Efesios 5:3 - Manityanati Tupax

³ Axaño apisamuse nausɨboriki takana axɨbama aɨtoxti Tupax: tapɨ apanityaka yokɨtɨpɨ axɨba nauxianka aumeampatoe tapɨ apanityakaityo yokɨtɨpɨ axɨba chɨtamampatai chomixhampɨ tapɨ taruku nauxianka ɨmo monixh.

Manitanati Tuparrü

³ Arraño chauqui tabaca ichepeti Tuparrü. Sane nauquiche chüsamianapü aume apavivi tacana numuquianca y churriampü nausüboriqui. Tapü aurrianca ñome paüca. Tapü apanitate arrüba sane nomünantü, chüsamianapü.

Efesios 5:3 ပူးပေါင်းရင်းမြစ်များ

San Mateo 15:19

Tyopiki auki nausasɨxti ñoñɨnx kuantio axɨba chomixhampɨ ñakionkoxti, batabaikixh, axɨbama posoma champɨ ñanaunkuxɨma ɨmomantoe, kusɨpɨkɨx, mapankax axɨbaityo napunku ɨmoti kiatax.

San Lucas 12:15

Nantityo ɨmoma: –Amasasai nuxia ñɨnana taruku nauxianka chiyaupɨ namenaxi. Ityopiki axɨna sɨborikixh chiyebopɨ osoi ui sɨrɨmana noñenaxi.

San Lucas 16:14

Axɨmanuma fariseos, taruku nixhankaxɨma ɨmo monixh, onkoimia nanaiña axɨna sane iyabomati Jesús.

Hechos 15:20

Iñatai axtɨ makonomoka ɨmoma, nauki aiñokoma axɨmanuma makiataka matupaka, axɨmanuintyo bakɨpukux uiti Moisés ɨmoma tapɨ chɨposopɨma, tapɨ basomainki numañetu axɨba numukianka mokoiñatai tapɨ chabomaintyo notox.

Hechos 20:33

Chixhubatiopɨ monixh, oro, naibixhti kiatax.

Romanos 1:29

Ane uimia aruki nanaiñantai axɨna chuxiampɨ nisɨborikixhimia sukarɨ makiataka, taruku nixhankaxɨma ɨmo monixh, champɨ uxia ɨmoma, ubatioma nenaxixhti kiatax, mayatabayoka, mañatachemakaka, manityanama mapankax kɨtɨpɨti kiatax.

Romanos 16:2

Apasusiu au nɨrixhti Yɨriabux, takana axtɨ uisamute uyaxɨpeku axɨbama uikokokati Jesús, apityoximia ɨmo nanaiña axɨna champɨ uixh, tyopiki tyone sane uixh ɨmo makiataka, takanaintyo iñemo.

Romanos 6:13

Tapɨ apityoximiata naukɨtɨpɨ ɨmo nomɨnantɨ, nauki uixh aisamune axɨna chuxiampɨ. Apityoximia tyone ɨmoti Tupax, takanati naki tɨkoiñoti ta sɨborikoti tato, apityoximiaintyo naukɨtɨpɨ axɨna uiche aisamune axɨna uxia au ñakionkoxti.

1 Corintios 10:8

Tapɨ uityoximiaka oñɨ ɨmo axɨna chuxiampɨ nosɨboriki, takana axɨna aboma isamutema tɨkañe axɨpekukimia, tyopiki axɨna sane au taman nanenes koiñoma veintitres mil.

1 Corintios 5:1

Tɨtusiu anati taman abaxɨpeku tanu ane isiuti nikɨpostoti yaɨtoti. Axɨna sane nisɨborikixhti chuxiampɨ, axɨna sane isamutema, chisamutempɨma axɨbama chisuputaramatipɨ Tupax.

1 Corintios 6:13

Amukanañointyo sane: “Axɨna xhutuburiboñɨ ta ɨmo nikiporo, tapɨ axɨna nokiporo ta ɨmo axɨna xhutuburiboñɨ.” Unka ñemanauntu, uiti Tupax ñana axɨmanio tox butakɨrusu. Tapɨ axɨna nokɨtɨpɨ chɨtɨpɨ ɨmo nomɨnantɨ ta ɨmoti Tupax, axtityo Tupax ɨmo axɨna nokɨtɨpɨ.

1 Corintios 6:18

Apiñasaño pese ñopɨnanaki nomɨnantɨ. Axtɨ anati kiatax isamutenti nomɨnantɨ, champɨ kausane uixh ɨmo naukɨtɨpɨ. Tapɨti naki ityoximiatati nikɨtɨpɨxti ɨmo nomɨnantɨ, iñatati au nomɨnantɨ nikɨtɨpɨxti.

