1 Juan 4:15 - Manityanati Tupax

¹⁵ Axti naki ikokotati axti Jesús ta tyonenti Aɨtoxti Tupax, po'osoti kɨtɨpɨti axtityo Tupax po'osoti kɨtɨpɨti.

Manitanati Tuparrü

¹⁵ Arrti naqui urapoi que arrti Jesús tonenti Aütorrti Tuparrü, anati ichepeti Tuparrü y arrti Tuparrü anati au nausasürrti.

1 Juan 4:15 ပူးပေါင်းရင်းမြစ်များ

San Mateo 10:32

“Axtɨ anati naki urapoiti isukarɨ mañoñɨnka anati ichepeñɨ, axɨñɨntyo xhanityaka tyakuti kutakikiboti Iyaɨ naki anati au napes.

San Lucas 12:8

“Sukanañɨ aume axtɨ anati naki urapoiti anati ichepeñɨ isukarɨ mañoñɨnka, axtityo Aɨtoxti ñoñɨnx manityanati tyakuti kutakikiboti sukarɨ axɨbama ángeles auki napes.

San Juan 6:56

Axti naki iñatenti nisɨtɨpɨ chabotityo niñoto, sɨborikoti ichepeñɨ, tapɨ axɨñɨ po'osoñɨ kɨtɨpɨti.

Hechos 8:37

Nanti Felipe ɨmoti: –Axtɨ ñemanauntu aikokota, champɨ kausane. Aiñumuti sane: –Axɨñɨ ikokota tyonenti Jesucristo Aɨtoxti Tupax.

Romanos 10:9

Axtɨ obiatoe ukanɨ ta axti Jesús tyonenti Yɨriabux axtɨ aikokotaityo au nausasɨ ta uiti Tupax asɨboriti tato, iyebo obi esati Tupax.

Filipenses 2:11

nauki namanaiña asuputaramati ta tyonenti Cristo Yɨriabuxti, nauki achampienkama ɨmoti Tupax naki Uyaɨ.

1 Juan 2:23

Axti naki chikokorotipɨ Jesús, champɨityo axtɨ ikokoroti Tupax, tapɨti naki ikokoroti Jesús, ta ikokorotityo Yaɨtoti.

1 Juan 2:24

Sane naukiche apiñaɨbu au nabausasɨ axɨmanu manityakax amonkoi auki maɨbo apikokoroti Jesús. Axtɨ axɨna amonkoi auki maɨbo sɨsio au nabausasɨ, axaño abaka chepeti Aɨtoxti chepetityo Yaɨtoti.

1 Juan 3:23

Axɨmanu yakɨpukuxti oemo ta nauki uikokoroti Jesucristo naki Aɨtoxti, nauki ukuasɨrɨtyo oemoantoe takana yakɨpukuxti Jesús.

1 Juan 3:24

Axɨbama ikokotama yakɨpukuxti po'osoma kɨtɨpɨti, po'sotityo kɨtɨpɨma. Ui axɨna atusi oemo ta po'osoti okɨtɨpɨ: uiti Espíritu Santo, axti naki toxioti oemo uiti.

1 Juan 4:12

Axti Tupax champɨti naki astaiti kausane nakaxti. Tapɨ axtɨ ukuasɨrɨka oemoantoe, axti Tupax po'osoti okɨtɨpɨ axɨmanuintyo ñakumananaunkuxti ane okɨtɨpɨ.

1 Juan 4:2

Sane tusiu aume ñakuti naki ane nesaxti Espíritu Tupax kɨtɨpɨti: namanaiña axɨbama ikokotama ta axti Jesucristo kuatati takanati naki ñemanaunkuxatoe ñoñɨnx, ane noñemaxti Espíritu uiti Tupax kɨtɨpɨti.

1 Juan 5:1

Namanaiña axɨbama ikokotama axti Jesús tyonenti Mesías, tyonenti aɨtoxti Tupax. Axti naki kuasɨrɨti ɨmoti naki aboma aɨtoxti, kuasɨrɨmaintyo ɨmoti axɨbama aɨtoxti.

1 Juan 5:5

Axti naki ikokotati axti Jesús ta tyonenti Aɨtoxti Tupax, tapeneko uiti nomɨnantɨ ikuki axɨna kɨx.

2 Juan 1:7

Iku axɨna kɨx aboma sɨrɨmanama axɨbama matachemakanama ɨmo makiataka, chikokotapɨma ta axti Cristo kuatati iku kɨx takana nakaxti ñoñɨnx. Axti naki sane nisɨborikixhti tyonenti naki ñatachemakax chuxiampɨ uiti ɨmoti Cristo.