Gálatas 4:9 - Manityanati Tupax

⁹ Tapɨ kaɨma axɨna tausuputakati Tupax, saneityo, tisuputarati año Tupax, ¿kausane amenotɨ tatityo apikokoroma axɨmanuma champɨ nɨriakaxɨma, nauki kumanakax tatityo año uimia?

Manitanati Tuparrü

⁹ Pero caüma chauqui tapisuputacati Tuparrü, y arrti tisuputarati nurria año. ¿Causanempü caüma nauqui apicoco tatito nanaiña arrüba ñanunecacarrüma macrirrtianuca icuqui nantai cürrü? ¡Ümonatai napacoconauncu ñome!

Gálatas 4:9 ပူးပေါင်းရင်းမြစ်များ

San Mateo 11:27

“Toxio iñemo uiti Iyaɨ nanaiña. Champɨti naki isuputarati nuxia naki Aɨtoxti, axtiatai Yaɨtoti. Champɨtityo isuputarati nuxia Yaɨtoti, axtiatai Aɨtoxti axɨbamaintyo axti naki Aɨtoxti xhanxti nauki asuputaramati.

San Lucas 5:38

Sane naukiche aɨburu axɨna iyebo vino ubau iyebo tyakikia.

San Juan 10:14

Axɨñɨ ipiaka nuxia yasaratɨ yutaku nobixhaka. Sane takanati Iyaɨ isuputaratiñɨ axɨñɨntyo isuputakati, saneityo axɨñɨ isuputakio niyabu nobixhaka tapɨ axio opisuputarañɨntyo.

San Juan 10:27

Axɨbama aboma isiuñɨ isuputaramañɨ, axɨñɨntyo isuputakama. Axɨma takana nobixhaka opisuputakai nuraxti naki asaratɨ yutaku, axtityo isuputariontiño. Axɨbama aboma isiuñɨ ikokotama nisura,

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

1 Corintios 13:12

Kaɨma chɨkontopɨ basarai chɨtusiupityo nuxia oemo. Ta uiñatai ñana esati basarati. Axɨna ipiaka kaɨma ta chɨbesɨropɨ nuxia, iñatai ñana axɨmanu nanenes auche isuputarati Tupax takanati isuputaratiñɨ nantax.

1 Corintios 15:34

Ausiapata tato ñemanauntu yusiu axɨba omixhia napapanaunku, tapɨ apisamukio axɨba nomɨnantɨ, tyopiki aboma abaxɨpeku axɨbama chisuputarapɨmati Tupax. Sukanañɨ axɨna sane nauki aukɨsoka.

1 Corintios 8:3

Tapɨ axtɨ anati naki kuasɨrɨti Tupax ɨmoti, axti Tupax isuputarati.

2 Corintios 11:20

uxiaintyo aboi ɨmoma axɨbama kumanakax año uimia, axɨbama ikiaɨbutama amopɨnanaki namenaxi, axɨbama matachemakanama aume, axɨbama chaukuasɨrɨkapɨ ɨmoma axɨbamaintyo okɨsioma aume.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

Gálatas 3:3

¿Tarukapae chauxiankapɨ aye aboi manunekatax, kusɨrɨbo apisamune noñemaxti Espíritu Santo kaɨma au nityakɨrux auxianka apisamune takana nisamukuxɨma mañoñɨnka?

Gálatas 4:3

Saneityo tɨkañe usaɨbu: naukiche chiñataikipɨ nuyarusɨrɨkɨ, makokonaunka ɨmo yakɨpukuxɨma mayɨriabuka ikuki axɨna kɨx.

Efesios 1:17

Xhankikia pɨnanakiti Tupax ɨmoti naki Yɨriabux oemo Jesucristo, pɨnanakiti yarusɨrɨx Uyaɨ, nauki uiti atoxi aume axti espíritu ɨmo mapanaunkux, nauki atusi aukɨtɨpɨ, sane ausuputarati nuxia.

2 Timoteo 2:19

Tapɨti Tupax sɨro uiti axɨna nityɨmox uixh chɨtaɨbɨkopɨ, axɨna kauta korobo: “Tusiu ɨmoti Yɨriabux Jesús ñakusanema axɨbama ikokoromati”, namanañaintyo axɨbama iñanuantama nɨrixhti apiñasaño pese pɨnanaki nomɨnantɨ.

Hebreos 7:18

Sane naukiche axɨmanu kusɨrɨbo bakɨpukux tɨkañe champɨki nanenekiche,

2 Pedro 2:20

Tyopiki axɨbama isuputaramati Yɨriabux oemo Jesucristo, añekanama oboi axɨba nomɨnantɨ ikuki axɨna kɨx, tapɨ axtɨ tapenekoma tatityo oboi axɨba nomɨnantɨ uixh kaɨma taruku nikumakaxɨma pɨnanaki maɨbo tɨkañe.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.