2 Pedro 1:3 - Manityanati Tupax

³ Axti Tupax ui nɨriakaxti toxio oemo nanaiña axɨna nuxiantɨmo, nauki uisamune nosɨboriki isiu nixhankaxti. Uiti Tupax atoxi oemo nanaiña axɨmanu sane naukiche iyusianakanatiyɨ Jesucristo usukarɨ. Auki nakaxti samamekana oñɨ nauki aye osoi au axɨmanu champɨ takanache nanentakax esati.

Manitanati Tuparrü

³ Usuputacati Señor, naqui itasuruti oñü, nauqui atusi au nosüboriqui arrüna tarucu nicusüurrti y nanentacarrti. Sane nauquiche tütorrio oemo uiti nanaiña ñacunusüancacarrti, nauqui puerurrü uiña urria nosüboriqui, y nauqui puerurrü macoconaun ümoti.

2 Pedro 1:3 ပူးပေါင်းရင်းမြစ်များ

1 Pedro 5:10

Axtɨ tautakisɨrɨka ñome mantukubatai naneneka, uiti Tupax ane maximiakatax aume, apiña nuxia narukux aume. Tyonenti Tupax ui yarusɨrɨx ñakumananaunkuxti ityasuruti oñɨ basuriu axɨmanu champɨ nityakɨru nanentakax esati chepeti Jesucristo.

2 Timoteo 1:9

Uiti Tupax utaesɨbuka eanaki nomɨnantɨ auki ityasuruti oñɨ nauki kaɨma aɨtoxti oñɨ, chɨtyopikipɨ axɨna uisamute, ta tyopiki tyone axɨna nixhantɨmoti aisamunenti ui nipukɨruxti utaku aukiapae tɨkañe, tyopikiti Cristo Jesús.

Romanos 8:32

Tyopiki axti Tupax chokɨtɨnauntipɨ oemo tyakuti Aɨtoxti, ta toxioti uiti ɨmo nikonkoxti tyaku namanaiña, ¿ensapɨ chɨtoxiopɨtyo ñana uiti oemo aɨbuti Aɨtoxti nanaiña axɨba sane?

2 Corintios 12:9

Tapɨti Yɨriabux Jesús nanti iñemo: “Axɨna nakuasɨrɨkɨ iñemo tyone axɨna naxiantɨmo. Axɨna niñoñema tusiankana nuxia kauta axɨna champɨ kusɨux.” Sane naukiche ñonkatɨ ñemoantoe tyopiki champɨ nisusɨu, nauki ayetɨ sɨtɨpɨñɨ noñemaxti Cristo.

1 Pedro 2:21

Ta ɨmo axɨna sane ityasuruti año Tupax, tyopiki axti Cristo takisɨrɨti tɨkañe otopiki, sane nauki apisamune isiukiti.

2 Tesalonicenses 2:14

Axti Tupax ityasuruti año nauki oboi axɨba omixhia manityakax suburapoi ausukarɨ, aye aboi au napes kauta anentax esati Yɨriabux Jesucristo.

1 Pedro 2:9

Axaño tyonema axɨbama aɨtoxti Tupax samamekana año uiti, sacerdote año nauki apaserebi ɨmoti Yɨriabux, axɨbama champɨ nipɨnatema, axɨbama kaɨburuma uiti Tupax eanaki nomɨnantɨ. Axɨna sane ta nauki aburaboi axɨba champɨ tu bastai nisamukuxti Tupax, nauki aye aboi kauta taruku nanentakax esati.

1 Tesalonicenses 2:12

Suixhankaityo nauki axaño apikoñoko nausɨboriki takana axɨbama aɨtoxti Tupax, axɨbama samamekanama nauki aye uimia kauta yarusɨrɨx nɨriakaxti.

1 Tesalonicenses 4:7

Tyopiki axti Tupax chityasurutipɨ oñɨ nauki uisamune nosɨboriki yupu nomɨnantɨ, ta nauki besɨro nosɨboriki.

1 Pedro 1:15

Tari taikiana besɨro nausɨboriki, tyopiki axti Tupax, naki uiche aityasuruti año, ta champɨ nomɨnantɨ uiti.

Efesios 4:1

Axɨñɨ yaka auna amanañɨmpo tyopiki yaserebikia ɨmoti Yɨriabux, sukanañɨ aume apasamu nuxia apikoñoko nausɨboriki, takana axɨbama samamekanama uiti Tupax, sane tana axaño.

1 Corintios 1:9

Axti Tupax taikiana omixhankio uiti axɨba ensɨmunu uiti oemo, tyonenti naki uiche aityasuruti año nauki chepe nabaka aɨbuti Aɨtoxti Jesucristo, axti naki Yɨriabux oemo.

