Efesios 2:2 - Manityanati Tupax

² au nausɨboriki, tyopiki amekatɨ yusiu ñapanaunkuxɨma axɨbama ikuki axɨna kɨx, apisamute noñemaxti Chobores naki yɨriabuxti iku axɨna kɨx yɨriabuxtityo ɨmoma makiataka machoboreka naki bakɨpuruti ɨmoma axɨbama chɨmakokonaumpɨma ɨmoti Tupax.

Manitanati Tuparrü

² Arraño tücañe apacoconaunca ümoti choborese, tacana bama maquiataca icu na cürrü. Arrti choborese üriabucati auna icu na cürrü ümo bama chicocoromatipü Tuparrü.

Efesios 2:2 ပူးပေါင်းရင်းမြစ်များ

San Mateo 11:19

Auki kuatati Aɨtoxti ñoñɨnx, naki basoti chabotityo, axaño amukanaño ɨmoti taruku niyakaxti chabo'oxtityo, ityurapata axɨbama chuxiampɨ nɨrixhimia axɨbamaintyo bakaɨburuma monixh ɨmo Roma. Tapɨ axɨna ñapanaunkuxti Tupax tusiankana oboi nanaiña axɨba omixhante.”

San Mateo 13:22

Axɨmanu sɨrobo kɨtu sɨro omeana kɨmeka tyone takana axɨbama onkoimia axɨba omixhia manityakax, ityopiki axɨba nenaxixhimia ikuki axɨna kɨx taruku ñakionkoxɨma yubapa tapenekoma oboi. Nanaiña axɨba sane chichebopɨ oboi aisamunema axɨba omixhia.

San Mateo 13:38

tapɨ axɨmanu ñanaunx tyone axɨna kɨx. Axɨmanio omixhia sɨrobo kɨtu tyonema axɨbama uxia nisɨborikixhimia, tapɨ axɨmanu chuxiampɨ naxchopɨro tyonema axɨbama chuxiampɨ nisɨborikixhimia,

San Marcos 4:19

chɨchebopɨ uimia nauki axɨmanio omixhia manityakax oboi aikoñokoma nisɨborikixhimia. Taruku nixhankaxɨma ɨmo monixh nauki aye uimia axɨna nixhantɨmoma, nauki taruku nipukɨnunkuxɨma iku axɨna kɨx.

San Lucas 16:8

Axti maniki ɨmoche aserebiti uxia ɨmoti axɨna sane chuxiampɨ yachɨkoiti maniki kiapatax axɨna nipiakaxti aisamunenti nanaiña. Tyopiki yutaku nenaxixhimia, axibama ikuki axɨna kɨx ipiakama tyakumantoe pɨnanaki axɨbama aɨtoxti Tupax.

San Lucas 22:31

Nantityo Yɨriabux: –Simón, Simón, axti chobores ñankitioti nauki aikɨtobiroti año takana yachɨkoiti ɨmo trigo.

San Juan 12:31

Kaɨma axɨbama ikuki axɨna kɨx iñatai ɨmoma axɨna tyakɨrux nanenes, kaɨma penekoti tyɨrɨpo naki bakɨpuru iku axɨna kɨx.

San Juan 13:2

Axti chobores chauki tɨsɨro uiti nomɨnantɨ au nausasɨxti Judas aɨtoxti Simón Iscariote, nauki aityoximianati Jesús. Axti Jesús tusiu ɨmoti ta esakiti Tupax ayetitɨ, auki sɨrotitɨ tatityo ñana esati Tupax, uiti Yaɨtoti toxio ɨmoti nanaiña ɨriakaboti.

San Juan 13:27

Isiukai, sɨroti chobores au nausasɨxti Judas. Nanti Jesús ɨmoti: –Judas aisamusenkai axɨmanu naxiantɨmo aisamune.

San Juan 14:30

Chauki tityoneantai nisura ausukarɨ ityopiki axti chobores tɨsaimia aiñanainti naki yɨriabuxti iku axɨna kɨx. Axti champɨ nɨriakaxti xhopɨnanakiñɨ,

San Juan 15:19

Axaño aukuasɨrɨkapɨ ɨmoma axtɨ isiupɨ nausɨboriki takana nisɨborikixhimia. Axaño chisiukipɨ nausɨboriki, ityopiki sobi samamekana año tapɨ iyebo aboi takana nisɨborikixhimia. Sane naukiche chuxiampɨ uimia aume.

San Juan 16:11

Axti naki ɨmoche manityomokotox uiti Tupax: tyonenti naki yɨriabux iku axɨna kɨx, axti naki tiyasutiuti nityakisɨrɨkɨxti.

San Juan 7:7

Axɨbama ikuki axɨna kɨx champɨ tyakuche atɨborimia aukuata. Tapɨ suatañɨ tɨborikomantai, ityopiki axɨñɨ ityusiankata sukarɨma nanaiña axɨna chuxiampɨ nisɨborikixhimia.

San Juan 8:23

Nanti Jesús ɨmoma: –Axaño ikuki axɨnantai kɨx año, tapɨ axɨñɨ isekatɨ auki napes.

