Apocalipsis 19:19 - Manityanati Tupax

¹⁹ Yasakatɨ ɨmo axɨmanu numukianx chepema axɨmanuma mayɨriabuka ikuki axɨna kɨx aɨbu nesaxɨma ejército, iyoberabaramakɨ nauki aimia aɨbuti maniki anati chaku kabayux aɨbumaintyo axɨmanuma aboma chepeti.

Manitanati Tuparrü

¹⁹ Yasacatito ümo manu numuquianrrü uiche aiyoberabarama bama mayüriabuca icuqui cürrü aübu nanaiña nesarrüma ejército, nauqui ahimia aübuti maniqui anati chacu manu purusubi cabayurrü (tonenti Cristo) y aübu bama aboma ichepeti.

Apocalipsis 19:19 ပူးပေါင်းရင်းမြစ်များ

Apocalipsis 11:7

Axtɨ tiñatai tyakɨru aɨbu axɨmanu nixhakɨpuku ɨmoma uraboimia, axɨmanu yarusɨrɨx numukianx kuatɨ auki axɨmanu kɨtubixh tomikianene baiyo aɨbuma, auki koiñoma uixh.

Apocalipsis 14:9

Auki axti kiatax ángel, nanti aɨbu nityosibixhti: “Axtɨ anati naki manaunuti ɨmo axɨmanu numukianx ɨmointyo nausɨpɨtux, axtɨ chebo uiti aɨro uixh nikorox ikutama okɨtɨpɨ ne'esti,

Apocalipsis 16:14

Tyonema nausɨpɨ machoboreka, masamunuma axɨba champɨ tu bastai sɨromatɨ aiyoberabarama mayɨriabuka ikuki nanaiña kɨx ɨmo baikixh au axɨmanu yarusɨrɨx nanenes ñana ensɨmunu uiti Tupax axti naki champɨ takanache nɨriakaxti.

Apocalipsis 16:16

Axɨmanuma machoboreka oberabarama uimia mayɨriabuka kauta axɨmanu nɨrixh auki hebreo Harmagedón. (auki besɨro nɨrixh yirityux kauta sɨrɨmana kanka)

Apocalipsis 18:9

Axtɨ Babilonia omo taruku nisuchekixhimia ñana mayɨriabuka ikuki axɨna kɨx areoroma tyaku. Axɨmanuma mayɨriabuka takana Babilonia, manaunuma ɨmoma axɨbama matupaka nisamuku mañoñɨnka sɨborikoma aɨbu taruku nenaxixhimia.

Apocalipsis 19:21

Tapɨ axɨmanuma makiataka koiñoma ui axɨmanu kɨses kuatɨ aikiti maniki anati chaku kabayux purusubí, nanaiña axɨmanio paxupakikia ubabeko nuxia ui nañetuxɨma.