2 Pedro 1:2

Apasusiu yarusɨrɨx nipukɨruxti Tupax, tari uitityo taikiana uxia aboi aumeampatoe tyopiki tausuputakati Tupax axtityo Jesús naki Yɨriabux oemo.

2 Pedro 1:5

Sane naukiche apapache nikiubu año nauki ñemanauntu axɨna napakokonaunku ɨmoti Tupax, apiña nuxia nauki besɨro nausɨboriki, apapache nikiubu año ausuputarati nuxia Tupax,

1 Pedro 3:9

Axtɨ isamutema aume axɨna chuxiampɨ, tapɨ sane aboi ɨmoma, axtɨ uratokioma aume, tapɨ apiñumuta nuratokikixhimia. Apanki tyone pɨnanakiti Tupax apukɨruti tyakuma, tyopiki uiti aityasuruti año nauki apasuriu nipukɨruxti.

Colosenses 1:16

Tyopikiti Cristo, axti Tupax isamutenti nanaiña axɨna ane au napes takanaintyo axɨna ane iku kɨx, nanaiña axɨba basakio takanaintyo axɨba chubasakiompɨ, namanañaintyo axɨbama espíritu taruku nɨriakaxɨma. Nanaiña omixhante tyopikiti Cristo ta ɨmotityo.

1 Timoteo 4:8

Ñemanauntu axtɨ ane niyachɨkoi axɨna nokɨtɨpɨ uixh chiyebopɨ ui noxokox, tapɨ axɨna nupukɨru tyaku makiataka tyone axɨna uxia ɨmo nanaiña, tyopiki ɨriotɨ ɨmo axɨmanu sɨborikixh ɨmo axɨna kaɨma takanaintyo axɨmanu kuabotɨki ñana.

Efesios 4:4

Ane kunauntaña kɨtɨpɨx kunauntañantityo Espíritu Santo, sane takanati Tupax ityasuruti año ɨmo axɨmanu kunauntaña toxiobo ñana maximiakatax aume.

Filipenses 4:8

Au nityakɨrux masarukityaiki, apiña napakionko ɨmo nanaiña axɨna ñemanauntu, nanaiña axɨna ane manaunkux ɨmo, nanaiña axɨna besɨro, nanaiña axɨna champɨ nomɨnantɨ kɨtɨpɨ, nanaiña axɨna uiche upukɨnunkatai, nanaiña axɨna uxia ɨmo namanaiña. Apiña napakionko yokɨtɨpɨ nanaiñantai mapanaunkuka, nanaiña axɨna koñotɨ uxia nuraxɨma kɨtɨpɨ.

San Mateo 28:18

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

Hebreos 1:3

Tyonenti naki yarusɨrɨx nanentakaxti Tupax, tyoneantoe nakaxti Tupax naki uiche bosɨboriko nanaiña axɨba abe iku axɨna kɨx ui nɨriaka nuraxti. Naukiche tɨkicheseña nokɨtɨpɨ uiti pɨnanaki nomɨnantɨ, tɨmonsoti au nepanaunku nityɨmoxti Tupax au napes,

1 Pedro 1:5

Ui axɨna apikokokati Tupax, sane naukiche okɨmanati autaku ui nɨriakaxti, nauki ane maximiakatax aume sane takana nixhankaxti au axɨba kaɨma naneneka.

Romanos 9:24

Sane axti Tupax ityasuruti oñɨ axɨpekukimia axɨbama judíos makiataka axɨpekukimia axɨbama chɨtɨpɨ judíos.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

2 Pedro 1:6

tapɨ chebo oboi ɨmo naukɨtɨpɨ apisamune isiu nixhankax. Tapɨ autɨborikiatai aɨbu makiataka, apityoximia nausɨboriki ɨmoti Tupax,

2 Pedro 1:8

Axtɨ axaño ausuputakati Jesucristo, apisamute nanaiña axɨba sane taikiana apapache nikiubu año kausane apisamune uxia nuxia. Sane apisamute axɨna uxia au nausɨboriki.

2 Pedro 1:10

Sane naukiche masarukityaiki, axti Tupax samamekana año uiti amenotɨ axɨpekuma axɨbama aɨtoxti, apiña nuxia nauki sɨsio aukɨtɨpɨ axɨna sane, axtɨ apisamute sane, chautapenekapɨ ñana aɨbu napakokonaunku.

2 Pedro 2:20

Tyopiki axɨbama isuputaramati Yɨriabux oemo Jesucristo, añekanama oboi axɨba nomɨnantɨ ikuki axɨna kɨx, tapɨ axtɨ tapenekoma tatityo oboi axɨba nomɨnantɨ uixh kaɨma taruku nikumakaxɨma pɨnanaki maɨbo tɨkañe.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.