Apocalipsis 17:3 - Manityanati Tupax

³ Auki au axɨmanuinki yastai uiti Espíritu, axti maniki ángel ikianatiñɨ kauta axɨmanu champɨti po'oso. Akamanu yastai taman paɨx, ane tɨmonso chaku taman yarusɨrɨx numukianx kɨturiki. Abe bokorobo kɨtɨpɨ axɨba chomixhampɨ nuburax ɨmoti Tupax abe siete nityanux diez nityapakɨx.

Manitanati Tuparrü

³ Arrti ángel auqui quiatarrü niyasata iquianatiñü au narubaitu rroense. Acamanu yasacatü ümo taman paürrü, ane tümonso chacu taman numuquianrrü cüturiqui. Abe nicororrü icütüpü manu numuquianrrü, churriampatai nuburarrü ümoti Tuparrü. Abe siete nitanurrü y diez nitapacürrü.

Apocalipsis 17:3 ပူးပေါင်းရင်းမြစ်များ

San Mateo 27:28

Kaɨburu uimia naibixhti, sɨro uimia aibiboti kɨturiki

Hechos 8:39

Naukiche tɨsɨromatɨ tato tyairityu eanaki tux, axti Felipe sɨrotitɨ uiti Espíritu Santo, tapɨti maniki yɨriabux chasaratipɨ tato. Auki sɨrotitityo aɨbu nipukɨnunkuxti.

2 Tesalonicenses 2:4

Axti maniki ñoñɨnx chuxiampɨ uiti ɨmoti Tupax ɨmointyo nanaiña axɨna samamekana ɨmoti Tupax. Ui nunkuxti, iñatatityo nityɨmoxti au nipo meankax ɨmoti Tupax, nantityo ñana ta tyonenti naki Tupax.

Apocalipsis 1:10

Akamanu au axɨmanu tɨkañe nanenes ɨmoti Tupax, kiatax nisɨboriki (ane sɨtɨpɨñɨ noñemaxti Espíritu Santo). Auki ñonkoi chakuñɨ tato taman tosibixh tarukapae nikusɨux, takana nipuku buxixh.

Apocalipsis 12:14

Tapɨ axɨmanu paɨx botoxio ɨmo tox posɨrɨmanaka nipia nutamonxixh, nauki aso aɨrotɨ kauta ananka kauta champɨ sɨborikixh, iche pɨnanaki axɨmanu noixhobox, kauta asaramatɨ tyaku ñome trex naskɨbeka kɨmuintya pɨrɨkɨ.

Apocalipsis 12:3

Auki tusiuityo iku napes kiatax numukianx taruku niyarusɨrɨkɨx: kuatɨ axɨmanu yarusɨrɨx noixhobox kɨturiki abe siete nityanux, diez nityapakɨx anentyo nityanux itya.

Apocalipsis 12:6

Auki axɨmanu paɨx besɨburu kauta axɨna champɨti po'oso, akamanu axti Tupax koñokono uiti kauta asapanema ñome axɨmanio mil doscientos sesenta naneneka.

Apocalipsis 17:18

Axɨmanu astai paɨx tyone axɨmanu yarusɨrɨx kauta sɨrɨmana poka, axɨma makokonauma ɨmo namanaiña mayɨriabuka ikuki axɨna kɨx.”

Apocalipsis 17:4

Axɨmanu paɨx ane kɨtɨpɨ naibixh kɨturiki, koñokono ui oro, yupu kanka omixhantai nikorox oboityo kanka bupurusubi. Ane meku taman taropes uxiante ui oro ataso ui vino axɨmanu vino tyone axɨba ausɨratai chuxiampɨ isamute manaunu ɨmo matupaka nisamuku mañoñɨnka.

Apocalipsis 18:12

oro, plata, omixhiantai kamanka, kamanka bupurusubi, pinu korteka kɨturiki niyokorox omixhante ui seda, nanaiñantai soeka axɨba uxiantai noborixh. Axɨba ausɨratai omixhante ui mármol, ui marfil, ui bronce, ui yerux.

Apocalipsis 18:16

auki namatɨ: “¡Atakisɨrɨkatai, atakisɨrɨkatai yarusɨrɨx Babilonia! Chiyaupɨ nikoñokoko naibi, aɨbu naibi kɨturiki, koñokono ui oro, oboi kanka bupurusubi oboityo kanka ausɨratai niyokorox.

Apocalipsis 21:10

Auki axɨmanu yastai uiti Espíritu Santo, axti maniki ángel ikianatiñɨ esa axɨmanu sɨrɨmanax yirityux petaisɨrɨ, ityusiankatati sukarɨñɨ axɨmanu yarusɨrɨx kauta sɨrɨmana poka champɨ nomɨnantɨ kɨtɨpɨ Jerusalén, kuatɨ akɨ auki napes esakiti Tupax.

Apocalipsis 4:2

Isiukai sɨro sɨtɨpɨñɨ noñemaxti Espíritu Santo, yastai taman nityɨmoxti Yɨriabux au napes, anati maniki tɨmonsoti iku axɨmanu tɨmox.