Apocalipsis 7:9 - Manityanati Tupax

⁹ Pɨrɨkɨ axɨna sane, auki yastai taruku nububikixhimia ikuki nanaiña kɨx, aruki nanaiñantai manityakaka. Amonkoma atɨraimia esa nityɨmoxti yɨriabux esaityo axɨmanu Nobixhax, tarukapae nububikixhimia champɨti tusiu ɨmoti mantukubuma. Amonkoma aɨbu purusubi naibixhimia. Anentyo nasu mutakɨx mekuma.

Manitanati Tuparrü

⁹ Auqui yasacatito ümo manuma sürümanama macrirrtianuca auqui nanaiña nacioneca y aruqui nanaiñantai ñanitacarrüma, bama champüti puerurrü aipiacümuncunuma. Aboma esa manu tronorrü y esa manu Nobirrama. Purusubi naibirrimia. Ane nasu mutacürrü mecuma.

Apocalipsis 7:9 ပူးပေါင်းရင်းမြစ်များ

San Lucas 12:1

Akamanu iyoberabaramakɨ tarukapae nububikixhimia, ipenenomakɨ uixhimiantoe. Manunekanati Jesús, kusɨrɨbo ɨmo axɨbama nesaxti apóstoles: “Amasasai nuxia ñɨnana nesaxɨma levadura axɨbama fariseos, ñɨnana axɨna chuxiampɨ nisɨborikixhimia,

San Lucas 21:36

Sɨsio año takanati naki koborioti, amea naneneka, nauki amañekaka oboi nanaiña axɨba sane omixhankio ñana nauki amenotɨ esati Aɨtoxti ñoñɨnx.”

San Juan 12:13

Auki matɨsɨnanama nasu mutakɨx auki sɨromatɨ aikuñunumati, aɨbu nityosibixhimia: –¡Upukɨnuna! ¡Yarusɨrɨxti naki kuatati au nɨrixhti Yɨriabux, naki Yɨriabux ɨmo Israel!

Romanos 11:25

Masarukityaiki, ixhanka atusi aume nixhantɨmoti Tupax axɨna anekana uiti, nauki tapɨ apiñata takana axtɨ apipiaka ɨmo nanaiña: aboma axɨbama auki Israel chiyasutiupɨma axɨna manunekatax chepe axtɨ namanaiña kuamatɨ tato axɨbama chɨtɨpɨ auki Israel.

Efesios 6:13

Sane naukiche, apasusiu axɨmanu okɨmanabo autaku toxio aume uiti Tupax, nauki amokɨma autakuapatoe au axɨmanu nanenes ñana chuxiampɨ. Axtɨ iñatai tyakɨru napaiki sɨsio año aɨbu narukux aume.

Hebreos 11:12

Sane naukiche axti Abraham naukiche tɨniyɨkɨx akonti, taruku nububikixhimia axɨbama aɨtoxti takana nububiki noxtoñeka iku napes takanaityo kɨosox abeu narubaityu tux, champɨti pueruxti aipiakɨmununkunuma.

Hebreos 12:22

Tapɨ axaño kaɨma, amekatɨ esa axɨmanu yirityux Sión, axɨmanio poka nipoxti Tupax naki sɨborikoti ɨmo nanaiña naskɨbeka. Tyoneio axɨmanio poka Jerusalén, axɨna ane au napes. Akamanu aboma sɨrɨmanama axɨbama ángeles oberabarama nauki yarusɨrɨx nɨrixhti Tupax uimia,

Apocalipsis 11:15

Axti maniki kiatax ángel ipunutati nibuxixhti, auki rabotio tosibikia au napes, monantɨ sane: “Nɨriakax ikuki axɨna kɨx tyone nesaxti Tupax chepeti Aɨtoxti axti Mesías, yɨriabuxɨma ñana ñome nanaiña naskɨbeka.”

Apocalipsis 22:3

Au axɨmanio poka champɨ isane champɨtityo naki chuxiampɨ nisɨborikixhti ɨmoti Tupax. Akamanu sɨsio ñana nityɨmoxti Tupax chepe Nobixhax, tapɨ axɨbama baserebioma ɨmoti Tupax manaunuma ñana ɨmoti.

Apocalipsis 3:18

Sane naukiche sukanañɨ aemo apache nikiubukɨ nauki aye obi yesakiñɨ axɨna ñemanaunkuxatoe uixh ane enaxibokɨ. Tyopiki axɨna toxiobo sobi taruku nikuax, takana nikua oro chɨrɨriko oto pes. Axtɨ chaxiankapɨ asikia akɨsuasaka aɨbu nakɨso, asusiu axɨna purusubi aibibokɨ toxio sobi aemo, axɨmanuintyo nubatax uiche uxia tato nasɨto. Tyopiki sane asakatɨ tato.

Apocalipsis 4:4

Abetyo pikiataka veinticuatro nityɨmo mayɨriabuka, kauta amonkoma tɨmonsoma veinticuatro mayɨriabuka: purusubi naibixhimia ane nityarusɨxɨma ityama uxiante ui oro.

Apocalipsis 5:11

Auki yasakatɨ, ñonkoi ñanityakaxɨma sɨrɨmanama ángeles aboma tyupeku axɨmanu nityɨmoxti Yɨriabux, axɨmanuma sɨborikoma axɨmanumaintyo mayɨriabuka. Taruku nububikixhimia,

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.

Apocalipsis 6:11

Auki toxio aibiboma uiti Tupax axɨna purusubi, auki nanti ɨmoma nauki axɨperamainki pariu, tyopiki champɨ axtɨ tɨkoiñoma namanaiña axɨbama ikokoromati Jesús axɨbama koiñoma ñana takana axɨma.

Apocalipsis 7:8

doce mil axɨpekukimia axɨmanuma aɨtoxti Zabulón, doce mil axɨpekukimia axɨmanuma aɨtoxti Kiosen, doce mil axɨpekukimia axɨmanuma aɨtoxti Benjamín.