1 Juan 5:20 - Manityanati Tupax

²⁰ Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.

Manitanati Tuparrü

²⁰ Tusio ito oemo que arrti Aütorrti Tuparrü cuati tücañe icu na cürrü. Iñununecanati oñü nauqui puerurrü uisuputarati naqui ñemanauncurratoe Tuparrü. Usaca ichepeti Tuparrü auqui nacarrti Jesucristo, naqui Aütorrti. Tonenti ñemanauncurratoe Tuparrtito. Uiti torrio oemo osüboriquibo, arrüna chütacürusupü.

1 Juan 5:20 ပူးပေါင်းရင်းမြစ်များ

San Mateo 13:11

Aiñumuti Jesús nuraxɨma: “Axaño, tusiankana ausukarɨ uiti Tupax, axɨna nɨriakax ane au napes axɨna ananka anekana, tapɨ axɨma anekana pɨnanakimia.

San Lucas 21:15

ityopiki taruku ñana ñapanaunku nabura champɨti naki chuxiampɨ uiti aume aiñumuti kɨmenu nabura.

San Lucas 24:45

Auki aurɨbo uiti nipiakaxɨma nauki aye uimia axɨmanio Nikorox,

San Juan 1:18

Champɨti naki asarati Tupax. Kunauntañatiatai Aɨtoxti, ityopiki tyonentityo Tupax chepe nakaxɨma kunauntaña ñapanaukuxɨma ichepeti Yaɨtoti, tyonenti naki uiche uraboiti usukarɨ.

San Juan 10:30

Axɨñɨ ichepeti Iyaɨ kunauntañantai subaka.

San Juan 14:20

Au axɨmanu nanenes ñana, tusiu aume axɨñɨ yaka ichepeti Iyaɨ, tapɨ axaño abakaityo ichepeñɨ, axɨñɨntyo yaka auchepe.

San Juan 14:23

Aiñumuti Jesús nuraxti: –Axti naki isuasɨrɨka ɨmoti, ikokotati nixhakɨpuku. Kuasɨrɨtityo ɨmoti Iyaɨ, axti Iyaɨ ichepeñɨ sobekatɨ nauki sɨsio somɨ ichepeti.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 14:9

Aiñumuti Jesús nuraxti: –Felipe, tɨkoboi niyaka auna abaxɨpeku, ¿kaɨmainki chasuputakapɨñɨ? Axti naki asaratiñɨ, asaratityo naki Iyaɨ. ¿Kausane ankirio nauki ityusiankanati Iyaɨ ausukarɨ?

San Juan 15:4

Abasikia ichepeñɨ takana axɨñɨ yasikia auchepe. Tɨtusiu aume axtɨ ane taman nipiama chɨtakɨbaɨropɨ kɨtɨpɨki nityakɨx tyone axɨna chɨtaupɨ. Saneityo axaño, champɨ nanenekiche año axtɨ chabasikiapɨ ichepeñɨ.

San Juan 17:14

Chauki tɨsurapoi sukarɨma axɨmanio omixhia nanityaka, tapɨ axɨbama ikuki axɨna kɨx chuxiampɨ uimia ɨmoma ityopiki axɨma chityonempɨma ikuki axɨna kɨx.

San Juan 17:25

Iyaɨ axɨkɨ besɨro napanaunku, axɨbama ikuki axɨna kɨx chisuputaramapɨkɨ. Tapɨ axɨñɨ isuputakɨ, axɨbama aboma isiuñɨ tusiu ɨmoma ta obi aikɨpuruñɨ.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 20:28

Aiñumuti Tyomanxi: –¡Axɨkɨ Tupaxɨkɨ axɨkɨtyo Yɨriabuxɨkɨ iñemo!

San Juan 8:42

Aiñumuti Jesús nuraxɨma: –Axtɨ ñemanauntupɨ aɨtoxti Tupax año, isuasɨrɨkapɨ aume, ityopiki axɨñɨ isekatɨ esakiti Tupax. Chisekapɨtɨ ui niñoñemantoe, uiti Tupax aikɨpurutiñɨ.

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

Romanos 9:5

Tyonema aɨtoxɨma axɨbama kusɨnɨtaña tɨkañe usaɨbu. Axɨpekukimia kuatati Cristo, taikiana uxia nuraxɨma kɨtɨpɨti ñome nanaiña naskɨbeka, axti Tupaxti ñome nanaiña. Taikiana sane.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

2 Corintios 5:17

Saneityo axtɨ anati naki anati aɨbuti Cristo tyonenti naki aɨbo nisunaunxti. Axɨba tɨnanankax chauki tomenotɨ. Nanaiña opisamunaño iyebo tato.

Efesios 3:18

Sane aɨbu namanaiña axɨbama uikokokati Tupax, aye aboi axɨna ñakumananaunkuxti Cristo aɨbu nanaiña ñapanaunkuxti.

Filipenses 3:9

Chɨtɨpɨ ui axɨna uxia isamute isiuki axɨmanu bakɨpukux, ta tyopiki axɨmanu ikokokati Cristo, axɨna toxio uiti Tupax uxia nosɨboriki isiuki nixhakokonaunku.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

Tito 2:13

Chepe axtɨ iñatai ñana axɨmanu ensɨmunu tɨkañe oemo axɨna kɨmenuche nubaxɨperaka: niyekixhti tato aɨbu nanentakaxti yarusɨrɨx Tupax oemo Jesucristo, naki uiche ane maximiakatax oemo.

