1 Juan 1:9 - Manityanati Tupax

⁹ Tapɨ axtɨ usuraka oñɨ sukarɨti Tupax, sane oñonkatɨ ɨmoti, axti naki uxia ñapanaunkuxti, ixhimiakatati nanaiña axɨba nomɨnantɨ osoi.

Manitanati Tuparrü

⁹ Tapürrtü usurapoi arrüna nomünantü osoi isucarüti Tuparrü, morrimiacana tato uiti oemo. Puerurrü te oñoncatü ümoti, itopiqui arrti nantarrtai cocono uiti nurarrti.

1 Juan 1:9 ပူးပေါင်းရင်းမြစ်များ

San Mateo 3:6

Urapoimia axɨba nomɨnantɨ uimia tapɨti Kuan ɨrioma uiti au axɨmanu nusɨrux Jordán.

San Marcos 1:5

Namanaiña axɨbama auki Judea aukityo axɨmanio poka Jerusalén sɨromatɨ onsaperioma nuraxti. Urapoimia axɨba nomɨnantɨ uimia, ta ɨriomaintyo uiti Kuan au axɨmanu nusɨrux Jordán.

San Lucas 22:57

Tapɨti Peru nanti ta chisuputaratipɨ, nanti: –Axɨkɨ paɨx, axɨñɨ chisuputakatipɨ.

San Juan 17:25

Iyaɨ axɨkɨ besɨro napanaunku, axɨbama ikuki axɨna kɨx chisuputaramapɨkɨ. Tapɨ axɨñɨ isuputakɨ, axɨbama aboma isiuñɨ tusiu ɨmoma ta obi aikɨpuruñɨ.

Hechos 19:18

Sɨrɨmanama axɨpekukimia axɨmanuma ikokoromati Jesús urapoimia sukarɨ namanaiña axɨba chomixhampɨ isamutema au nisɨborikixhimia tɨkañe,

Romanos 3:26

tyopiki taruku nipukɨruxti. Xhanxti aityusiankati axɨba naskɨbeka kausane besɨro nosɨboriki. Sane takanati besɨro ñapanaunkuxti, besɨro ñapanaunkuxɨma uiti axɨbama ikokoromati Jesús.

1 Corintios 1:9

Axti Tupax taikiana omixhankio uiti axɨba ensɨmunu uiti oemo, tyonenti naki uiche aityasuruti año nauki chepe nabaka aɨbuti Aɨtoxti Jesucristo, axti naki Yɨriabux oemo.

1 Corintios 6:11

Tyonema axɨbama aboma tɨkañe abaxɨpeku. Tapɨ kaɨma chauki tɨbukaɨburu nomɨnantɨ kɨtɨpɨkimia au nɨrixhti Yɨriabux Jesucristo ui nesaxti Espíritu naki Tupax oemo.

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

1 Timoteo 1:15

Axɨna sane ta ñemanaunkuxatoe, tari namanaiña aikokoma: axti Cristo Jesús kuatati tɨkañe iku axɨna kɨx, nauki ataesɨmunuti eanaki nomɨnantɨ ɨmo axɨbama ane nomɨnantɨ uimia, axɨpekukimia axɨñɨ isusɨrɨka.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Hebreos 10:23

Tapɨ uiñokota numakokonaunku, tapɨ kiatax numakionko tyopiki axti Tupax chɨmapañantipɨ ta isamutenti ñana axɨmanu ensɨmunu uiti.

Hebreos 11:11

Auki ñakokonaunkuxti, sane naukiche Sara nikɨpostoti champɨ tɨtane nipiaɨmakax axti Abraham chauki tiñatai niyarusɨrɨkɨxti, ui noñemaxti Tupax anati aɨtoxti, tyopiki ikokotati ta axti Tupax isamutentiki ñana axɨna ɨriotɨ uiti.

Hebreos 6:10

Tyopiki axti Tupax uxia ñapanaunkuxti chɨtakɨrusupɨ ñana ñakionkoxti iyo axɨna apisamute tyakuma axɨbama ikokoromati. Ui axɨna sane napachɨkoi apityusiankata ta kuasɨrɨti Tupax aume.

1 Juan 1:7

Tapɨ axtɨ nosɨboriki ane au nanentax, takanati Tupax anati au nanentax, auki kaɨma usaka chepeti, axɨmanu notoxti Jesús naki Aɨtoxti uixh sɨrɨbu nomɨnantɨ okɨtɨpɨki.

Apocalipsis 15:3

Masoniomaintyo nisonixhti Moisés, axti naki baserebioti ɨmoti Tupax, axɨmanuintyo nisoni Nobixhax. Namatɨ sane: “Yarusɨrɨx champɨityo takanache axɨna aisamute, Yɨriabux, axɨkɨ Tupax taruku nɨriaka. Besɨro ta ñemanauntu axɨba nakutubiu, Yɨriabuxɨkɨ ɨmoma axɨbama champɨ nipɨnatema.