Apocalipsis 8:3 - Manityanati Tupax

³ Auki kuatati kiatax ángel, aɨbu axɨmanu auche omo incienso uxiante ui oro, sɨsioti atɨraiti esa axɨmanu altar auki toxio ɨmoti chama nuxia incienso, nauki akumanati uixh iku axɨmanu altar uxiante ui oro axɨmanu ananka kɨmenu nityɨmoxti Tupax chepe axɨba neankaxɨma masantuka.

Manitanati Tuparrü

³ Cuatito maniqui quiatarrü ángel atüraiti esa manu altar. Torrio ümoti taman nausürrü oro aübu chama rroriocorrü, na aicubiti icu altar, na aürotü ape nausirri ichepe neanca bama icocoromati Tuparrü. Arrümanu altar pururrü oro, ane esa nesarrti tronorrü Tuparrü.

Apocalipsis 8:3 ပူးပေါင်းရင်းမြစ်များ

San Lucas 1:10

Naukiche omo axɨmanu incienso, namanaiña amonkoma meaboma tyɨrɨpo.

Romanos 8:34

¿Ñakuti naki uiche uraboiti isane ñana axɨna toxiobo ɨmoma? Axti Cristo tyonenti naki koiñoti. Tyonentityo naki sɨborikoti tato, anati au nepanaunkuxti Tupax, tyonentityo naki mankioti utaku.

Hebreos 7:25

Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

Hebreos 9:4

Akamanu ane taman altar uxiante ui oro axɨna ikuche oomo incienso, chepe axɨmanu baurixh ane oro kɨtɨpɨ. Au ananka taman bausɨma uxiante ui oro aɨbu maná au anankaityo akamanu nompɨtaxti Aarón, axɨmanu takɨbaɨro tɨkañe, yochepe axɨmanio kanka korobo yuku axɨba diez bakɨpukuka.

Apocalipsis 10:1

Auki yasakatɨ ɨmoti kiatax ángel taruku nɨriakaxti, kuatati auki napes eana taman kɨsaɨbox. Ane taman nixhixh onɨ nityanuxti, nisuxti kuara takana sux nityapaxti takana nompakɨoka pes nubakax.

Apocalipsis 14:18

Onɨki axɨmanu altar kuati kiatax ángel, axti naki ane nɨriakaxti ɨmo pes, auki nanti ɨmoti maniki ángel ane otoro nikɨsesti: “¡Akosi aɨbu nakɨse otoro, aityɨsɨnasio uixh nɨta uva auki ñanaunx ikuki kɨx, tyopiki axɨmanio nɨtax chauki tupubu!”

Apocalipsis 5:8

Aɨbapae aiñenti axɨmanu kichonimiakax kiñoeno, axɨmanuma cuatro sɨborikoma chepe axɨmanuma veinticuatro mayɨriabuka bachesoiyoma esa axɨmanu nobixhax. Namanaiña ane nityaboxioxɨma, abetyo mekuma nichapoxɨma omixhante ui oro ubataso ui incienso, tyone axɨna neankaxɨma axɨbama champɨ nipɨnatema.

Apocalipsis 6:9

Naukiche axɨmanu Nobixhax ikiompɨnata axɨmanu kiatax nityomoentox, yastai kiana axɨmanu altar nausɨpɨxɨma axɨmanuma tɨsokioma tɨkañe tyopiki urapoimia nuraxti Tupax tyopiki arukuityo nuxia ɨmoma uraboimia.

Apocalipsis 7:2

Yasakatityo kɨmenuti kiatax ángel kuatati auki tansɨrɨ, ane uiti axɨmanu uiche akonomoti Tupax axti naki sɨborikoti. Axti maniki ángel rabotɨ nuxia nityosibixhti ɨmo axɨmanuma cuatro ángeles axɨmanuma toxio ɨmoma ɨriakaboma nauki aiñamesokoma kɨx chepe narubaityu tux:

Apocalipsis 8:4

Nausixh axɨmanu incienso sɨrotɨ ape mekukiti axti maniki ángel esati Tupax, yochepe axɨmanio neankaxɨma axɨmanuma champɨ nomɨnantɨ uimia.

Apocalipsis 8:5

Auki axti maniki ángel aikianti axɨmanu nausɨx axɨmanu nausixh iñatamakatati ui sɨkɨbox aɨbu pes ikuki axɨmanu altar, aruraɨbuti iku kɨx. Auki rabotɨ nisɨux, tosibixh masɨnaka paichokonono kɨx.

Apocalipsis 9:13

Axti maniki kiatax ángel ipunutati nibuxixhti, auki ñonkoi taman tosibixh axɨpekuki axɨmanio cuatro tyapakɨka abe iku altar uxiante ui oro axɨna ananka kutakikiboti Tupax.