Efesios 3:5 - Manityanati Tupax

⁵ Axɨmanu anekanatai tɨkañe pɨnanakimia axɨbama kusɨrɨboma tɨkañe oñopɨnanaki. Tapɨ kaɨma ityusiankatati Tupax sukarɨma axɨbama apóstoles takanaintyo axɨbama profetas.

Manitanati Tuparrü

⁵ Tücañe chütusiopü arrüna sane. Pero au ba naneneca arrti Tuparrü itusiancatati isucarü bama apostolerrü y bama profetarrü turuquiti Espíritu Santo.

Efesios 3:5 ပူးပေါင်းရင်းမြစ်များ

San Mateo 13:17

Ñemanauntu sukanañɨ aume sɨrɨmanama axɨbama profetas ichepe axɨbama uxia nisɨborikixhimia xhanxɨma asaraimia tɨkañe axɨna kaɨma amastai, chastaipɨma. Xhanxɨmaintyo onsaperioma axɨna amonkoi, chonkoipɨma.

San Mateo 20:7

Aiñumuma nuraxti: ‘Tyopiki champɨti naki manityana suiñemo.’ Auki nanti ɨmoma: ‘Amekosityo au niyo akamanu ane apachɨkoboibo.’

San Mateo 23:34

Sane naukiche xhakɨpuka ñana aume axɨbama profetas, axɨbama taruku ñapanaunkuxɨma ichepe axɨbama manunekanabo. Tapɨ axaño apityabaikiama takubaxiomaintyo aboi kɨtɨpɨ kurusɨx ñana, tapɨ ɨmo makiataka amokɨsikia ɨmoma ubau sinagoga matanekanama ñana amɨnana ubau poka.

San Lucas 10:24

Tyopiki sukanañɨ aume sɨrɨmanama axɨbama profetas tɨkañe chepe mayɨriabuka xhanxɨma tɨkañe asaraimia axɨna kaɨma amastai, chichebopɨ ɨmoma asaraimia. Xanxɨpɨmaintyo onkoimia axɨna amonsapetio, chonkoipɨma.”

San Lucas 11:49

“Sane naukiche, nanti Tupax au ñapanaunkuxti: ‘Xhakɨpura aume axɨbama profetas ichepe axɨbama makiataka nixhakɨpusu, aboma ñana koiñoma axɨpekukimia tapɨ makiataka kuneunuma uimia.’

San Juan 14:26

Axti Iyaɨ bakɨpurutiki ñana Espíritu Santo ichoboñɨ, iñununekanati año nanaiña axɨba omixha, uiti apakionkaño nanaiña axɨba iñununekakaño.

San Juan 16:13

Axtɨ kuatati Espíritu Santo, uiti uraboiti ausukarɨ axɨna ñemanauntu, uitityo amekatɨ yusiu axɨba ñemanauntu. Tyopiki chimanityanatipɨ auki noñemaxtiatoe, urapoiti ñana ausukarɨ axɨna nanti Tupax ɨmoti, urapoitityo ausukarɨ nanaiña axɨba kuabotɨki ñana aume.

Hechos 10:28

Nanti Peru ɨmoma: –Axaño tusiu aume ɨmoti taman judío chichebopɨ ɨmoti ui axɨna ñakokonaunkuxti ɨmoti Tupax, nauki oberabama aɨbu makiataka auki kiatax kɨx o aɨrotitɨ au nipoxti. Tapɨti Tupax manunekanati iñemo tapɨ sukanañɨ ɨmoti kiatax ane nomɨnantɨ kɨtɨpɨti.

Romanos 16:25

Omixhia numanityaka kɨtɨpɨti Tupax, axti naki uiche ane naukusɨu takana axɨba omixhia nixhanunekaka axɨnaintyo manunekakax kɨtɨpɨti Jesucristo. Tyone sɨro isiuki axɨna tusiankana uiti Tupax axɨna ananka anekana uiti, tyone ananka anekana aukiapae tɨkañe naukiche chuxiantenkipɨ axɨna kɨx,

1 Corintios 2:10

Tyoneio axɨba uiti Tupax atusi oemo ui noñemaxti Espíritu Santo, tyopiki axti Espíritu Santo nanaiña tusiu ɨmoti, nanaiña axɨba umanekana pɨnanaki mañoñɨnka uiti Tupax tusiu ɨmoti.

Efesios 2:20

Namanaiña axɨbama ikokoromati Jesús tyonema takana axɨna pox uxiante onɨ ñanunekakaxɨma axɨbama apóstoles chepetyo axɨbama profetas, au axɨmanu pox tyonenti Jesucristo axɨmanu kanx uxiampae.

Efesios 3:9

Ikɨpurutiñintyo iñununekanaño namanaiña kausane niyɨkɨ nuxiankax axɨmanu nixhantɨmoti aisamunenti Tupax, naki uiche aisamunenti nanaiña, anekana uiti aukiapae tɨkañe.

2 Pedro 3:2

Apakionsaño nuraxɨma axɨbama profetas tɨkañe, axɨmanuintyo bakɨpukux uiti Yɨriabux Jesucristo, axɨmanio ñanunekataxɨma aume axɨmanuma nesaxti apóstoles Jesús.

SAN JUDAS 1:17

Tapɨ axaño, masarukityaiki, apakionsaño ñome nuraxɨma axɨbama amonkoma isiuti Yɨriabux Jesucristo