Apocalipsis 22:15 - Manityanati Tupax

¹⁵ Tapɨ axɨbama chuxiampɨ nisɨborikixhimia sɨsioma ñana tyɨrɨpo, axɨbama mapichareruka, axɨbama xhanxɨma ɨmomantoe, mayatabayoka, axɨbama manaunuma ɨmo matupaka nisamuku mañoñɨnka namanaiña axɨbama matachemakanama chepe axɨbama isamutema axɨba chomixhampɨ.

Manitanati Tuparrü

¹⁵ Tapü arrübama iñoconomati Tuparrü ichepe bama macheseruca y arrübama bavivico tacana numuquianca y arrübama mayatabayoca y arrübama manaunuma ümo masantuca y nanaiña bama mañapanca, onconoma ñana türüpo.

Apocalipsis 22:15 ပူးပေါင်းရင်းမြစ်များ

San Mateo 7:6

“Tapɨ apityoximiakio axɨba bukurusɨo ñome tamokoka, ityopiki kuantio tato ñana aukɨtɨpɨ auki chinxhio año oboi. Tapɨ apityoximiakio axɨba omixhia namenaxi ñome nupaucheka, ityopiki opikɨmonio ñana.

San Mateo 8:12

tapɨ axɨbama ikonomoche axɨmanu nɨriakax au napes, penekoma ñana tyɨrɨpo au tomikianene. Auki kaɨma kuatɨ nareokox ichepe suchekixh.

San Juan 8:46

¿Ñakuti abaxɨpekuki ane uiche aityusiankati axtɨ ane nomɨnantɨ sobi? Axtɨ ñemanauntu axɨna sukanañɨ, ¿kausane chapikokotapɨ nisura?

Hechos 8:11

Namanaiña ikokotama axɨna isamutenti, ityopiki tɨkoboi axɨna isamutenti sane sukarɨma.

Filipenses 3:2

¡Amasasai nuxia ñɨnanama axɨmanuma mañoñɨnka chuxiampɨ nisɨborikixhimia, tyopiki xhanxɨma nauki circuncidabo año!

Colosenses 3:6

Yotopiki axɨba sane nomɨnantɨ kuatɨ nityɨborixhti Tupax ɨmo axɨbama chɨmakokonaumpɨma.

1 Timoteo 1:10

Ɨmoma axɨbama ane uimia kiatax paɨx takanaintyo axɨba paɨka, ɨmoma axɨbama xhanxɨma ɨmomantoe. Axɨbama matomoenoma mañoñɨnka ityobo monixh, axɨbama taruku ñapantuxɨma au nɨrixhti Tupax. Sane, axɨmanu bakɨpukux ta ɨmoma axɨbama chuxiampɨ ɨmoma axɨna besɨro manunekatax,

Apocalipsis 18:23

Chanantopɨ anentax auna ui basarux, chɨrabotɨpityo pukɨnunkux oboi tɨbɨbɨka. Tyopiki axɨbama mapabentekana nenaxixhimia tɨkañe aukina taruku nɨriakaxɨma iku axɨna kɨx, atachemakakaityo ɨmo namanaiña ui napichara.”

Apocalipsis 21:27

Chiyebopɨ ñana akamanu ui axɨna chuxiampɨ ɨmoti Tupax. Chiyebopɨ ñana uimia axɨbama manaunuma ɨmo matupaka nisamuku mañoñɨnka. Kunauntañamantai axɨbama ane korobo nɨrixhimia iku axɨmanu kichonimiakax ui Nobixhax.

Apocalipsis 21:8

Tapɨ axɨbama taruku nixhukuxɨma, axɨbama chɨmakokonaumpɨma, axɨbama chuxiampɨ uimia ɨmo makiataka, axɨbama mayatabayoka, axɨbama xhanxɨma ɨmomantoe, mapichareruka, axɨbama manaunuma ɨmo matupaka nisamuku mañoñɨnka namanaiñaintyo mañapanka, tyonema ñana axɨbama sɨrobomatɨ au axɨmanu narubaityu pes, tyone axɨmanu kiatax konkox.”