Hebreos 1:8

Tapɨ ɨmoti Aɨtoxti nanti: “Axɨna nɨriaka, axɨkɨ Tupax, champɨ nityakɨrux, axɨna nɨriaka tyone uxia.

1 Juan 2:23

Axti naki chikokorotipɨ Jesús, champɨityo axtɨ ikokoroti Tupax, tapɨti naki ikokoroti Jesús, ta ikokorotityo Yaɨtoti.

1 Juan 2:24

Sane naukiche apiñaɨbu au nabausasɨ axɨmanu manityakax amonkoi auki maɨbo apikokoroti Jesús. Axtɨ axɨna amonkoi auki maɨbo sɨsio au nabausasɨ, axaño abaka chepeti Aɨtoxti chepetityo Yaɨtoti.

1 Juan 2:6

Axti naki nanti anati chepeti Tupax, tari aisamunenti nisɨborikixhti takana nisɨborikixhti Jesucristo.

1 Juan 4:14

Axɨsomɨ sumastai axti Tupax bakɨpuruti ɨmoti Aɨtoxti nauki ataesɨbuma namanaiña axɨbama ikuki axɨna kɨx.

1 Juan 4:16

Sane naukiche atusi oemo uikokotaityo ta ukuasɨrɨka ɨmoti Tupax. Axti Tupax tyonenti axɨna makumananaunkux, axti naki kuasɨrɨma ɨmoti axɨbama yarukityoxti po'osoti kɨtɨpɨti Tupax, axti Tupax po'osotityo kɨtɨpɨti.

1 Juan 4:2

Sane tusiu aume ñakuti naki ane nesaxti Espíritu Tupax kɨtɨpɨti: namanaiña axɨbama ikokotama ta axti Jesucristo kuatati takanati naki ñemanaunkuxatoe ñoñɨnx, ane noñemaxti Espíritu uiti Tupax kɨtɨpɨti.

1 Juan 5:1

Namanaiña axɨbama ikokotama axti Jesús tyonenti Mesías, tyonenti aɨtoxti Tupax. Axti naki kuasɨrɨti ɨmoti naki aboma aɨtoxti, kuasɨrɨmaintyo ɨmoti axɨbama aɨtoxti.

1 Juan 5:15

Sane takana tɨtusiu oemo axti Tupax onkoiti noñeanka, tɨtusiuityo oemo ta tɨtoxio uiti oemo axɨmanu mankitio pɨnanakiti.

1 Juan 5:18

Tusiu oemo axɨbama aɨtoxti Tupax, chisamutempɨma axɨba nomɨnantɨ, tyopiki axti Aɨtoxti Tupax asaratitɨ tyakuti tapɨ tapenekoti uiti chobores.

1 Juan 5:5

Axti naki ikokotati axti Jesús ta tyonenti Aɨtoxti Tupax, tapeneko uiti nomɨnantɨ ikuki axɨna kɨx.

Apocalipsis 15:3

Masoniomaintyo nisonixhti Moisés, axti naki baserebioti ɨmoti Tupax, axɨmanuintyo nisoni Nobixhax. Namatɨ sane: “Yarusɨrɨx champɨityo takanache axɨna aisamute, Yɨriabux, axɨkɨ Tupax taruku nɨriaka. Besɨro ta ñemanauntu axɨba nakutubiu, Yɨriabuxɨkɨ ɨmoma axɨbama champɨ nipɨnatema.

Apocalipsis 19:11

Auki yasakatɨ ɨmo napes aurɨbo. Yasakatɨ ɨmo taman kabayux purusubi, axti maniki anati chaku, nɨrixhti Ñemanaunkuxatoe Aruku ɨmoti, tyopiki besɨro nɨriakaxti axtɨ sɨrotitɨ ɨmo baikixh.

Apocalipsis 3:14

“Akonomointyo ɨmoti maniki ángel auki Laodicea kauta aboma axɨbama ikokoromañɨ: ‘Tyone axɨna nanti maniki Amén, axti naki manunekanati axɨna ñemanauntu, axti naki tyopikiche ane nanaiña axɨna nisamukuxti Tupax:

Apocalipsis 3:7

“Akonomointyo ɨmoti maniki ángel auki Filadelfia kauta aboma axɨbama ikokoromañɨ: ‘Tyone axɨna nuraxti naki ñemanauntu champɨ nomɨnantɨ uiti, axti naki ane uiti nɨriakaxti David, axtɨ ane aurɨbo sobi tyurux champɨti kiatax iñamatati, axtɨ amana sobi tyurux champɨti kiatax iyaɨbutati:

Apocalipsis 6:10

Namatɨ ui tarukapae nityosibixhimia: “Axɨkɨ Tupax champɨ nityakɨru nɨriaka, champɨ nomɨnantɨ obi taikiana ukanɨ axɨna ñemanauntu. ¿Auchepɨ ñana atokoka ɨmoma axɨmanuma uiche aityabairoma somɨ?”