Apocalipsis 17:14 - Manityanati Tupax

¹⁴ Auki ñana axɨmanu numukianx chepe axɨmanuma diez mayɨriabuka baiyoma aɨbu Nobixhax, tapɨ axɨmanu Nobixhax chepema axɨmanuma aboma isiu tapenekoma uimia. Tyopiki axɨmanu Nobixhax Nɨriabux ɨmo mayɨriabuka.”

Manitanati Tuparrü

¹⁴ Bahiyoma aübu Nobirrama, naqui Cristo, pero macananati ümoma, itopiqui tonenti Señor ümo bama señorerrü icu cürrü y tonentito yüriaburrti ümo bama mayüriabuca icu cürrü. Aboma ichepeti bama tasuruma uiti, bama tacümanauncunuma uiti. Tonema bama chiñocotapüma ñacoconauncurrüma ümoti.

Apocalipsis 17:14 ပူးပေါင်းရင်းမြစ်များ

San Mateo 22:14

Tyopiki sɨrɨmanama axɨbama tasuru, mɨmanamantai axɨbama samamekanama.”

San Mateo 25:40

Axti yɨriabux iñumutati ñana nabura: ‘Ñemanauntu sukanañɨ aume nanaiña axɨna apisamute tɨkañe ɨmo axɨbama isarukityaiki takisɨrɨmantai, iñemo apisamute.’

San Mateo 28:18

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

Romanos 1:6

Axɨpekuma abakaityo axaño, ityasuruti año nauki amenotɨ isiuti Jesucristo.

Romanos 8:30

Axɨbama samamekanama uiti Tupax aukiapae tɨkañe, batasurutityo ɨmoma. Axɨmanuma batasuruti ɨmoma, uiti uxia nisɨborikixhimia, toxio uiti ɨmoma aɨromatɨ tyupekuti au napes.

Romanos 8:37

Au nanaiña axɨba sane, champɨ kausane oemo asaratitɨ utaku naki taruku nukuasɨrɨkɨ ɨmoti.

1 Corintios 15:24

Auki kaɨma kuatɨ nityakɨrux, axtɨ tɨtapeneko akɨ uiti Cristo nanaiña nɨriakax iku axɨna kɨx, auki ityoximiatati nɨriakax ɨmoti Tupax naki Yaɨtoti.

1 Timoteo 6:15

Au axɨmanu nanenes ñana ɨriotɨ uiti, axti Tupax isamutenti nanaiña axɨna sane, tyopiki tyonenti naki kunauntañati chiyaupityo niyarusɨrɨkɨxti Yɨriabuxti ɨmo mayɨriabuka.

2 Timoteo 2:4

Axti naki sortabox baserebioti champɨ nɨmoche uiti nisɨborikixhimia makiataka, nauki uxia nastaxti ɨmoti naki ɨriatuxti.

1 Pedro 2:9

Axaño tyonema axɨbama aɨtoxti Tupax samamekana año uiti, sacerdote año nauki apaserebi ɨmoti Yɨriabux, axɨbama champɨ nipɨnatema, axɨbama kaɨburuma uiti Tupax eanaki nomɨnantɨ. Axɨna sane ta nauki aburaboi axɨba champɨ tu bastai nisamukuxti Tupax, nauki aye aboi kauta taruku nanentakax esati.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

Apocalipsis 11:7

Axtɨ tiñatai tyakɨru aɨbu axɨmanu nixhakɨpuku ɨmoma uraboimia, axɨmanu yarusɨrɨx numukianx kuatɨ auki axɨmanu kɨtubixh tomikianene baiyo aɨbuma, auki koiñoma uixh.

Apocalipsis 16:14

Tyonema nausɨpɨ machoboreka, masamunuma axɨba champɨ tu bastai sɨromatɨ aiyoberabarama mayɨriabuka ikuki nanaiña kɨx ɨmo baikixh au axɨmanu yarusɨrɨx nanenes ñana ensɨmunu uiti Tupax axti naki champɨ takanache nɨriakaxti.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.

Apocalipsis 3:21

Axɨbama chɨtapenekopɨma aboma ñana chepeñɨ kauta niyaka aɨbu nisɨriaka, sane takana axɨñɨ chichapenekapɨ auki ichɨmoka chepeti Iyaɨ kauta nityɨmo nɨriakaxti.