Apocalipsis 16:10 - Manityanati Tupax

¹⁰ Axti maniki kiatax ángel iyarapatati nichapoxti onɨ nityɨmo axɨmanu numukianx, axɨmanu kauta naka nɨriakax sɨsio au tomikianene. Namanaiña mañoñɨnka osityoimia nutuxɨma ui noxokox ɨmoma.

Manitanati Tuparrü

¹⁰ Auqui arrti maniqui quinto ángel iyarapatatito auqui nesarrti vasorrü onü manu tronorrü nesa manu numuquianrrü. Tomiquianene ümo macrirrtianuca icu cürrü, ümo bama aboma iquiana nüriaca manu numuquianrrü. Ositoimia nuturrüma ui norroco carrticurrü ümoma.

Apocalipsis 16:10 ပူးပေါင်းရင်းမြစ်များ

San Mateo 13:42

Sɨroma ñana uimia au taman horno aɨbu pes, auki kaɨma kuatɨ nareoxɨma ichepe nisuchekixhimia.

San Mateo 13:50

axɨbama chuxiampɨ nisɨborikixhimia sɨroma uimia oto pes. Auki kaɨma areoroma aɨbu nisuchekixhimia.”

San Mateo 22:13

Auki axti maniki yɨriabux nanti ɨmo axɨmanuma basaparama: ‘Apityomoensio nipopesti yochepe ne'esti apipenesoti tyɨrɨpo ɨmo tomikianene. Auki kuantio nareokox ichepe suchekixh.’

San Mateo 24:51

auki toxio uiti ityakisɨrɨkɨboti, takana axɨbama chɨsamutempɨma axɨna nuraxɨma. Auki kaɨma kuantio nareokox ichepe suchekixh.

San Mateo 8:12

tapɨ axɨbama ikonomoche axɨmanu nɨriakax au napes, penekoma ñana tyɨrɨpo au tomikianene. Auki kaɨma kuatɨ nareokox ichepe suchekixh.

San Lucas 13:28

Auki kaɨma kuantio nareokox ichepe suchekixh, axtɨ amasakati Abraham, axti Isaac, chepeti Jacob namanañaintyo axɨbama profetas aboma au nɨriakaxti Tupax, tapɨ axaño aupeneka tyɨrɨpo.

1 Pedro 2:17

Apiña napanaunku ɨmo namanaiña. Tari akuasɨrɨma aume axɨbama ikokoromati Jesús, apanau ɨmoti Tupax, apiñaintyo napanaunku ɨmoti yɨriabux auki Roma.

Apocalipsis 11:10

Axɨbama po'osoma iku axɨna kɨx pukɨnuñama ñana ui nikonkoxɨma. Ui nipukɨnunkuxɨma makumananama ɨmomantoe, tyopiki axɨmanuma toxɨma urapoimia noñemaxti Tupax, au ñakionkoxɨma taruku nityakisɨrɨkɨxɨma uimia.

Apocalipsis 11:2

Tapɨ aimeninakata axɨmanu nikorerox kɨmenu auki tyɨrɨpo, tyopiki tɨtoxio ɨmoma axɨbama chikokoropɨmañɨ, axɨbama ikɨmotema ñana onɨ Jerusalén ñome cuarenta y tox panka.

Apocalipsis 11:8

Nikɨtɨpɨxɨma sɨsio akɨ yusiu kutubiuka axɨpeku axɨmanio poka kauta aityabairomati Yɨriabux tɨkañe naukiche ityakubaxiromati kɨtɨpɨ kurusɨx. Mañoñɨnka ichepekatama nobɨrixh axɨmanio poka aɨbu Sodoma chepe Egipto.

Apocalipsis 17:17

Axti Tupax chebo uiti nauki axɨmanuma diez mayɨriabuka aisamunema axɨna tyone tɨkañe nixhankaxti aisamunenti. Uiti chepe ñakionkoxɨma nauki aityoximiama nɨriakaxɨma ɨmo axɨmanu numukianx. Ikokotama ñana nɨriaka axɨmanu numukianx chepe axtɨ tomixhante nanaiña axɨmanio nixhantɨmoti Tupax aisamunenti.

Apocalipsis 17:9

“Auna ñana atusiti naki mapanaunxti: Axɨmanio siete tanuka tyoneio axɨmanio siete yirityuka omonɨche axɨmanu paɨx ane tɨmonso. Axɨmanio tanuka, tyoneintyo axɨmanuma siete mayɨriabuka.

Apocalipsis 18:2

Taruku nikɨpura nityosibixhti: “¡Tɨtaɨbɨko, tɨtaɨbɨko axɨmanu yarusɨrɨx Babilonia! ¡Tyone kaɨma nipo machoboreka, ñatanekasaxɨma arukinanaiñantai machoboreka, niñosemenu nutaumanka axɨba chomixhampɨ numukianka axɨba chuxiampɨ ubario!

Apocalipsis 18:21

Auki tamanti ángel naki taruku nikusɨuxti, ikiampetati taman kanx, sɨrɨmanax takana taman tarapicha, yarutaɨbutati au narubaityu tux nanti: “Sane iyaruraɨburumakɨ ñana, axɨkɨ yarusɨrɨx Babilonia, chanantopɨ tato ñana asaramakɨ.

Apocalipsis 18:23

Chanantopɨ anentax auna ui basarux, chɨrabotɨpityo pukɨnunkux oboi tɨbɨbɨka. Tyopiki axɨbama mapabentekana nenaxixhimia tɨkañe aukina taruku nɨriakaxɨma iku axɨna kɨx, atachemakakaityo ɨmo namanaiña ui napichara.”

Apocalipsis 8:12

Axti maniki kiatax ángel ipunutati nibuxixhti, auki mameso kɨmuintya pɨrɨkɨ nikɨmuintya sux, kɨmuintya pɨrɨkɨ nikɨmuintya panx kɨmuintya pɨrɨkɨ nikɨmuintya nostoñeka. Sane naukiche kɨmuintya pɨrɨkɨ niñokɨmuintyax sɨsio tomikianene, chɨbukuarapɨ kɨmuintya pɨrɨkɨ nikɨmuintya sapes chepe tobixh.

Apocalipsis 9:2

Naukiche axɨmanu nostoñes iyaɨbuta axɨmanu kɨtubixh, kuatɨ tanene nausixh takana auki yarusɨrɨxatoe horno. Ui axɨmanu nausixh auki axɨmanu kɨtubixh tabuxio nikua sux nanaiña makiɨtɨx.