Apocalipsis 14:7 - Manityanati Tupax

⁷ Nanti aɨbu nityosibixhti: “Apanau ɨmoti Tupax yarusɨrɨx nɨrixhti aboi, tyopiki tiñatai axɨmanu nanenes auche asaraiti nisɨboriki namanaiña. Apanau ɨmoti naki uiche aisamunenti kɨx chepe napes, narubaityu tux chepe nantaityuka.”

Manitanati Tuparrü

⁷ —Aupirru, apiñanaunrrti Tuparrü, itopiqui tiñatai manu horarrü nesa bacurrtacarrü. Apiñanaunrrti naqui uiche urriane napese, cürrü, narubaitu tuca y nanaiña nantaituca.

Apocalipsis 14:7 ပူးပေါင်းရင်းမြစ်များ

San Mateo 25:13

“Sɨsio año amastaikiatɨ–nantityo Jesús–, tyopiki chɨtusiupɨ aume isane nanenes o isane horax.

San Lucas 17:18

¿Kunauntañatiatai naki auki kiatax kɨx basɨkɨbɨkoti tato nauki achampienkati ɨmoti Tupax?

Hechos 14:15

–¿Kausane apisamune axɨna sane? Axɨsomɨ mañoñɨnkaityo somɨ takana axaño. Sobekatɨ nauki suburaboi ausukarɨ axɨna omixha manityakax, nauki apiñoko axɨna apisamute champɨ niyaserebikixh, nauki abetɨ tato esati Tupax naki sɨborikoti, naki uiche uxiane kɨx, napes, narubaityu tux ichepe nanaiña axɨna ane iku.

1 Pedro 4:7

Tɨsaimia nityakɨrux nanaiña axɨna sane. Sane naukiche besɨro nausɨboriki apiña nuxia nameanka.

Apocalipsis 11:13

Isiukai kaɨma paichokonono kɨx, ui axɨmanu nipiaichokonoko kɨx butaɨbɨko mɨmanantai aruki axɨmanio poka, auki koiñoma siete mil mañoñɨnka. Axɨmanuma sɨborikomainki, aɨbu nixhukuxɨma yarusɨrɨx nɨrixhti Tupax uimia, naki anati au napes.

Apocalipsis 11:18

Namanaiña axɨbama chikokoropɨmakɨ tɨborikoma aemo. Ta chauki tiñatai axɨna nanenes ɨmo natɨbori. auche ñana astai nisɨborikixhimia axɨbama tɨkoiñoma. ane ñana toxiobo obi ɨmoma axɨbama urapoimia nanityaka axɨbama champɨ nipɨnatema axɨbamaintyo manaunuma aemo, mayɨriabuka chepe masiomanka. Koiñoma obi axɨbama iñamesokotama axɨna kɨx.”

Apocalipsis 15:4

Champɨti naki chɨbixhubutipɨ aɨnanakɨ, Yɨriabux. Ui namanaiña yarusɨrɨx nɨri. Tyopiki kunauntañankɨ champɨ nomɨnantɨ obi. Namanaiña ikuki axɨna kɨx kuamatɨ ñana anauma aemo, tyopiki axɨba napanaunku tɨtusiu ɨmo namanaiña.”

Apocalipsis 16:9

Namanaiña kɨxubuma nuxia. Ta champɨti naki kuatati tato esati Tupax champɨtityo uxia nuraxti ɨmoti, ta manityanama axɨba chomixhampɨ ɨmoti Tupax, naki ane nɨriakaxti aityochenakati axɨmanio uiche tarukapae nityakisɨrɨkɨxɨma.

Apocalipsis 18:10

Ui nixhukuxɨma tapɨ takisɨrɨmaintyo chepe, sɨsioma ñana icheeñantai namatɨ sane: “¡Atakisɨrɨkatai, atakisɨrɨkatai, atakisɨrɨkatai yarusɨrɨx Babilonia, axɨkɨ taruku nɨriaka! Tyopiki takana axtɨ aposikiatai manityomokonoti Tupax aemo.”

Apocalipsis 18:17

¡Takana axtɨ aposikiatai takɨrusu nanaiña yarusɨrɨx nenaxi apɨnanakikɨ!” Namanaiña axɨmanuma mayɨriabuka ñome canoa axɨbama sɨromatɨ isuki narubaityu tux, namanaiña axɨbama mapabentekanama au narubaityu tux sɨsioma astayomatɨ ɨmo auki icheatai

Apocalipsis 18:19

Auki iñatama tɨbɨtɨx ityama, areoroma ui nisuchekixhimia, tosibikoma: “¡Atakisɨrɨkatai, atakisɨrɨkatai yarusɨrɨx Babilonia! Oboi nenaxixh taruku nenaxixhimia namanaiña axɨbama ane nesaxɨma canoa au narubaityu tux. ¡Takana axtɨ oposikiatai nanaiña iñaxio!”

Apocalipsis 19:5

Auki nityɨmoxti Yɨriabux rabotɨ taman tosibixh, nantɨ sane: “¡Apanau ɨmoti naki Tupax oemo namanaiña axaño mayɨriabuka chepe masiomanka, namanaiña axɨbama apaserebikia ɨmoti axɨbama apanaunka ɨmoti!”

Apocalipsis 4:11

“Axɨkɨ Yɨriabuxɨkɨ Tupaxɨkɨtyo suiñemo, koñotɨ aemo asuriu nanentakax, manaunkux chepe nɨriakax, tyopiki nasamuku nanaiña axɨba abe. Ui noñema omixhante uixhtyo abe.”

Apocalipsis 4:9

Axtɨ machampienkanama masonioma axɨmanuma cuatro ɨmoti maniki tɨmonsoti au nityɨmoxti, naki sɨborikoti ñome nanaiña naskɨbeka.

Apocalipsis 8:10

Axti maniki kiatax ángel ipunutati nibuxixhti, taman yarusɨrɨx nostoñes, omo takana taman basarux, pakio auki napes omonɨ kɨmuintya pɨrɨkɨ nikɨmuintya nusɨruka chepe nantaityuka.