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

Hechos 19:35

Auki axti maniki taman yɨriabux, nanti sane ɨmoma: “Axaño axɨbama auki Éfeso, namanaiña ikuki axɨna kɨx tusiu ɨmoma ta axɨbama auki Éfeso, toxio oemo nauki basaratɨ tyaku nipo yarusɨrɨx Tupax Artemisa tyakuityo axɨmanu nausɨpɨx kuatɨ akɨ tɨkañe auki napes.

Hechos 5:3

Auki Nanti Peru ɨmoti Ananías: –Ananías, ¿kausane akokonaunka ɨmoti chobores? Sɨsio obi au napo aruki axɨmanu monixh toxio aemo ityobo axɨmanu ñanaunx, sane apanka ɨmoti Espíritu Santo.

Romanos 12:2

Tapɨ abasikia sane aɨbu axɨna nausɨboriki kaɨma, ta apikoñoko napakionko sane nauki apikoñoko nausɨboriki saneityo apisuputarai noñemaxti Tupax, tyone axɨna uxia axɨnaintyo besɨro nausɨboriki.

1 Corintios 5:10

Ui axɨna sane chixhankapɨ sukanañɨ aume nauki apiñanaño pese pɨnanakimia axɨbama champɨ ñanaunkuxɨma ɨmo nikɨpostoxɨma makiataka, pɨnanakityo axɨbama taruku nixhankaxɨma ɨmo monixh, makusɨpɨka, axɨbama anati kiatax Tupax ɨmoma, axtɨ auxianka sane aboi tari apikiaɨbusaño ikuki axɨna kɨx.

1 Corintios 6:11

Tyonema axɨbama aboma tɨkañe abaxɨpeku. Tapɨ kaɨma chauki tɨbukaɨburu nomɨnantɨ kɨtɨpɨkimia au nɨrixhti Yɨriabux Jesucristo ui nesaxti Espíritu naki Tupax oemo.

2 Corintios 4:4

Tyopiki axɨma chikokotapɨma, axti naki tupax ikuki axɨna kɨx (axti chobores) uiti tabuxio ñapanaunkuxɨma, nauki tapɨ astaimia nanentakax axɨba omixhia manityakax uiti Yɨriabux Jesús, tyone axɨna sɨboriko nausɨpɨtuxti Tupax.

Gálatas 1:4

Ityoximianatiyɨ Jesús ɨmo nikonkoxti yotopiki nomɨnantɨ osoi, nauki aixhimiakati oemo nomɨnantɨ iku axɨna kɨx au axɨba naskɨbeka kaɨma, takana noñemaxti Tupax naki Uyaɨ.

Efesios 1:21

ui axɨmanu yarusɨrɨx nɨriakaxti, toxio uiti Tupax ɨmoti Cristo ɨriakaboti pɨrɨkɨ namanaiña axɨbama machoboreka axɨbamaintyo ane nɨriakaxɨma iku axɨna kɨx takanaintyo au axɨmanu iyebo kɨx kuabotɨki.

Efesios 2:11

Sane naukiche axaño axɨbama chɨtɨpɨ judíos, axɨbama nɨrixhimia aboi “axɨbama chɨcircuncidabopɨma” axɨmanuma judíos circuncidabo nikɨtɨpɨxti ñoñɨnx uimia, uixhimiantoe nɨrixhimia axɨbama “circuncidaboma”,

Efesios 2:13

Tapɨ kaɨma, axɨna amonkaño iche pɨnanakiti Tupax, chauki tabekatɨ saimia ɨmoti, amonkaño aɨbuti Jesucristo tyopiki nikonkoxti kɨtɨpɨ kurusɨx.

Efesios 2:3

Sane tɨkañe nosɨboriki namanaiña axoñɨ, uɨkatɨ yusiu axɨba chomixhampɨ nixhantɨmo nokɨtɨpɨ takanaintyo numapanaunku. Tyopiki axɨna sane, koñopɨtɨ oemo basuriu nutakisɨrɨkɨ uiti Tupax, takana namanaiña makiataka.

Efesios 4:17

Tyone kaɨma axɨna sukanañɨ aume nixhakɨpuku au nɨrixhti Yɨriabux Jesús: tapɨ ausɨborikiaiki takana axɨbama chikokoromatipɨ Tupax, tyopiki axɨma sɨborikoma yupu axɨba chomixhampɨ ñapanaunkuxɨma

Efesios 4:22

Sane naukiche, tapɨ ausɨborikiaiki takana nausɨboriki tɨkañe, naukiche axɨmanio chomixhampɨ nauxiantɨmo apiñata yusiuki nausɨboriki.

Efesios 5:6

Tapɨ matachemakanama aume oboi axɨba chomixhampɨ nuraxɨma, tyopiki tyakuapae axɨbama sane kuatɨ yarusɨrɨx takisɨrɨkɨx uiti Tupax ɨmoma axɨbama chɨmakokonaumpɨma ɨmoti.

Efesios 5:8

Axaño tɨkañe ausɨborikia au tomikianene, tapɨ kaɨma ui axɨna abaka aɨbuti Yɨriabux Jesús ausɨborikia au nanentax. Sane naukiche apiña takana axɨbama aboma au nanentax.

