Apocalipsis 18:21 - Manityanati Tupax

²¹ Auki tamanti ángel naki taruku nikusɨuxti, ikiampetati taman kanx, sɨrɨmanax takana taman tarapicha, yarutaɨbutati au narubaityu tux nanti: “Sane iyaruraɨburumakɨ ñana, axɨkɨ yarusɨrɨx Babilonia, chanantopɨ tato ñana asaramakɨ.

Manitanati Tuparrü

²¹ Auqui tamanti ángel naqui tarucu nicusüurrti, iquiampetati taman canrrü sürümanarrü isiu naca batubarrichorrü canrrü. Yarutaübutati au narubaitu turrü, nanti sane: —Sane ito botaboiqui arrümanu pueblurrü Babilonia, tacana arrüna canrrü botabo sobi, chanantopü anen tato,

Apocalipsis 18:21 ပူးပေါင်းရင်းမြစ်များ

Apocalipsis 10:1

Auki yasakatɨ ɨmoti kiatax ángel taruku nɨriakaxti, kuatati auki napes eana taman kɨsaɨbox. Ane taman nixhixh onɨ nityanuxti, nisuxti kuara takana sux nityapaxti takana nompakɨoka pes nubakax.

Apocalipsis 12:8

axɨma chiyebopɨ uimia axɨmanu nixhantɨmoma, auki chicheboikipɨ ɨmoma nauki sɨsioma au napes.

Apocalipsis 16:20

Nanaiña yirityuka kɨmuintya tux omensoro nanaiñaintyo pikiataka yirityuka,

Apocalipsis 18:10

Ui nixhukuxɨma tapɨ takisɨrɨmaintyo chepe, sɨsioma ñana icheeñantai namatɨ sane: “¡Atakisɨrɨkatai, atakisɨrɨkatai, atakisɨrɨkatai yarusɨrɨx Babilonia, axɨkɨ taruku nɨriaka! Tyopiki takana axtɨ aposikiatai manityomokonoti Tupax aemo.”

Apocalipsis 18:22

Chanantopɨ rabotɨ tato yusiu nakutubiu sonixh aɨbu arpa, aɨbu buxikia, chanantopɨ aboma tato mañoñɨnka axɨbama sɨrɨmanatai yachɨkoimia, chɨrabopɨtɨkityo ñana auna batubaxikixh.

Apocalipsis 20:11

Auki yastai taman yarusɨrɨx nityɨmoxti Yɨriabux purusubi, axtityo maniki tɨmonsoti iku. Sukarɨti kaɨma omensoro kɨx chepe napes, chanantopɨ anati astaiti tato.

Apocalipsis 5:2

Auki yasakatityo ɨmoti taman ángel taruku nɨriakaxti ñankitioti ui rabotɨ nuxia nityosibixhti: “¿Ñakuti naki koñotɨ ɨmoti aiyaɨbuti axɨmanu kichonimiakax kiñoeno aikiompɨnatityo axɨmanio nityomoentox?”