Apocalipsis 17:5 - Manityanati Tupax

⁵ Anentyo korobo ikuta axɨmanu champɨti tusiu ɨmoti isane nantɨ: “Yarusɨrɨx Babilonia, niyupapa nanaiña axɨba chuxiampɨ niyosɨborikixh nanaiñaintyo axɨba nomɨnantɨ iku kɨx.”

Manitanati Tuparrü

⁵ Ane ito corobo icuta arrümanu champüti atusi ümoti Nürirri, nantü sane: “Yarusürürrü Babilonia”. Ui na paürrü ipiacama bama macrirrtianuca icu cürrü avivimia tacana numuquianca y nauqui anauma ümo bama masantuca.

Apocalipsis 17:5 ပူးပေါင်းရင်းမြစ်များ

Filipenses 3:19

Namanaiña axɨmanuma sane nisɨborikixhimia sɨromatɨ ñana au infierno. Sɨborikoma nauki a'amantai, taruku nipukɨnunkuxɨma oboi axɨba isamutema, abo oboipɨ taruku nikɨsoxɨma. Kunauntaña ñakionkoxɨma yubapa axɨba chomixhampɨ ikuki axɨna kɨx.

2 Tesalonicenses 2:7

Tyopiki axɨmanu anekanatai nomɨnantɨ nixhantɨmoti aisamunenti tɨtanati aɨbu. Chɨkaɨburutikipɨ auki kɨmuintya maniki uiche chichebopɨ aityusiankanɨ.

Apocalipsis 1:20

Sobi suraboi asukarɨkɨ axɨna ananka anekana isane nɨmoche axɨmanio siete nostoñeka asakio abe au nepanaunku niñee, axɨmaniointyo siete kantreruka omixhante ui oro: axɨmanio siete nostoñeka, ta tyonema axɨbama ángeles auki axɨmanio siete kauta aboma axɨbama ikokoromañɨ, tapɨ axɨmanio siete kantreruka, ta tyoneio axɨmanio kauta aboma axɨbama ikokoromañɨ.

Apocalipsis 11:8

Nikɨtɨpɨxɨma sɨsio akɨ yusiu kutubiuka axɨpeku axɨmanio poka kauta aityabairomati Yɨriabux tɨkañe naukiche ityakubaxiromati kɨtɨpɨ kurusɨx. Mañoñɨnka ichepekatama nobɨrixh axɨmanio poka aɨbu Sodoma chepe Egipto.

Apocalipsis 14:8

Axti kiatax ángel, nanti: “¡Tɨtaɨbɨko, tɨtaɨbɨko axɨmanu yarusɨrɨx Babilonia, axɨna manunekana ɨmo namanaiña axɨbama po'osoma iku axɨna kɨx aisamunema nomɨnantɨ nauki anaumaintyo ɨmo matupaka nisamuku mañoñɨnka!”

Apocalipsis 16:19

Axɨmanu kauta sɨrɨmana poka chepetobo trex auki, axɨmanio pikiataka kauta sɨrɨmana poka iku axɨna kɨx butaɨbɨko. Axti Tupax akionotiyɨ iyo axɨmanu yarusɨrɨx kauta sɨrɨmana poka nɨrixh Babilonia, nauki taruku nityakisɨrɨkɨx ui axɨmanu nityɨborixhti.

Apocalipsis 17:1

Auki tamanti axɨpekukimia axɨmanuma siete ángeles ane mekuma axɨmanio siete taropeka, kuatati yesañɨ nanti iñemo: “Ariaku, ityusiankana asukarɨkɨ ityakisɨrɨkɨbo axɨmanu paɨx chuxiampɨ nisɨborikixh axɨmanu ane tɨmonso ubabeu sɨrɨmana nusɨruka.

Apocalipsis 17:2

Axɨmanuma mayɨriabuka ikuki kɨx iyoberabaramakɨ ichepe nauki anauma ɨmo axɨmanuma matupaka nisamuku mañoñɨnka, saneityo isamutema makiataka ikuki nanaiña kɨx orisɨbaboma ui axɨmanu chuxiampɨ niñachamatax.”

Apocalipsis 17:7

Auki nanti maniki ángel iñemo: “¿Kausane akɨtobɨ? Suraboira asukarɨkɨ isane nixhantɨmo nantɨ axɨna astai. Suraboira asukarɨkɨ ñakusane axɨmanu paɨx, ñakusaneityo axɨmanu yarusɨrɨx numukianx abe siete nityanux chepe diez nityapakɨx axɨna chakuche ane.

Apocalipsis 18:2

Taruku nikɨpura nityosibixhti: “¡Tɨtaɨbɨko, tɨtaɨbɨko axɨmanu yarusɨrɨx Babilonia! ¡Tyone kaɨma nipo machoboreka, ñatanekasaxɨma arukinanaiñantai machoboreka, niñosemenu nutaumanka axɨba chomixhampɨ numukianka axɨba chuxiampɨ ubario!

Apocalipsis 18:21

Auki tamanti ángel naki taruku nikusɨuxti, ikiampetati taman kanx, sɨrɨmanax takana taman tarapicha, yarutaɨbutati au narubaityu tux nanti: “Sane iyaruraɨburumakɨ ñana, axɨkɨ yarusɨrɨx Babilonia, chanantopɨ tato ñana asaramakɨ.

Apocalipsis 19:2

Tyopiki axti besɨro ñapanaunkuxti isiuki axɨna ñemanauntu nuraxti. Tyopiki takisɨrɨ uiti axɨmanu yarusɨrɨx Babilonia ui axɨna chuxiampɨ nisɨborikixh mameso nisɨborikixhimia mañoñɨnka ikuki axɨna kɨx. Takisɨrɨ uiti Tupax tyopiki koiñoma uixh axɨbama baserebioma ɨmoti.”

Apocalipsis 7:3

“¡Tapɨ ane kausane aboi ɨmo kɨx ɨmo narubaityu tux ñomentyo soeka, chepe axtɨ tɨkorobo osoi ikutama nɨrixhimia axɨbama aɨtoxti Tupax!”