3 Juan 1:6 - Manityanati Tupax

⁶ Urapoimia sukarɨ namanaiña axɨbama ikokoromati Jesús axɨna nikuasɨrɨkɨxɨma aemo. Asamu nuxia, asasatɨ tyakuma ɨmo axɨna nixhantɨmoma nauki aɨromatityo kauta niyɨkɨxɨma, aisamuse axɨna uxia ɨmoti Tupax.

Manitanati Tuparrü

⁶ Arrüma iñataimia auna uraboimia isucarü bama icocoromati Jesús que cuasürüma aemo, bien buenurrücü ümoma. Arrtü iñataimia tato tanu aesacü, ayura ümoma, nauqui puerurrü aüromatito auqui tanu. Itopiqui tone nirrancarrti Tuparrü, nauqui bayura oemoampatoe.

3 Juan 1:6 ပူးပေါင်းရင်းမြစ်များ

Hechos 15:29

tapɨ aubaka numañetu axɨba numukianka makumanatax ɨmo makiataka tupaka. Tapɨ auchakaityo notox, tapɨ aubakaityo numañetu axɨba numukianka mokoiñatai, axɨbama poso tapɨ iñanamakɨ peese. Axtɨ apisamute nanaiña axɨba sane, uxia nausɨboriki. Supakionko tanu aume.”

Hechos 15:3

Bakɨpukux ɨmoma ui axɨmanuma ikokoromati Jesús auki Antioquía, nauki isiuki axɨna niyɨkɨxɨma auki axɨmanio kɨx Fenicia chepe Samaria, urapoimia kausane aiñokoma axɨmanuma chɨtɨpɨ judíos axɨna chaɨbopɨ ñakokonaunkuxɨma ɨmoti Tupax. Ui axɨna sane ipiatema, namanaiña axɨmanuma ikokoromati Tupax taruku nipukɨnunkuxɨma.

Hechos 21:5

Naukiche tomenotɨ axɨmanio siete naneneka, somekatɨ namanaiña aukimanu, ichepe nanaiña nikɨpostoxɨma masiomanka sɨromatɨ suichepe icheeña pɨnanaki axɨmanio poka, naukiche tɨsopiñatai abeu narubaityu axɨmanu tux supachesoikia someanka.

Romanos 15:24

axtɨ niyɨkɨ au España ixhanka yɨrotɨ tanu. Axtɨ tiyasakaño, champɨ nɨmoche axtɨ ñome mantukubatai naneneka, ixhanka amekatɨ saɨbuñɨ axɨna kauta niyɨkɨ.

2 Corintios 1:16

Aukimanu yɨrotɨ au Macedonia, auki Macedonia isetɨ tato yasaraño nauki amenotɨ saɨbuñɨ au Judea.

Filipenses 4:14

Tapɨ axaño, uxia axɨna napachɨkoi saɨbuñɨ tyopiki apasutiutyo axɨna nichakisɨrɨkɨ.

Colosenses 1:10

Sane apisamute nausɨboriki takana nixhankaxti Yɨriabux Jesús, axti kaɨma taruku nipukɨnunkuxti aboi tyopiki apisamute aruki nanaiñantai axɨna uxia au nausɨboriki sane ausuputakati nuxia Tupax.

1 Tesalonicenses 2:12

Suixhankaityo nauki axaño apikoñoko nausɨboriki takana axɨbama aɨtoxti Tupax, axɨbama samamekanama nauki aye uimia kauta yarusɨrɨx nɨriakaxti.

Tito 3:13

Ayura au nanaiña ɨmoti maniki yɨriabux Zenas, ɨmotityo Apolo. Aityoximia ɨmoma nanaiña nixhantɨmoma ɨmo niyɨkɨxɨma tapɨ ane ñemakiyauma.

1 Pedro 2:20

Axtɨ anati naki takisɨrɨti tyopiki axɨna chuxiampɨ isamutenti, auki choxopɨ ɨmoti axɨmanu nityakisɨrɨkɨxti, chisamutentipɨ axɨna chantaxɨpɨ aisamunenti. Tapɨ axtɨ autakisɨrɨka tyopiki axɨna uxia apisamute, aukurusɨka ɨmoti Tupax.

3 Juan 1:12

Namanaiña manityanama uxia kɨtɨpɨti Demetrio, u nisɨborikixhti atusi oemo ta ñemanauntu nuraxɨma. Axɨsomɨntyo uxia supanityaka kɨtɨpɨti, axɨkɨ tusiu aemo ta chɨsupapankapɨ.