Hechos 13:3 - Manityanati Tupax

³ Naukiche chauki axɨmanu neankaxɨma, iñatama ne'esɨma ityama. Auki bakɨpuruma tato ɨmoma.

Manitanati Tuparrü

³ Nauquiche chauqui neancarrüma ümoti Tuparrü, iñatama neherrüma ita manuma torrü. Auqui masamunuma nariorrü ümoma.

Hechos 13:3 ပူးပေါင်းရင်းမြစ်များ

San Lucas 2:37

Tɨtabe ochenta y cuatro naskɨbeka nikonkoxti ikiana. Chɨbakichoropɨ auki nipo meankax, baserebio au sapes au tobixh ɨmoti Yɨriabux, yupu neankax champɨityo ñakonte.

Hechos 1:24

Auki namanaiña meaboma sane: “Yɨriabux, axɨkɨ tusiu aemo axɨna supakionko axɨnaintyo suixhantɨmo. Sane naukiche asamu nuxia suiñemo aityusiankasti suisukarɨ ñakuti axɨpekukimia axɨbama toxɨma

Hechos 13:2

Taman nanenes amonkoma meaboma ɨmoti Yɨriabux, champɨityo axtɨ basoma axti Espíritu Santo nanti ɨmoma: “Apiñasama pese axti Bernabé ichepeti Saulo, ɨmo axɨmanu yachɨkoboiboma sobi.”

Hechos 13:4

Ui noñemaxti Espíritu Santo, axti Bernabé ichepeti Saulo sɨromatɨ au Seleucia, aukimanu sɨromatɨ isuki tux au Chipre.

Hechos 14:23

Sɨromaintyo uimia mayɨriabuka kauta aboma axɨbama ikokoromati Jesús, naukiche tɨtakɨrusu axɨmanu neankaxɨma mankioma tyakuma pɨnanakiti Yɨriabux naki ɨmoche akokonauma.

Hechos 14:26

Aukimanu sɨromatɨ isuki tux niyɨkɨxɨma ɨmo Antioquía, au axɨmanio poka meaboma tyakuma nauki aisamunema nanaiña niyachɨkoimia axɨmanu tɨtakɨrusu uimia.

Hechos 15:40

tapɨti Pablo sɨrotitɨ ichepeti Silas, axɨmanuma ikokoromati Jesús mankioma pɨnanakiti Tupax tyakuma nauki uxia namensɨma, auki sɨromatɨ aukimanu,

Hechos 6:6

Auki sɨromatɨ aɨbuma esa axɨmanuma amonkoma isiuti Jesús, axɨma iñatama ne'esɨma ityama, axɨma kaɨma mankioma pɨnanakiti Tupax tyakuma.

Hechos 9:17

Sɨrotitɨ Ananías au axɨmanu pox kauta anankati Saulo. Naukiche sɨrotitɨpo iñatati ne'esti ityati, nanti ɨmoti: –Saruki Saulo, axti Yɨriabux Jesús, tyonenti maniki ityusiankanatiyɨ asukarɨkɨ isiu kutubiux naukiche ayekatɨ tauna, ikɨpurutiñɨ nauki sobi uxia tato nasata, nauki aɨroityo akɨtɨpɨkɨ noñemaxti Espíritu Santo.

Romanos 10:15

¿Kausane anunekama axɨba omixhia manityakax axtɨ chɨtyonempɨma axɨbama ɨmoche bakɨpukux? Takana nantɨ iku Nikorox: “¡Taruku nikoñokokox axtɨ iñataimia axɨbama kuamatɨ yupu axɨba omixhia manityakax!”

1 Timoteo 4:14

Anuneka aɨbu naipiaka axɨna toxio aemo uiti Tupax, naukiche axɨmanuma mayɨriabuka axɨpekukimia axɨbama ikokoromati Jesús iñatama ne'esɨma onɨ natanu. Axti Espíritu Santo manityanati aɨbuma sane naukiche aisamunema.

1 Timoteo 5:22

Tapɨ aikɨsabukɨ aikunusɨankanati naki baserebiobo ɨmoti Tupax asasai nuxia, tyopiki axtɨ axti maniki ñoñɨnx isamutenti axɨna chuxiampɨ axɨkɨtyo ane naipɨnate chepeti. Tapɨ chebo obi aisamune axɨna chuxiampɨ.

2 Timoteo 1:6

Sane naukiche sukanañɨ aemo aiñonximia axɨmanu pes ñakumanataxti Tupax aemo naukiche iñata niñee onɨ natanu.

2 Timoteo 2:2

Axɨna onkoi nisura sukarɨ sɨrɨmanama makiataka, nanaiña axɨba aityoximiasio mekuma axɨbama uxia nisɨborikixhimia axɨbamaintyo ipiakama anunekama ɨmo makiataka.

3 Juan 1:6

Urapoimia sukarɨ namanaiña axɨbama ikokoromati Jesús axɨna nikuasɨrɨkɨxɨma aemo. Asamu nuxia, asasatɨ tyakuma ɨmo axɨna nixhantɨmoma nauki aɨromatityo kauta niyɨkɨxɨma, aisamuse axɨna uxia ɨmoti Tupax.

3 Juan 1:8

Sane naukiche axoñɨ tari basaratɨ tyakuma, nauki aisamunema axɨmanu yachɨkoimia ɨmo ñanunekakaxɨma axɨna ñemanauntu.