Efesios 3:9 - Manityanati Tupax

⁹ Ikɨpurutiñintyo iñununekanaño namanaiña kausane niyɨkɨ nuxiankax axɨmanu nixhantɨmoti aisamunenti Tupax, naki uiche aisamunenti nanaiña, anekana uiti aukiapae tɨkañe.

Manitanati Tuparrü

⁹ Tiene que suraboi isucarüma causane ñapensacarrti Tuparrü. Arrti tücañe isamutenti nanaiña. Arrüna ñapensacarrti tanancatai auqui ñemonco, pero ananca anecanatai, chütusiopü tücañe.

Efesios 3:9 ပူးပေါင်းရင်းမြစ်များ

San Mateo 10:27

Axɨna surapoi ausɨkarɨ au tomikianene, aburasoi au nanentaka sapes. Axɨna anekanatai nisura ausukarɨ, autosibi axtɨ aburapoi yuchakuki poka.

San Mateo 13:35

Tyone axɨna sane nauki omixhane axɨmanio urapoiti tɨkañe maniki profeta: “Xhanityaka ñana oboi machepekataka. Surapoi ñana axɨba amonkio umanekana aukiapae aɨbo aisamunenti kɨx axti Tupax.”

San Mateo 25:34

Auki nanti yɨriabux ɨmoma axɨmanuma aboma au nepanaunkux: ‘Ausiapata axaño, axɨbama aukurusɨka uiti Iyaɨ. Apasusiu axɨna nɨriakax ananka koñokono aume aukiapae naukiche axti Tupax isamutenti axɨna kɨx.

San Mateo 28:19

Sane naukiche, amekosi au nanaiña iku axɨna kɨx, apiñununekasama namanaiña nauki aikokoromañɨ. Apaunimia ɨmoma au nɨrixhti Iyaɨ, axti Aɨtoxti axtityo Espíritu Santo.

San Lucas 24:47

au nɨrixhti urapoimia ñana sukarɨ namanaiña iku axɨna kɨx nauki ayematɨ tato esati Tupax, nauki aixhimiakati tato axɨna nomɨnantɨ uimia. Kusɨrɨboma axɨbama auki Jerusalén,

San Juan 10:30

Axɨñɨ ichepeti Iyaɨ kunauntañantai subaka.

San Juan 5:17

Tapɨti Jesús nanti ɨmoma: –Axti Iyaɨ nantaxtai ane yachɨkoiti, axɨñɨntyo ane niyachɨkoi.

San Juan 5:19

Nanti Jesús ɨmoma: “Ñemanauntu sukanañɨ aume axti Aɨtoxti Tupax, champɨ isamutenti auki noñemaxtiatoe. Isamutenti axɨna astaiti uxiante uiti Yaɨtoti. Nanaiña axɨna isamutenti Yaɨtoti, isamutentityo Aɨtoxti.

Hechos 15:18

Axti Yɨriabux naki uiche aityusiakati axɨna sane auki ñemonkox ityoximiatati axɨna nuraxti.’

Romanos 11:25

Masarukityaiki, ixhanka atusi aume nixhantɨmoti Tupax axɨna anekana uiti, nauki tapɨ apiñata takana axtɨ apipiaka ɨmo nanaiña: aboma axɨbama auki Israel chiyasutiupɨma axɨna manunekatax chepe axtɨ namanaiña kuamatɨ tato axɨbama chɨtɨpɨ auki Israel.

1 Corintios 2:7

Tyone axɨna mapanaunkux anekana uiti Tupax, axɨna noñemaxti anekana uiti, aukiapae tɨkañe nauki uɨrotɨ esati au napes.

Efesios 1:4

Samamekana oñɨ uiti Tupax aɨbuti Cristo aukiapae tɨkañe maɨbo uxiane axɨna kɨx, nauki tapɨ ane nomɨnantɨ osoi tapɨ anentyo kausane nosɨboriki au nastaxti.

Efesios 3:2

Axaño tɨtusiu aume uiti Tupax aikɨpurutiñɨ suraboi ausukarɨ axɨmanu nixhantɨmoti aisamunenti ta chapie ɨmo ñakumananaunkuxti, ananka koñokono uiti.

Efesios 6:19

Amea chakuñɨ, nauki axti Tupax acheti surapoboiboñɨ, tapɨ ixhuka suraboi axɨna nixhantɨmoti aisamunenti axɨmanu ananka anekana uiti Tupax.

Colosenses 1:23

Axɨna sane ñana axtɨ sɨsio año aɨbu napakokonaunku, axtɨ chapiñokotapɨ axɨmanu ɨriotɨ oboi axɨmanio omixhia manityakax. Axɨba omixhia manityakax chauki tɨtusiu au nanaiña iku axɨna kɨx, axɨñɨ Pablo anankañɨntyo xhanunekaka.

