1 Juan 4:20 - Manityanati Tupax

²⁰ Axtɨ anati naki nanti sane: “Kuasɨrɨti Tupax iñemo”, tapɨ kuatati yarukityoxti tɨborikotiatai, taruku ñapantuxti. Axtɨ chɨkuasɨrɨtipɨ oemo usaruki, naki basakati, chɨkuasɨrɨtipityo Tupax oemo, naki chubasakatipɨ.

Manitanati Tuparrü

²⁰ Supiarrtü anati naqui nanti sane: “Cuasürüti Tuparrü iñemo”, pero tüboricotiatai ümoti yaruquitorrti. Arrti naqui ñoñünrrü mapañati. Itopiqui arrti naneneca asaratiti yaruquitorrti, abu chücuasürütipü ümoti. Quiubupü acuasürüti Tuparrü ümoti, naqui chüpuerurrüpü asaratiti.

1 Juan 4:20 ပူးပေါင်းရင်းမြစ်များ

San Juan 13:35

Axtɨ aukuasɨrɨka aumeampatoe, sane tusiu ɨmo makiataka ta axaño amonkaño isiuñɨ.

1 Pedro 1:8

Axaño kuasɨrɨti aume Jesucristo, abo chamasakatipɨ. Apikokokati abo chamasakatipɨ, taruku naupukɨnunku, axɨna champɨ uiche aburaboi,

1 Juan 1:6

Axtɨ usukana oñɨ usaka chepeti, tapɨ nosɨboriki ane au tomikianene, mapanka ta chuisamutempɨ axɨna ñemanauntu.

1 Juan 1:8

Axtɨ usukana oñɨ ta champɨ nomɨnantɨ osoi, mapanka oemoantoe chumanityakapɨ axɨna ñemanauntu.

1 Juan 2:11

Tapɨti naki chuxiampɨ uiti ɨmoti yarukityoxti anati au tomikianene, chɨtusiupɨ ɨmoti kauta niyɨkɨxti, tyopiki supusuti ui axɨmanu tomikianene.

1 Juan 2:4

Tapɨ axtɨ anati naki nanti: “Axɨñɨ isuputakati Tupax”, tapɨ yakɨpukuxti chikokotatipɨ, taruku ñapantuxti, chɨnantipɨ axɨna ñemanauntu.

1 Juan 2:9

Axti naki nanti anati au nanentax, ta chuxiampɨ uiti ɨmoti yarukityoxti, anatiki au tomikianene.

1 Juan 3:17

Axtɨ tamanti naki taruku nenaxixhti astaiti ane nixhantɨmoti yarukityoxti, tapɨti champɨ isane toxio uiti ɨmoti, au nausasɨxti champɨ ñakumananaunkuxti Tupax.

1 Juan 4:12

Axti Tupax champɨti naki astaiti kausane nakaxti. Tapɨ axtɨ ukuasɨrɨka oemoantoe, axti Tupax po'osoti okɨtɨpɨ axɨmanuintyo ñakumananaunkuxti ane okɨtɨpɨ.