoiñotipɨ ñana. Tapɨti Jesús chɨnanti ta chɨkoiñotipɨ ñana. Nanti sane: “Axtɨ ixhanka asɨboriti chepe axtɨ isekatɨ tato ñana, ¿isane nɨmoche obi?”

Hechos 1:15

Au axɨmanio naneneka nanti Peru ɨmoma axɨmanuma ikokoromati Jesús oberabarama akamanu, saimia ciento veinte nububikixhimia, nanti ɨmoma:

Hechos 1:21

“Aboma auna mañoñɨnka axɨbama amonkoma ochepe nanaiña axɨmanio naneneka naukiche anankatiki Jesús ochepe,

Hechos 10:22

Axɨma aiñumuma: –Axɨsomɨ sobekatɨ ui yakɨpukuxti yɨriabux Cornelio, axti maniki ñoñɨnx uxia nɨsɨborikixhti, manaunuti ɨmoti Tupax taruku nikuasɨrɨkɨxti ɨmo axɨbama judíos. Tamanti ángel uiti Tupax nanti ɨmoti nauki aityasurutiyɨ aɨrotɨ au nipoxti, nauki onsaperioti nanunekaka.

Hechos 15:23

uimia aɨrotɨ axɨmanu kichonimiakax korobo nantɨ sane: “Axɨsomɨ axɨbama apóstoles, axɨbamaintyo mayɨriabuka, axɨbama aubarukityaiki apasusiu supakionko tanu aume, axɨbama suisarukityaiki, chɨtɨpɨ judíos po'oso año au Antioquía au Siria au Cilicia.

Hechos 16:2

Axɨmanuma ikokoromati Jesús auki Listra aukityo Iconio, uxia nuraxɨma kɨtɨpɨti.

Hechos 2:4

Sane naukiche sɨsio kɨtɨpɨma noñemaxti Espíritu Santo, auki manityanama pikiataka manityakaka, axɨna nanti Espíritu Santo ɨmoma.

Hechos 22:12

“Akamanu po'osoti tamanti ñoñɨnx, nɨrixhti Ananías, axti naki manaunuti ɨmoti Tupax, isiuki bakɨpukux uiti Moisés, namanaiña axɨmanuma judíos po'osoma au Damasco uxia nuraxɨma kɨtɨpɨti.

Hechos 28:14

akamanu sopikuñukama axɨbama ikokoromati Jesús, namatɨ suiñemo supasamu nuxia nauki subasikia akamanu esama ñome siete naneneka. Au nityakɨrux sopiñatai au Roma.

Hechos 6:2

Auki axɨmanuma doce amonkoma isiuti Jesús oberabarama uimia namanaiña axɨmanuma ikokoromati Jesús, namatɨ ɨmoma: –Chuxiampɨpae axtɨ axɨsomɨ sopiñokota axɨna supanunekaka nuraxti Tupax nauki sumasaratɨ tyaku nauxiantɨmo namanaiña.

Hechos 6:5

Namanaiña chepe ñakionkoxɨma, auki tabɨkoti Esteban uimia, axti naki taruku ñakokonaunkuxti, anentyo noñemaxti Espíritu Santo kɨtɨpɨti, axti Felipe, axti Prócoro, axti Nicanor, axti Timón, axti Parmenas, axti Nicolás auki Antioquía, axti naki yasutiuti tɨkañe ñanaunkuxɨma axɨmanuma judíos.

Hechos 6:6

Auki sɨromatɨ aɨbuma esa axɨmanuma amonkoma isiuti Jesús, axɨma iñatama ne'esɨma ityama, axɨma kaɨma mankioma pɨnanakiti Tupax tyakuma.

Hechos 9:30

Naukiche ipiatema axɨna sane axɨmanuma ikokoromati Jesús, sɨromatɨ aɨbuti au Cesarea, aukimanu aikɨpurumati au Tarso.

1 Corintios 12:8

Ui noñemaxti Espíritu Santo, aboma axɨbama toxio ɨmoma taruku nipiakaxɨma anityama. Makiataka toxio ɨmoma uiti Espíritu Santo taruku ñapanaunkuxɨma axtɨ manityanama.

1 Corintios 16:3

Axtɨ iñatai tanu, ikɨpukama au Jerusalén axɨmanuma mañoñɨnka uxia au napakionko, nauki uimia aikiama axɨmanio makumanataka aboi aɨbu kichonimiakax.

Efesios 5:18

Tapɨ aborisɨbaka, tyopiki uixh chɨtusiupɨ aume isane axɨna apisamute. Chebo aboi tyone, aɨroti Espíritu Santo aukɨtɨpɨ tari uiti aipesɨnakati nausɨboriki.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

Santiago 1:17

nanaiña axɨba omixhia axɨna besɨro toxio oemo, kuatɨ auki napes, uiti Tupax, naki uiche aisamunenti nostoñeka iku napes. Axti Tupax kunauntañantai nakaxti, champɨ kiatax nakaxti champɨityo mapankax.

3 Juan 1:12

Namanaiña manityanama uxia kɨtɨpɨti Demetrio, u nisɨborikixhti atusi oemo ta ñemanauntu nuraxɨma. Axɨsomɨntyo uxia supanityaka kɨtɨpɨti, axɨkɨ tusiu aemo ta chɨsupapankapɨ.