Apocalipsis 6:1 - Manityanati Tupax

¹ Auki yastai axɨmanu Nobixhax ikiompɨnata axɨmanu taman nityomoentox uturuki axɨmanio siete, ñonkoi tamanti axɨpekukimia axɨmanuma cuatro sɨborikoma nanti auki nityosibixhti takana nisɨux: “¡Ariaku!”

Manitanati Tuparrü

¹ Isucarüñü nurria ito arrümanu Nobirrama isoquisünata taman nitomoento manu quichonimiacarrü. Rabotü nitosibirrti maniqui taman uturuqui manuma cuatro süborico, arrone nurria tacanarrtü süuru, nanti sane: —Ariacu.

Apocalipsis 6:1 ပူးပေါင်းရင်းမြစ်များ

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

Hechos 4:20

Axɨsomɨ champɨ ityopikiche someteikei aɨbu axɨna sumastai axɨnaintyo somonkoi.

Apocalipsis 11:19

Auki aurɨbo axɨmanu nipoxti Tupax ane au napes, akamanupo ananka axɨmanu uiche atusi ta anati ochepe. Auki masɨnaka, taruku nikɨpurax, tosibikia auki paichokonono kɨx bupakio sɨrɨmana noñoka.

Apocalipsis 13:8

Axɨmanu yarusɨrɨx numukianx manaunuma ñana ɨmo namanaiña axɨbama chɨkorobopɨ nɨrixhimia iku axɨmanu kichonimiakax nesa axɨmanu Nobixhax, axɨmanu koiño tɨkañe ɨmo makumanatax. Axɨmanu kichonimiakax bokorobo aukiapae tɨkañe naukiche chuxiantenkipɨ axɨna kɨx uiti Tupax, iku korobo nɨrixhimia namanaiña axɨbama chɨtakɨnunaumpɨ nisɨborikixhimia.

Apocalipsis 14:2

Auki ñonkoi taman nikɨpurax kuatɨ auki napes. Takana nikɨpura nosɨkɨ yarusɨrɨx yotobɨratax, takanaintyo nikɨpura mapaesox. Tyoneantoe takana axtɨ masɨmununuma sɨrɨmana taboxioka.

Apocalipsis 19:6

Auki ñonkoityo axɨmanu takana nityosibixhimia axɨbama sɨrɨmanama, takanaintyo nosɨkɨ yotobɨratax takana mapaesox. Namatɨ: “¡Aleluya! Tyopiki tɨyɨriabuxti naki taruku Nɨriakaxti, axti naki Tupax oemo.

Apocalipsis 4:8

Namanaiña axɨmanuma sɨborikoma abe seixh nipiaxɨma takana nutaumanka. Abetyo niyosɨtox omonɨ, aunaintyo ñokiana. Chɨmatochenkopɨma au sapes au tobixh namatɨ sane: “¡Santuxti, santuxti, santuxti maniki Yɨriabux, Tupaxti taruku nɨriakaxti, tyonenti tɨkañe ta tyonenti axti naki kuabotɨ!”

Apocalipsis 5:1

Au nepanaunku ne'esti axti maniki tɨmonsoti au nityɨmoxti yasakatɨ ɨmo taman kichonimiakax korobo iku tyɨrɨpo aukipoityo ananka kiñoeno, abe siete nityomoentox.

Apocalipsis 5:12

namatɨ aɨbu nityosibixhimia: “¡Axɨmanu Nobixhax koiño ɨmo makumanatax koñotɨ ɨmo asuriu nɨriakax axɨnaintyo enaxibo, ñapanaunkubu takanaintyo axɨna ikusɨubu, manaunkux nanentakax axɨnaintyo masonikixh!”

Apocalipsis 5:8

Aɨbapae aiñenti axɨmanu kichonimiakax kiñoeno, axɨmanuma cuatro sɨborikoma chepe axɨmanuma veinticuatro mayɨriabuka bachesoiyoma esa axɨmanu nobixhax. Namanaiña ane nityaboxioxɨma, abetyo mekuma nichapoxɨma omixhante ui oro ubataso ui incienso, tyone axɨna neankaxɨma axɨbama champɨ nipɨnatema.

Apocalipsis 6:3

Naukiche axɨmanu Nobixhax ikiompɨnata axɨmanu kiatax nityomoentox, axti maniki kiatax sɨborikoti ñonkoi nuraxti: “¡Ariaku!”

Apocalipsis 6:5

Naukiche axɨmanu Nobixhax ikiompɨnata axɨmanu kiatax nityomoentox, axti maniki kiatax sɨborikoti ñonkoi nuraxti: “¡Ariaku!” Auki yasaratɨ, yastai taman kabayux kɨbɨsi, axti maniki anati chaku ane mekuti taman mapesatax.

Apocalipsis 6:7

Naukiche axɨmanu Nobixhax ikiompɨnata axɨmanu kiatax nityomoentox, axti maniki kiatax sɨborikoti axɨpekukimia axɨmanuma cuatro nanti sane: “¡Ariaku!”

Apocalipsis 8:1

Naukiche axɨmanu Nobixhax ikiompɨnata axɨmanu kiatax nityomoentox axɨmanu kichonimiakax kiñoeno, champɨ rabotɨ au napes ɨmo kɨmuintya horax.