Apocalipsis 12:1 - Manityanati Tupax

¹ Auki tusiu au napes axɨmanu tarukapae nityabaikixh: taman paɨx kiñoeno ui sux takana ui naibixh, aɨbu panx ñokiana nipopes ane nityarusɨx doce nostoñeka itya.

Manitanati Tuparrü

¹ Auqui yasacatü ümo quiatarrü yarusürürrü señarrü au napese. Itusiancanü ito taman paürrü, cüburrio ui nicua surrü, tacanarrtü naibirri. Ñoquiana nipopese ane pama. Ane ito ita taman tarusürrü, pururrü nostoñeca, doce nububiquirri.

Apocalipsis 12:1 ပူးပေါင်းရင်းမြစ်များ

San Mateo 12:38

Auki axɨmanuma fariseos ichepe axɨmanuma manunekanama bakɨpukux uiti Moisés namatɨ ɨmoti Jesús: –Maestro, suixhanka sumasarɨ aisamune axɨna champɨ tɨsubastai.

San Mateo 24:30

Auki tusiu au napes axɨna uiche atusiti Aɨtoxti ñoñɨnx, taruku nixhukuxɨma ñana namanaiña mañoñɨnka ikuki axɨna kɨx auki areoroma, asaramatɨ iñemo axɨñɨ Aɨtoxti ñoñɨnx isekatɨ omonɨ kɨsaɨboka auki napes, aɨbu yarusɨrɨx nɨriakaxti.

San Marcos 13:25

nostoñeka bupakio ñana auki napes nanaiña axɨba abe iku napes mupaichokonono.

San Lucas 21:11

Taruku nipiaichokonoko kɨx, champɨ ñana amutuburio anentyo noxokox au nanaiñantai, iku napes butusiu ñana axɨba ñɨnanache taruku napixhuku yarusɨrɨka axɨba oboiche atusi.

San Lucas 21:25

“Abe ñana axɨba oboiche atusi kɨtɨpɨ sux, ikɨtɨpɨ panx yokɨtɨpɨtyo nostoñeka. Tapɨ iku axɨna kɨx axɨba nacioneka chɨmastakaxɨpɨ ɨmoma bixhubuma ui nikɨpura narubaityu tux.

San Juan 3:29

Au taman tɨbɨbɨx, axɨna kupikixh aɨbo apo ane petakuti kiana. Tapɨti naki ityurapataxti ikiana anati akamanu onsapetioti nuraxti, taruku nipukɨnunkuxti ui nuraxti. Saneityo axɨñɨ kaɨma taruku nipukɨnunku tyopiki auna nakaxti Mesías.

Hechos 2:19

Au napes takanaintyo iku axɨna kɨx omixhante ñana sobi axɨba champɨ tastaimia, ane ñana notox, pes anentyo nausixh iku axɨna kɨx.

Romanos 13:14

Chɨsanempɨ, apikoñoko nausɨboriki apisamuse axɨba omixhia takanati Yɨriabux Jesucristo, tapɨ chebo aboi ɨmo naukɨtɨpɨ nauki apisamune axɨba nomɨnantɨ.

Romanos 3:22

isiuki axɨna uikokokati Jesucristo, uiti Tupax kicheseña nakaxɨma namanaiña axɨbama ikokotama.

2 Corintios 11:2

Tyopiki axɨna nixhantɨmo autaku, tyone axɨna nixhantɨmoti Tupax. Axaño aupoka sobi aɨbuti kunauntañantiatai apikianaño, axti Cristo, ixhankaityo ityusiankanaño sukarɨti champɨ isane kiatax aukɨtɨpɨ takana taman kupikixh.

Gálatas 3:27

tyopiki namanaiña axɨbama ɨrioma au nɨrixhti Cristo, sɨsioti Cristo kɨtɨpɨma.

Gálatas 4:26

Tapɨ axɨmanu Jerusalén auki napes champɨ kausane ɨmo, axoñɨ kaɨma naɨbosixh oñɨ.

Gálatas 6:14

Tapɨ axɨñɨ champɨ tyopikiche ipukɨnu ta ipukɨnunka ui nikurusɨxti Yɨriabux Jesucristo. Tyopiki ui nikurusɨxti Cristo, nanaiña axɨna kɨx koiño iñemo tapɨ axɨñɨ isonkaityo ɨmo kɨx.

Efesios 5:32

Ui axɨna sane tusiankana usukarɨ axɨmanu taruku niyarusɨrɨkɨx axɨna ananka anekana uiti Tupax. Axɨñɨ uixh axɨna xhanityaka kɨtɨpɨti Cristo takanaintyo axɨbama ikokoromati.

Apocalipsis 1:20

Sobi suraboi asukarɨkɨ axɨna ananka anekana isane nɨmoche axɨmanio siete nostoñeka asakio abe au nepanaunku niñee, axɨmaniointyo siete kantreruka omixhante ui oro: axɨmanio siete nostoñeka, ta tyonema axɨbama ángeles auki axɨmanio siete kauta aboma axɨbama ikokoromañɨ, tapɨ axɨmanio siete kantreruka, ta tyoneio axɨmanio kauta aboma axɨbama ikokoromañɨ.

Apocalipsis 11:19

Auki aurɨbo axɨmanu nipoxti Tupax ane au napes, akamanupo ananka axɨmanu uiche atusi ta anati ochepe. Auki masɨnaka, taruku nikɨpurax, tosibikia auki paichokonono kɨx bupakio sɨrɨmana noñoka.

Apocalipsis 12:3

Auki tusiuityo iku napes kiatax numukianx taruku niyarusɨrɨkɨx: kuatɨ axɨmanu yarusɨrɨx noixhobox kɨturiki abe siete nityanux, diez nityapakɨx anentyo nityanux itya.

Apocalipsis 15:1

Auki yastai au napes axɨna champɨ tiyastai: axɨmanuma siete ángeles yupu axɨmanio siete tyakɨrux taruku takisɨrɨkɨx, axɨba oboiche iñatai tyakɨru nityɨborixhti Tupax.

Apocalipsis 21:14

Axɨmanu naxipox axɨmanio poka abe doce kanka nityɨmox, kauta ane korobo yokɨtɨpɨ nɨrixhimia axɨmanuma doce amonkoma isiu axɨmanu Nobixhax.

Apocalipsis 21:23

Axɨmanio poka champɨ nɨmoche oboi sux chepe panx nauki anentax oboi akamanu, tyopiki anentax ui nanentakaxti Tupax, nibiasaruxti tyone axɨmanu Nobixhax.