Apocalipsis 22:14 - Manityanati Tupax

¹⁴ Taruku ñana nipukɨnunkuxɨma axɨbama iyaxɨbitama naibixhimia, tyopiki toxio ñana utuburiboma nɨta axɨmanu soes uiche ane sɨborikixh axɨna champɨ nityakɨrux. Axɨma sɨromatɨpo ñana auki axɨmanio tyuruka au axɨmanio poka.

Manitanati Tuparrü

¹⁴ Urria nacarrüma bama icoñocotama nisüboriquirrimia, tacanarrtü iyarrübitama naibirrimia, nauqui puerurrü aanema nüta manu suese bachebo isüboriquiboma, y nauqui perurrüma aüromampo au manu pueblurrü nuevurrü, Jerusalén.

Apocalipsis 22:14 ပူးပေါင်းရင်းမြစ်များ

San Juan 10:7

Auki nanti tatityo ɨmoma: “Axɨna sukanañɨ aume: Axɨñɨ tyuruxɨñɨ ñome nobixhaka.

San Juan 10:9

Axɨñɨ tyuruxɨñɨ ɨmo napes: axɨna nobixhax sɨrotɨpo auki axɨna tyurux, moximiakana tato nomɨnantɨ uixh. Sɨrotɨpo, sɨrotɨ tatityo tyɨrɨpo, taikiana atabɨ uixh utuburiboti.

San Juan 14:15

“Axtɨ isuasɨrɨka aume, apikokokio axɨba nixhakɨpuku.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 4:12

Axɨmanu kusɨrɨbo tɨkañe Jacob onkono uixh suiñemo axɨna paurux, aukina tɨkañe tyone chabo tux yochepe axɨba naɨtaiki axɨbaityo niyabux numukianka. ¿Ensapɨ axɨkɨ taruku nɨriaka pɨnanaki?

1 Corintios 7:19

Axɨmanu circuncición champɨ yaserebikixh, axɨna nixhantɨmoti Tupax ta nauki uikokorio yakɨpukuxti.

1 Corintios 8:9

Amasasai nuxia aɨbu axɨna apisamute tapɨ uixh tapenekoma axɨbama apekiatai ñakokonaunkuxɨma.

1 Corintios 9:5

Nauki anentyo paɨx suisiu axɨna ikokoroti Jesús, sane takana makiataka axɨbama apóstoles, axɨbamaintyo yarukityoxti Yɨriabux Jesús, axtityo Cefas.

Gálatas 5:6

Chapie ɨmoti Cristo Jesús, chauki champɨki nɨmoche axtɨ circuncidabo oñɨ o champɨ. Axɨna ane nɨmoche tyone axɨna numakokonaunku, axɨna numakokonaunku axtɨ uisamute tyaku makiataka.

1 Juan 3:3

Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.

1 Juan 5:3

Axɨna nikuasɨrɨkɨxti Tupax oemo, uityusiankata axtɨ uikokokio yakɨpukuxti, axɨmanio yakɨpukuxti chupumianenepɨ.

Apocalipsis 2:7

¡Axti naki ane uiche onsapeti, tari onsaperati axɨna nuraxti Espíritu Santo ɨmo namanaiña axɨbama ikokoromañɨ! Ɨmoma axɨbama chɨtapenekopɨma oboi makokotoka chiñokotapɨmaintyo ñakokonaunkuxɨma iñemo, basoma sobi nɨta axɨmanu soes bachebo sɨborikixh, axɨna ane au Paraíso esati Tupax.’

Apocalipsis 21:12

Tyupeku axɨmanio poka, ane naxipox sɨrɨmanax, petaisɨrɨ, abe doce tyuruka ɨmo, abeu nanaiña tyuruka anati taikiana tamanti ángel. Yokɨtɨpɨ axɨmanio tyuruka ane korobo taman nɨrixhimia axɨmanuma doce aɨtoxti Israel.

Apocalipsis 21:27

Chiyebopɨ ñana akamanu ui axɨna chuxiampɨ ɨmoti Tupax. Chiyebopɨ ñana uimia axɨbama manaunuma ɨmo matupaka nisamuku mañoñɨnka. Kunauntañamantai axɨbama ane korobo nɨrixhimia iku axɨmanu kichonimiakax ui Nobixhax.

Apocalipsis 22:2

Axɨmanu tux osɨro kɨmuintyaki axɨmanu kutubiux axɨpekuki axɨmanio poka. Au axɨmanio tox nabeu axɨmanu nusɨrux abe soeka taikiana taman nobɨtakax au panx, doce nobɨtakax au taman nasɨkɨbeka. Axɨmanio nobɨtax oboi ane sɨborikixh axɨna champɨ nityakɨrux, tapɨ axɨmanio nubasux uxia ɨmo nubatax ñome noxokoka iku axɨna kɨx.

Apocalipsis 22:7

“¡Tɨsaimia ñana isetɨ tato! ¡Taruku ñana nipukɨnunkuxti naki ikokotati axɨna uxia manityakax ui noñemaxti Tupax axɨna ane korobo iku axɨna kichonimiakax!”

Apocalipsis 7:14

“Tusiu aemo axɨkɨ yɨriabux”, iñumuta nuraxti. Auki nanti iñemo: “Tyonema axɨbama chɨkoiñopɨma ui axɨmanu tɨkañe taruku nityakisɨrɨkɨxɨma iku kɨx, axɨbama ipunusumiankatama naibixhimia ui noto axɨmanu Nobixhax.