Apocalipsis 18:14 - Manityanati Tupax

¹⁴ Auki namatityo ɨmo Babilonia: “¡Champɨki nenaxi axɨba taruku nuniñakax aemo. Ɨmo nanaiña naskɨbeka ensoro apɨnanakikɨ nanaiña nakoñopo yochepe nenaxi!”

Manitanati Tuparrü

¹⁴ Auqui manu pueblurrü ensoro ito pünanaquimia nanaiña nobüta sueca arrüba tarucapae nirrancarrüma macrirrtianuca ñome. Nanaiña arrüba omirriantai y arrüba bucuara omiñarrio. Chanantopü abe tato au manu pueblurrü.

Apocalipsis 18:14 ပူးပေါင်းရင်းမြစ်များ

San Mateo 11:8

Axtɨ chɨsanempɨ, ¿isane abakatɨ amasarai? ¿Tamanti ñoñɨnx omixhampae naibixhti? Axaño tusiu aume axɨbama omixhia naibixhimia naneneka nipukɨnunkuxɨma, po'osoma au nipo mayɨriabuka.

San Lucas 12:20

Tapɨti Tupax nanti ɨmoti: ‘Chaipiakapɨ, axɨna tobixh kaɨma tyakɨrux nasɨboriki, axɨmanu aɨburu obi, ¿ñakutipɨ ɨmoche?’

San Lucas 16:25

Tapɨti Abraham aiñumuti: ‘Isaɨ, akionsɨ tɨkañe naukiche asɨborikiaiki chauki tɨtoxio aemo enaxibokɨ, tapɨti Lázaro toxio ɨmoti nityakisɨrɨkɨxti. Axti kaɨma auna yasutiuti ipukɨnunkubuti, tapɨ axɨkɨ atakisɨrɨkɨbokɨ.

1 Corintios 10:6

Nanaiña axɨna sane uxiante ɨmo machepekatax oemo, tapɨ uisamute axɨba chomixhampɨ takana axɨma isamutema.

Santiago 4:2

Taruku nauxianka ɨmo axɨna champɨ aboi auxianka nanaiñantai ane aboi, axtɨ chiyebopɨ aboi, sane naukiche apaikia, apatabaikia apapacheka nikiubu año nauki ane yarusɨrɨx chɨrɨri. Chiyebopɨ aboi axɨna nauxiantɨmo tyopiki chapankikiapɨ pɨnanakiti Tupax.

Apocalipsis 18:13

Abe pikiataka nikiakaxɨma canela, axɨba uxiantai noborixh. Incienso, axɨna uxiantai norixh, aceite, vino, tubaxixh, trigo, buyeka, nobixhaka, kabayuka, karetonka, mañoñɨnkaityo pabenteoma nauki kumanakaxɨma ɨmo makiataka chepetyo axɨbama enoma auki niyaikixhimia aɨbu nikomesɨma.

Apocalipsis 18:15

Axɨmanuma mapabentekanama axɨmanio sane iyebo uimia ane taruku nenaxixhimia auki Babilonia, sɨsioma ñana icheatai ui nixhukuxɨma, ñɨnana nityakisɨrɨkɨxɨma, aɨbu nareoxɨma ui nisuchekixhimia,