2 Corintios 12:21

Ixhukaityo axtɨ yɨkatɨ tatityo tanu yasaraño, axti naki Tupax iñemo isɨsoka uiti autopiki, axtɨ isareoka uiti tyopikimia axɨbama abaxɨpekuki tɨkoboi nakaxɨma eana nomɨnantɨ chiñokotapɨma axɨna chuxiampɨ nisɨborikixhimia, axɨbama aboma yusiu pikiataka paɨka axɨbama isamutema axɨba chomixhampɨ.

Efesios 5:12

Ñemanauntu okɨsoka manityane axɨna isamutema anekanatai.

Efesios 5:5

Tusiu nuxia aume axɨbama xhanxɨma ɨmomantoe, axɨbamaintyo isamutema axɨba chomixhampɨ, axɨbama taruku nixhankaxɨma ausɨratai nenaxixhimia chɨkoñopɨtɨ ɨmoma aye uimia ñana kauta nakaxti Cristo chepeti Tupax (tyone axɨna takanati kiatax tupax oemo).

Filipenses 1:27

Tyoneantai axɨna sukanañɨ aume: apiña nausɨboriki isiuki axɨba omixhia nuraxti Cristo. Apisamuse sane axtɨ yɨkatɨ tanu o chiyɨkapɨtɨ yasaraño, ixhanka atusi iñemo ta namanaiña axaño chepe naka nausɨboriki chepetyo napakionko au nanaiña, apiñata nuxia nauki aburaboi axɨmanio omixhia manityakax,

Colosenses 3:5

Tyopiki axɨna sane, apiñokosio nanaiña axɨba chomixhampɨ nauxiantɨmo. Tapɨ auxianka aumeampatoe, tapɨ apisamute axɨba chuxiampɨ, tapɨ apicheta ɨmo naukɨtɨpɨ aisamune axɨna chuxiampɨ, tapɨ taruku nauxianka iyo monixh oboi axɨba sane ta takana axtɨ apanaunka ɨmo matupaka nisamuku mañoñɨnka.

1 Tesalonicenses 4:3

Axti Tupax xhanxti nauki tapɨ ane kausane nausɨboriki, tapɨ auxiankatai aumeampatoe

1 Tesalonicenses 4:7

Tyopiki axti Tupax chityasurutipɨ oñɨ nauki uisamune nosɨboriki yupu nomɨnantɨ, ta nauki besɨro nosɨboriki.

1 Timoteo 2:10

Tari axɨba niñokoñopox tyone axɨba omixhia opisamute, sane takana axɨba paɨka taruku ñupanaunkux ɨmoti Tupax.

1 Timoteo 3:3

Tapɨ yorisɨbaboxti tapɨ yaiyoxti, tari axti naki taruku nipukɨruxti tyaku makiataka, tapɨ taruku nixhankaxti ɨmo monixh.

1 Timoteo 6:10

Tyopiki axɨna taruku nuxianka ɨmo monixh tyone nixhanaka nanaiña axɨba nomɨnantɨ. Abomaintyo axɨbama tyopiki ubatioma nenaxixhti kiatax sane naukiche iñokotama ñakokonaunkuxɨma ɨmoti Tupax, tyopiki taruku nityakisɨrɨkɨxɨma.

2 Timoteo 3:2

Aboma ñana mañoñɨnka axɨbama champɨ nipukɨruxɨma, taruku nixhankaxɨma ɨmo monixh, au ñakionkoxɨma champɨti kiatax pɨrɨkɨma. Chuxiampɨ nuraxɨma ɨmoti Tupax, chɨmakokonaumpɨma ɨmo axɨbama yaɨtoxɨma, chipiakapɨma ñana achampienkama, champɨ ñanaunkuxɨma ɨmoti Tupax.

Tito 1:11

Tapɨ chebo obi anunekama, tyopiki auki nakaxɨma chɨmastakaxɨpɨ ɨmo makiataka aɨbu namanaiña axɨbama aɨtoxɨma, manunekanama axɨba chomixhampɨ yakɨna ane nimonixhimia isiuki axɨmanu ñanunekakaxɨma.

Tito 1:7

Axti yɨriabux ɨmoma axɨbama ikokoromati Jesús tyonenti naki asarabotɨ yutaku nuraxti Tupax, sane naukiche tari champɨ urapoboiboma kɨtɨpɨti. Taikiana uxia nisɨborikixhti aɨbu makiataka, tapɨ naki chabo'ox, tapɨ naki uxia ɨmoti chɨrɨri, tapɨ naki xhanxti enaxioti auki naka makiataka.

