Apocalipsis 10:1 - Manityanati Tupax

¹ Auki yasakatɨ ɨmoti kiatax ángel taruku nɨriakaxti, kuatati auki napes eana taman kɨsaɨbox. Ane taman nixhixh onɨ nityanuxti, nisuxti kuara takana sux nityapaxti takana nompakɨoka pes nubakax.

Manitanati Tuparrü

¹ Yasacatito cümenuti quiatarrü ángel naqui tarucu nicusüurrti, cuati auqui napese eana taman cüsaüborrü. Ane cuara nurria nirrirri onü nitanurrti. Anentarrtai ui nisurrti, tacanarrtü cuara ui surrü. Tapü arrüba nitaparrti butusio tacana nonco pese.

Apocalipsis 10:1 ပူးပေါင်းရင်းမြစ်များ

San Mateo 17:2

Akamanu, sukarɨma, somoso nakaxti Jesús. Nisuxti kuara takana sux, tapɨ naibixhti purusubi takana nanentax.

San Lucas 21:27

Auki kaɨma amasakañɨ axɨñɨ Aɨtoxti ñoñɨnx kuatati onɨ taman kɨsaɨbox aɨbu taruku niyarusɨrɨkɨ nɨriakaxti.

Hechos 26:13

Naukiche tɨsaimia kɨmuintya sapes, yarusɨrɨx yɨriabux, naukiche niyɨkɨ isiu kutubiux, yastai kuara auki napes taruku nanentakax pɨnanaki sux, kuara chupekuñɨ ɨmo axɨmanumaintyo amonkoma chepeñɨ.

Apocalipsis 1:7

¡Axti Cristo kuatati omonɨ kɨsaɨboka! Namanaiña ñana asaramati axɨbamaintyo uiche aityabairomati tɨkañe. Namanaiña mañoñɨnka ikuki axɨna kɨx oxonene ɨmoma ñana tyakuti. Ñemanauntu, Amén.

Apocalipsis 18:1

Yopɨrɨkɨ nanaiña axɨba sane, yasakatɨ ɨmoti kiatax ángel kuatati akɨ auki napes. Taruku nɨriakaxti, anentax iku kɨx ui nanentakaxti.

Apocalipsis 18:21

Auki tamanti ángel naki taruku nikusɨuxti, ikiampetati taman kanx, sɨrɨmanax takana taman tarapicha, yarutaɨbutati au narubaityu tux nanti: “Sane iyaruraɨburumakɨ ñana, axɨkɨ yarusɨrɨx Babilonia, chanantopɨ tato ñana asaramakɨ.

Apocalipsis 20:1

Auki yasakatɨ kɨmenuti maniki taman ángel kuati auki napes ane uiti axɨmanu uiche aurɨbo axɨmanu yarusɨrɨx kɨtubixh tomikianene anentyo mekuti taman yarusɨrɨx karenax.

Apocalipsis 4:3

Axti maniki tɨmonsoti iku axɨmanu tɨmox nanaiña nikɨtɨpɨxti kuara, takana axone koñoxtai kanx. Tyupeku axɨmanu tɨmox ane taman nixhixh kuara takana axɨna koñoxtai kanx.

Apocalipsis 5:2

Auki yasakatityo ɨmoti taman ángel taruku nɨriakaxti ñankitioti ui rabotɨ nuxia nityosibixhti: “¿Ñakuti naki koñotɨ ɨmoti aiyaɨbuti axɨmanu kichonimiakax kiñoeno aikiompɨnatityo axɨmanio nityomoentox?”

Apocalipsis 8:13

Auki yasakatɨ, ñonkoi basoro taman nutamonxixh kɨmuintya napes nantɨ auki nityosibixh sane: “¡Takisɨrɨmantai, takisɨrɨmantai, takisɨrɨmantai axɨbama sɨborikoma iku axɨna kɨx, axtɨ tɨbupuru axɨmanio pikiataka buxikia nibuxixhimia axɨmanuma makiataka trex ángeles!”