Apocalipsis 3:3 - Manityanati Tupax

³ Akionsɨ nanaiña axɨna asutiu axɨnaintyo onkoi. Aisamuse, auki ariaku tato esati Tupax. Axtɨ chasankapɨtɨ, isekatɨ ñana yasarɨ takanati naki kuatati akusɨpɨti, chɨtusiupɨ ñana aemo isane nanenes isetɨ yasarɨ.

Manitanati Tuparrü

³ Apaquionsaño iyo nurarrti Tuparrü arrüna amoncoi y arrüna apasutiu tücañe. Apiñorroncosaño. Arrtü chapicoñocotapü nausüboriqui, isecatü aume tacanati cusüpürrü. Chütusiopü aume auche ayetü carrticurrü aume sobi.

Apocalipsis 3:3 ပူးပေါင်းရင်းမြစ်များ

San Mateo 25:13

“Sɨsio año amastaikiatɨ–nantityo Jesús–, tyopiki chɨtusiupɨ aume isane nanenes o isane horax.

San Marcos 13:33

“Sane naukiche, taikiana amastaikiatɨ amasasatɨ autakuapatoe, tyopiki chɨtusiupɨ aume auche ñana aiñanai axɨmanu nanenes.

San Marcos 13:36

Tapɨ autabɨka uiti aupanuka.

1 Tesalonicenses 5:2

Axaño tɨtusiu nuxia aume axɨmanu nanenes ñana auche kuatati tato Yɨriabux Jesús iñataiti tato ñana axtɨ champɨti añe ñakionkoxti, au tobixh takanati kusɨpɨx.

1 Timoteo 6:20

Axɨkɨ Timoteo, asasatɨ nuxia tyaku axɨna bakɨpukux aemo. Tapɨ ane nɨmoche obi chɨtamampatai nuraxɨma axɨba champɨ nanenekiche, takanaintyo axɨba chiñemanauntupɨ manunekatax.

2 Timoteo 1:13

Aisamuse isiuki axɨmanio omixhia manunekatax onkoi sobi, makokokox makumananaunkux ɨmoti Cristo Jesús.

Hebreos 2:1

Sane naukiche tari basaraira nuxia kausane axɨmanio omixhia manityakax oñonkoi, tapɨ uɨkatɨ pese pɨnanaki axɨna besɨro kutubiux.

2 Pedro 1:13

Axɨna isɨborikiaiki, tyone yachɨkoboibo taikiana sukanañɨ aume nanaiña axɨna sane.

2 Pedro 3:1

Masarukityaiki, tyone axɨna kiatax nixhakonomoso aume. Yuku axɨba tox nixhakonomoso ixhanka xhanuneka aume nauki besɨro napapanaunku.

2 Pedro 3:10

Au axɨmanu nanenes ñana auche ayetitɨ tato Yɨriabux Jesús, kuatati takanati taman kusɨpɨx. Au axɨmanu nanenes ñana axɨna napes iñaxio ui taman yarusɨrɨx nisɨux uiche taruku bixhukux, nostoñeka omiñaxio ñana ui pes, axɨnaintyo kɨx aɨbu nanaiña axɨba abe iku omiñaxio ñana.

Apocalipsis 16:15

Sane naukiche axti Yɨriabux nanti: “Isekatato ñana axtɨ champɨti ane ñakionkoxti. Isekatɨ takanati kusɨpɨx, naki kusɨpɨoti au tobixh axtɨ champɨti ane ñakionkoxti. Axti Tupax kurusɨoti uiti naki chɨmanutañatipɨ axtɨ anentyo naibixhti, tyopiki chɨtabɨkotipɨ uiti kɨsuasati. Champɨityo tyakuche akɨsoti.”

Apocalipsis 2:25

Apiña nuxia napakokonaunku iñemo chepe axtɨ tisekatɨ tato ñana.

Apocalipsis 2:5

Akionsɨ, kausane nasɨboriki tɨkañe, ariaku tato esati Tupax aisamuse tatityo takana aisamute auki maɨbo tɨkañe. Axtɨ chaisamutempɨ sane, axɨñɨ yɨkatɨ ityakisɨnɨmakanɨ ikiaɨbuta naesa kantrerux auki axɨmanu kauta ane.

Apocalipsis 22:7

“¡Tɨsaimia ñana isetɨ tato! ¡Taruku ñana nipukɨnunkuxti naki ikokotati axɨna uxia manityakax ui noñemaxti Tupax axɨna ane korobo iku axɨna kichonimiakax!”

Apocalipsis 3:11

Konto ñana isekatɨ tato. Asasatɨ nuxia tyaku axɨna ane obi tapɨ anati ikiaɨbutati apɨnanakikɨ axɨna toxiobo ñana aemo.

Apocalipsis 3:19

Axɨñɨ xhakuansomokoka xhanunekakaityo ɨmoma axɨbama kuasɨrɨma iñemo. Sane naukiche, ariaku tato esati Tupax akokonau nuxia ɨmoti.

Apocalipsis 3:2

Asankatɨ, aiña nuxia nauki aisamune uxia nasɨboriki axɨna tixhanx ako, tyopiki champɨ tabɨko sobi axɨna uxia aisamute sukarɨti Tupax.