Hechos 10:4 - Manityanati Tupax

⁴ Sɨsioti Cornelio astayotitɨ ɨmoti ángel, aɨbu nixhukuxti ñankitioti pɨnanakiti: “¿Isane, naxiantɨmo Yɨriabux?” Axti maniki ángel nanti ɨmoti: “Axti Tupax yasutiuti axɨba neanka, saneityo takana axɨna taruku napukɨru tyaku axɨbama takisɨrɨma.

Manitanati Tuparrü

⁴ Besüro narrtarrti Cornelio ümoti ángel, tarucu nirrucurrti. Auqui ñanquitioti pünanaquiti: —¿Isane, Señor? Auqui nanti ángel ümoti: —Arrti Tuparrü yasutiuti arrüba neanca, y arrüba nayuraca ümo bama champü isane ümoma.

Hechos 10:4 ပူးပေါင်းရင်းမြစ်များ

Filipenses 4:6

Tapɨ amonxɨka yubapa axɨba ausɨratai, apityusiankasio nanaiña sukarɨti Tupax auki nameanka. Apanki pɨnanakiti apachampienkaityo ɨmoti.

Hebreos 6:10

Tyopiki axti Tupax uxia ñapanaunkuxti chɨtakɨrusupɨ ñana ñakionkoxti iyo axɨna apisamute tyakuma axɨbama ikokoromati. Ui axɨna sane napachɨkoi apityusiankata ta kuasɨrɨti Tupax aume.

Hechos 10:31

Nanti iñemo: ‘Cornelio, axti Tupax onkoiti axɨba neanka akionotiyɨ iyo axɨna taruku napukɨru tyaku axɨbama takisɨrɨma.

Apocalipsis 8:4

Nausixh axɨmanu incienso sɨrotɨ ape mekukiti axti maniki ángel esati Tupax, yochepe axɨmanio neankaxɨma axɨmanuma champɨ nomɨnantɨ uimia.

Filipenses 4:18

Axti Epafrodito ityoximiatati nanaiña axɨmanu apakɨpuka iñemo, ta iñatai ɨmo nanaiña nixhantɨmo. Axɨmanu napakumanata tyone takana axɨmanu makumanatax koñoxtai norixh yasutiuti Tupax aɨbu nipukɨnunkuxti.

Hebreos 13:16

Tapɨ takɨrusu napakionko apisamune axɨna uxia, apakumana ɨmoma axɨbama takisɨrɨma axɨba namenaxi. Tyoneio axɨba makumanataka axɨba omixhia ɨmoti Tupax.

San Lucas 1:29

Mariax kɨtobɨso oboi axɨmanio manityakax, ñankitio pɨnanakiatoe isane axɨmanu sane mankikixh.

San Mateo 26:13

Ñemanuntu sukanañɨ aume iku nanaiña axɨna kɨx kauta urapoimia axɨbama omixha manityakax, urapoimiaintyo axɨna isamute axɨna paɨx, sane akionomakɨ iyo.

Hechos 22:10

Axɨñɨ xhankitio: ‘¿Kausane kaɨma sobi, Yɨriabux?’ Nanti Yɨriabux iñemo: ‘Atɨsai, akosi au Damasco. Akamanu urapoimia asukarɨkɨ nanaiña axɨna achɨkoboibokɨ.’

San Lucas 24:5

Taruku yupixhukux, patakonokono akɨ. Tapɨ axɨmanuma mañoñɨnka namatɨ ñome: –¿Kausane apapache iyoti axɨpekuma axɨbama tɨkoiñoma axti naki sɨborikoti?

Hechos 3:4

Tochenkoma nauki asaramatɨ ɨmoti, nanti Peru ɨmoti: –Asasatɨ suiñemo.

Hechos 14:9

Anankati onsapekoti nuraxti Pablo, auki asaratitɨ Pablo ɨmoti astaiti axɨmanu ñakokonaunkuxti ta iñatai nauki uxianati tato.