Efesios 6:12

Tyopiki chubaikiapɨ aɨbu mañoñɨnka takana axoñɨ, ta aɨbu machoboreka axɨbama chuxiampɨ uimia au napes. Tyonema axɨbama kaɨma iñatama nɨriakaxɨma takanaintyo noñemaxɨma auna iku axɨna kɨx.

Colosenses 1:21

Axaño tɨkañe amonkaño iche pɨnanakiti Tupax chuxiampityo aboi au nabausasɨ ɨmoti, yotopiki axɨba chomixhampɨ apisamukio,

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

Santiago 1:27

Axɨna ñemanauntu makokonaunkux ɨmoti Tupax axti naki Uyaɨ tyone axɨna sane: basaratɨ tyakuma axɨbama tɨkoiñoma yaɨtoxɨma axtɨ takisɨrɨma axɨbaityo biuraka, au niyutakisɨrɨkɨx, tapɨ uisamute nomɨnantɨ ikuki axɨna kɨx.

Santiago 1:7

Axti naki sane nisɨborikixhti, champɨ ñana toxiobo ɨmoti uiti Tupax,

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.

1 Pedro 1:14

Tɨkañe naukiche chausuputakaikipɨ axɨba omixhia manityakax kɨtɨpɨti Jesucristo, apisamute nanaiña axɨna chuxiampɨ nauxiantɨmo. Tapɨ kaɨma, apakokonau ɨmoti Tupax ɨmo nanaiña, takana axɨbama aɨtoxti makokonaunxɨma.

1 Pedro 4:3

Tɨkoboiyapae tɨkañe apisamute axɨna nausɨboriki takana axɨbama chikokoropɨmati Tupax, chuxiampɨ tɨkañe nausɨboriki, chomixhampɨ nauxiantɨmo, chaiyatai naupukɨnunku naborisɨba, taruku nauchaka apanaunka ɨmo matupaka nisamuku mañoñɨnka.

2 Pedro 2:14

Axtɨ astaimia paɨx tixhanxɨma ɨmo. Chubatapɨ ɨmoma aisamunema axɨba nomɨnantɨ. Matachemakanama ɨmoma axɨbama apekiatai aikokoromati Jesús. Taruku nixhankaxɨma ɨmo monixh. Uiti Tupax ñana asaraiti ɨmoma.

1 Juan 3:10

Tɨtusiuma ñakusanema axɨbama aɨtoxti Tupax ñakusanemaintyo axɨbama aɨtoxti chobores, tyopiki axti naki chisamutentipɨ axɨna uxia chɨkuasɨrɨtipɨ yarukityoxti ɨmoti, chityonentipɨ aɨtoxti Tupax.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

1 Juan 4:4

Masaɨtaiki, aɨtoxti Tupax año tyopiki chapikokokapɨma axɨmanuma mañapanka, tyopiki axti taruku nɨriakaxti pɨnanakiti maniki chuxiampɨ uiti ɨmoti.

1 Juan 5:19

Tusiu oemo ta aɨtoxti Tupax oñɨ, tapɨ axɨbama makiataka iku axɨna kɨx aboma kiana nɨriakaxti chobores.

1 Juan 5:4

Tyopiki axti naki aɨtoxti Tupax tapeneko uiti nomɨnantɨ ikuki axɨna kɨx. Axti naki onkotitɨ ɨmoti Jesucristo chɨtapenekotipɨ oboi nomɨnantɨ.

Apocalipsis 12:9

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

Apocalipsis 13:14

Oboi axɨmanio chebo ɨmo aisamunio axɨba champɨ tu bastai sukarɨ axɨmanu kusɨrɨbo numukianx, tapenekoma uixh axɨbama po'osoma iku axɨna kɨx, auki bakɨpuru ɨmoma nauki asamuma taman nausɨpɨtux axɨmanu numukianx sɨborikoiki axɨmanu obɨrio ɨmo ui kɨses.

Apocalipsis 13:8

Axɨmanu yarusɨrɨx numukianx manaunuma ñana ɨmo namanaiña axɨbama chɨkorobopɨ nɨrixhimia iku axɨmanu kichonimiakax nesa axɨmanu Nobixhax, axɨmanu koiño tɨkañe ɨmo makumanatax. Axɨmanu kichonimiakax bokorobo aukiapae tɨkañe naukiche chuxiantenkipɨ axɨna kɨx uiti Tupax, iku korobo nɨrixhimia namanaiña axɨbama chɨtakɨnunaumpɨ nisɨborikixhimia.

Apocalipsis 16:17

Axti maniki kiatax ángel isupiutati nichapoxti ape, auki axɨmanu nityɨmoxti Yɨriabux auki nipoxti Tupax rabotɨ tosibixh nantɨ sane: “¡Chauki tuxiante!”

Apocalipsis 20:2

Axti maniki ángel eno uiti axɨmanu noixhobox, axɨmanu chaɨbopɨ nakax ta tyonenti chobores, auki tomoeno uiti ñome mil naskɨbeka.