2 Juan 1:6 - Manityanati Tupax

⁶ Axɨna makumananaunkux tyone axɨna axtɨ uisamute axɨba yakɨpukuxti Tupax oemo, axɨmanu bakɨpukux, tɨtusiu aume aukiapae maɨbo, ta nauki apisamune nausɨboriki aɨbu napakumananaunku.

Manitanati Tuparrü

⁶ Arrtü ñemanauncurratoe cuasürüti quiatarrü oemo, macoconaunca ümo arrüba yacüpucurrti Tuparrü. Tone arrüna bacüpucurrü oemo, arrüna oñoncoi auqui maübo. Tiene que uisamune nanaiña aübu nucua oemoantoe, y aübu nicuarrti Tuparrü oemo.

2 Juan 1:6 ပူးပေါင်းရင်းမြစ်များ

San Juan 14:15

“Axtɨ isuasɨrɨka aume, apikokokio axɨba nixhakɨpuku.

San Juan 14:21

Axti naki yasutiuti nixhakɨpuku isamutenti isiuki, sane ityusiankatati axɨna nisuasɨrɨkɨ ɨmoti. Axti Iyaɨ kuasɨrɨti ɨmoti naki isuasɨrɨka ɨmoti, ñemointyo kuasɨrɨti ityusiankakañɨ sukarɨti.”

San Juan 14:23

Aiñumuti Jesús nuraxti: –Axti naki isuasɨrɨka ɨmoti, ikokotati nixhakɨpuku. Kuasɨrɨtityo ɨmoti Iyaɨ, axti Iyaɨ ichepeñɨ sobekatɨ nauki sɨsio somɨ ichepeti.

San Juan 15:10

Axtɨ apakokonaunka ñome nixhakɨpuku, chɨtakɨrusupɨ naukuasɨrɨkɨ iñemo, sane takanati Iyaɨ isuasɨrɨka ɨmoti, ityopiki xhakokonaunka ɨmoti.

San Juan 15:14

Axaño nichurapa año axtɨ apisamute axɨna nixhakɨpuku.

1 Juan 2:24

Sane naukiche apiñaɨbu au nabausasɨ axɨmanu manityakax amonkoi auki maɨbo apikokoroti Jesús. Axtɨ axɨna amonkoi auki maɨbo sɨsio au nabausasɨ, axaño abaka chepeti Aɨtoxti chepetityo Yaɨtoti.

1 Juan 2:5

Tapɨti naki ikokotati yakɨpukuxti Tupax, tyonenti naki makumananaunxti takana ñakumananaunkuxti Tupax tyonenti naki ñemanauntu isuputarati Tupax.

1 Juan 2:7

Masarukityaiki, axɨna bakɨpukux xhakonomoka aume chɨtɨpɨ aɨbo: tyone axɨmanu tɨkañe apasutiu aukiapae maɨbo. Axɨna bakɨpukux nanankax tyone axɨna tɨtusiu aume.

1 Juan 5:15

Sane takana tɨtusiu oemo axti Tupax onkoiti noñeanka, tɨtusiuityo oemo ta tɨtoxio uiti oemo axɨmanu mankitio pɨnanakiti.

1 Juan 5:3

Axɨna nikuasɨrɨkɨxti Tupax oemo, uityusiankata axtɨ uikokokio yakɨpukuxti, axɨmanio yakɨpukuxti chupumianenepɨ.

2 Juan 1:5

Kaɨma xhankikia amopɨnanaki masarukityaiki nauki ukuasɨrɨ oemoantoe. Axɨna xhakonomoka aume axɨna bakɨpukux chaɨboataipɨ, ta tyoneantoe axɨmanu toxio oemo naukiche uikokoroti Cristo.