Apocalipsis 16:19 - Manityanati Tupax

¹⁹ Axɨmanu kauta sɨrɨmana poka chepetobo trex auki, axɨmanio pikiataka kauta sɨrɨmana poka iku axɨna kɨx butaɨbɨko. Axti Tupax akionotiyɨ iyo axɨmanu yarusɨrɨx kauta sɨrɨmana poka nɨrixh Babilonia, nauki taruku nityakisɨrɨkɨx ui axɨmanu nityɨborixhti.

Manitanati Tuparrü

¹⁹ Chepetobo cürrü au manu sürümanarrü pueblurrü, trerrü nichepesüturrü. Omiñarrito arrüba piquiataca puebluca icu cürrü. Arrti Tuparrü aquionotiyü iyo manu yarusürürrü pueblurrü, nürirri Babilonia. Rranrrti acheti carrticurrü ümo, itopiqui tüboricoti ümo.

Apocalipsis 16:19 ပူးပေါင်းရင်းမြစ်များ

Apocalipsis 11:8

Nikɨtɨpɨxɨma sɨsio akɨ yusiu kutubiuka axɨpeku axɨmanio poka kauta aityabairomati Yɨriabux tɨkañe naukiche ityakubaxiromati kɨtɨpɨ kurusɨx. Mañoñɨnka ichepekatama nobɨrixh axɨmanio poka aɨbu Sodoma chepe Egipto.

Apocalipsis 17:1

Auki tamanti axɨpekukimia axɨmanuma siete ángeles ane mekuma axɨmanio siete taropeka, kuatati yesañɨ nanti iñemo: “Ariaku, ityusiankana asukarɨkɨ ityakisɨrɨkɨbo axɨmanu paɨx chuxiampɨ nisɨborikixh axɨmanu ane tɨmonso ubabeu sɨrɨmana nusɨruka.

Apocalipsis 17:18

Axɨmanu astai paɨx tyone axɨmanu yarusɨrɨx kauta sɨrɨmana poka, axɨma makokonauma ɨmo namanaiña mayɨriabuka ikuki axɨna kɨx.”

Apocalipsis 17:5

Anentyo korobo ikuta axɨmanu champɨti tusiu ɨmoti isane nantɨ: “Yarusɨrɨx Babilonia, niyupapa nanaiña axɨba chuxiampɨ niyosɨborikixh nanaiñaintyo axɨba nomɨnantɨ iku kɨx.”

Apocalipsis 18:10

Ui nixhukuxɨma tapɨ takisɨrɨmaintyo chepe, sɨsioma ñana icheeñantai namatɨ sane: “¡Atakisɨrɨkatai, atakisɨrɨkatai, atakisɨrɨkatai yarusɨrɨx Babilonia, axɨkɨ taruku nɨriaka! Tyopiki takana axtɨ aposikiatai manityomokonoti Tupax aemo.”

Apocalipsis 18:2

Taruku nikɨpura nityosibixhti: “¡Tɨtaɨbɨko, tɨtaɨbɨko axɨmanu yarusɨrɨx Babilonia! ¡Tyone kaɨma nipo machoboreka, ñatanekasaxɨma arukinanaiñantai machoboreka, niñosemenu nutaumanka axɨba chomixhampɨ numukianka axɨba chuxiampɨ ubario!

Apocalipsis 18:21

Auki tamanti ángel naki taruku nikusɨuxti, ikiampetati taman kanx, sɨrɨmanax takana taman tarapicha, yarutaɨbutati au narubaityu tux nanti: “Sane iyaruraɨburumakɨ ñana, axɨkɨ yarusɨrɨx Babilonia, chanantopɨ tato ñana asaramakɨ.

Apocalipsis 18:5

Tyopiki axɨmanu nomɨnantɨ uimia tixhanx aiñanai iku napes, axti Tupax chɨtakɨrusupɨ ñakionkoxti iyo axɨba nipɨnatema.