Colosenses 1:26

axɨna nuraxti tyone axɨmanu nixhantɨmoti aisamunenti aukiapae tɨkañe axti Tupax ananka anekana uiti, ta kaɨma ityusiankatati sukarɨma axɨbama ikokoromati.

Colosenses 3:3

Axaño aukonka ɨmo axɨna kɨx, tapɨ kaɨma tyopikiti Cristo, uiti Tupax toxio aume axɨna ñemanauntu ausɨborikibo.

Colosenses 4:3

Apankityo suichaku, pɨnanakiti Tupax nauki axɨsomɨ taikiana uxia supanunekaka axɨba omixha manityakax kɨtɨpɨti Cristo sane suburaboi axɨna nixhantɨmoti Cristo aisamunenti tyakuapae yaka auna amanañɨmpo.

2 Tesalonicenses 2:13

Axɨsomɨ taikiana supachampienka ɨmoti Tupax autaku, masarukityaiki axaño taruku naukuasɨrɨkɨ ɨmoti Yɨriabux Jesús, tyopiki uiti Tupax samamekana año nauki axaño apasɨrɨka apasuriu maximiakatax ui noñemaxti Espíritu Santo tyopiki apikokotaityo axɨba omixhia manityakax.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

2 Timoteo 1:9

Uiti Tupax utaesɨbuka eanaki nomɨnantɨ auki ityasuruti oñɨ nauki kaɨma aɨtoxti oñɨ, chɨtyopikipɨ axɨna uisamute, ta tyopiki tyone axɨna nixhantɨmoti aisamunenti ui nipukɨruxti utaku aukiapae tɨkañe, tyopikiti Cristo Jesús.

2 Timoteo 4:17

Tapɨti Yɨriabux Jesús anankati chepeñɨ uiti aruku nuxia iñemo, sane naukiche surapoi axɨba omixhia manityakax, nauki namanaiña axɨbama chɨtɨpɨ judíos onkoimia. Sane uiti Yɨriabux Jesús añekanañɨ pɨnanaki nuitɨmɨx,

Tito 1:2

tyopiki aninki ñana axɨna osɨborikibo champɨ nityakɨrux. Chɨmapañantipɨ Tupax, ensɨmunu uiti axɨna sɨborikixh aukiapae tɨkañe,

1 Pedro 1:20

Axti Cristo tɨsamamekanati aukiapae tɨkañe naukiche chuxiantenkipɨ axɨna kɨx, ta au axɨba naneneka ityusiankanatiyɨ nauki uxia nausɨboriki.

Apocalipsis 13:8

Axɨmanu yarusɨrɨx numukianx manaunuma ñana ɨmo namanaiña axɨbama chɨkorobopɨ nɨrixhimia iku axɨmanu kichonimiakax nesa axɨmanu Nobixhax, axɨmanu koiño tɨkañe ɨmo makumanatax. Axɨmanu kichonimiakax bokorobo aukiapae tɨkañe naukiche chuxiantenkipɨ axɨna kɨx uiti Tupax, iku korobo nɨrixhimia namanaiña axɨbama chɨtakɨnunaumpɨ nisɨborikixhimia.

Apocalipsis 14:6

Auki yasakatɨ ɨmoti kiatax ángel basoroti auki petaisɨrɨ iku napes. Abe uiti omixhia manityakax axɨna chɨtakɨnunaumpɨ, nauki uraboiti sukarɨma namanaiña axɨbama aboma iku kɨx.

Apocalipsis 17:8

Axɨmanu yarusɨrɨx numukianx astai tyone axɨmanu sɨboriko tɨkañe, ta kaɨma tɨkoiño. Ta ñana, kuatɨ auki axɨmanu kɨtubixh tomikianene nauki ako ɨmo nanaiña naskɨbeka. Tapɨ axɨbama mañoñɨnka ikuki axɨna kɨx axɨbama champɨ nɨrixhimia iku axɨmanu kichonimiakax ɨmo sɨborikixh aukiapae tɨkañe naukiche chuxiantenkipɨ axɨna kɨx, kɨtobɨsoma ñana axtɨ astaimia axɨmanu yarusɨrɨx numukianx sɨboriko tɨkañe tapɨ kaɨma tɨkoiño, ta kuatato ñana.

Apocalipsis 4:11

“Axɨkɨ Yɨriabuxɨkɨ Tupaxɨkɨtyo suiñemo, koñotɨ aemo asuriu nanentakax, manaunkux chepe nɨriakax, tyopiki nasamuku nanaiña axɨba abe. Ui noñema omixhante uixhtyo abe.”