Tito 2:3

Saneityo, axɨba paɨka nɨriabuka paɨka taikiana uxia niyosɨborikixh, tapɨ panityanatai yokɨtɨpɨ pikiataka paɨka, tapɨ axɨba chabo'oka. Tari uxia niyosɨborikixh sukarɨ kupikikia

Hebreos 12:16

Tapɨ anati naki ane uiti kiatax paɨx takanaintyo paɨx anati uixh kiatax ñoñɨnx, tapɨ chapakionkañopɨ ɨmoti Tupax. Tyopiki sane tɨkañe isamutenti Esaú, makumananati ui axɨmanu nikuasɨrɨkɨxti ɨmoti yaɨtoti ityobo taman kuxabixh pemakax.

1 Pedro 5:2

Amasasatɨ yutaku nobixhaka axɨmanio botoxio amemeku uiti Tupax. Amasasatɨ yutaku aɨbu narukux aume takana nixhankaxti Tupax, tapɨ apisamute tyopiki ane bakɨpukux aume, tapɨ apisamutentyo ityobo monixh, ta tyopiki auxianka apaserebi tyakuma.

2 Pedro 2:10

Axti Tupax manityomokonoti ñana ɨmoma axɨbamampae sɨromatɨ isiuki nixhanka nikɨtɨpɨxɨma axɨbamaintyo chikokotapɨma nɨriakaxti. Champɨ nipiakaxɨma champɨityo ñanaunkuxɨma, champɨ nixhukuxɨma unema nɨriakax auki napes.

2 Pedro 2:14

Axtɨ astaimia paɨx tixhanxɨma ɨmo. Chubatapɨ ɨmoma aisamunema axɨba nomɨnantɨ. Matachemakanama ɨmoma axɨbama apekiatai aikokoromati Jesús. Taruku nixhankaxɨma ɨmo monixh. Uiti Tupax ñana asaraiti ɨmoma.

2 Pedro 2:3

Axɨmanuma mapañama anunekama taruku nixhankaxɨma ñana ane nimonixhimia iyebo ñana uimia monixh ui ñanunekakaxɨma aume axɨba ñapantuxɨma. Tapɨti Tupax tɨtane manityomokotox uiti ɨmoma aukiapae tɨkañe chañekanapɨma ñana ui axɨmanu nityakisɨrɨkɨxɨma.

Apocalipsis 2:14

Ane axɨna aisamute chuxiampɨ iñemo: aboma akamanu achepekɨ axɨbama chixhanxɨpɨma aiñokoma ñanunekakaxti Balaam, maniki nanti tɨkañe ɨmoti Balac nauki atachemakati ɨmoma axɨbama auki Israel, nauki anema numañetu numukianka axɨba mukumanana ɨmo matupaka nisamuku mañoñɨnka nauki tapɨ anentyo ñanaunkuxɨma ɨmomantoe axɨbama posoma.

Apocalipsis 2:21

Axɨñɨ chebo sobi ɨmo nauki ayetɨ tato esati Tupax. Tapɨ tyone chixhanxɨpɨ chiñokotapityo nityasukux.

Apocalipsis 21:8

Tapɨ axɨbama taruku nixhukuxɨma, axɨbama chɨmakokonaumpɨma, axɨbama chuxiampɨ uimia ɨmo makiataka, axɨbama mayatabayoka, axɨbama xhanxɨma ɨmomantoe, mapichareruka, axɨbama manaunuma ɨmo matupaka nisamuku mañoñɨnka namanaiñaintyo mañapanka, tyonema ñana axɨbama sɨrobomatɨ au axɨmanu narubaityu pes, tyone axɨmanu kiatax konkox.”

Apocalipsis 22:15

Tapɨ axɨbama chuxiampɨ nisɨborikixhimia sɨsioma ñana tyɨrɨpo, axɨbama mapichareruka, axɨbama xhanxɨma ɨmomantoe, mayatabayoka, axɨbama manaunuma ɨmo matupaka nisamuku mañoñɨnka namanaiña axɨbama matachemakanama chepe axɨbama isamutema axɨba chomixhampɨ.

Apocalipsis 9:21

Champɨityo axtɨ iñokotama yatabaikixhimia, nicheserukuxɨma, nityasukuxɨma, nikusɨpɨkɨxɨma.