1 Juan 1:7 - Manityanati Tupax

⁷ Tapɨ axtɨ nosɨboriki ane au nanentax, takanati Tupax anati au nanentax, auki kaɨma usaka chepeti, axɨmanu notoxti Jesús naki Aɨtoxti uixh sɨrɨbu nomɨnantɨ okɨtɨpɨki.

Manitanati Tuparrü

⁷ Tapürrtü urria nosüboriqui baviviquia au nanentarrü, tacana nacarrti Tuparrü eana nanentarrü; auqui caüma urria numaquionco oemoantoe, chumanauntacaiquipü, tichepe nusaca, y morrimiacana tato nanaiña nomünantü osoi ui notorrti Jesucristo, naqui Aütorrti Tuparrü, itopiqui arrti coiñoti otopiqui.

1 Juan 1:7 ပူးပေါင်းရင်းမြစ်များ

San Mateo 6:12

Aixhimiaka tato axɨba nomɨnantɨ soboi, takana axɨsomɨ sopixhimiakata tato ɨmo axɨbama chuxiampɨ uimia suiñemo.

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

San Juan 12:35

Nanti Jesús ɨmoma: –Sɨsioki abaxɨpeku axɨna basarux, ñome mɨmanantai naneneka. Apikokosoñɨ axɨna yakaiki auchepe. Axtɨ apikokokañɨ amamenka isiu kutubiux axɨna aninki nanentax, tapɨ autabɨkatai ui tomikianene. Tyopiki axti naki amenkoti au tomikianene chɨtusiupɨ ɨmoti kauta niyɨkɨxti.

San Juan 5:4

Tyopiki tamanti ángel ane auche kuatati auki napes aipokonokoti axɨmanu tux. Axti naki kusɨrɨboti aiñemekanatiyɨ eana axɨmanu tux axtɨ pokoro, uxiankati tato ui axɨmanu noxokox ɨmoti.

Romanos 13:12

Chauki tɨkoboi axɨna tobixh tɨsaimia anene. Sane naukiche uiñokona axɨba nomɨnantɨ uisamute nesaxatoe axɨna tobixh, uiñana okɨtɨpɨ axɨba omixhia ui nanentax takana axtɨ tamanti sortabox koborioti.

1 Corintios 6:11

Tyonema axɨbama aboma tɨkañe abaxɨpeku. Tapɨ kaɨma chauki tɨbukaɨburu nomɨnantɨ kɨtɨpɨkimia au nɨrixhti Yɨriabux Jesucristo ui nesaxti Espíritu naki Tupax oemo.

Efesios 1:7

Aɨbuti Cristo ane maximiakatax oemo ui notoxti, axɨna maximiakatax ñome nomɨnantɨ oboi niyarusɨrɨkɨ nipukɨruxti.

Efesios 5:8

Axaño tɨkañe ausɨborikia au tomikianene, tapɨ kaɨma ui axɨna abaka aɨbuti Yɨriabux Jesús ausɨborikia au nanentax. Sane naukiche apiña takana axɨbama aboma au nanentax.

1 Timoteo 6:16

Kunauntañati naki champɨ nityakɨru nisɨborikixhti, po'osoti kauta axɨna tarukapae nanentakax kautaityo champɨti naki iyebo uiti asaraiti. ¡Taikiana ɨmoti tarukapae manaunkux axɨnaintyo nɨriakaxti! Amén.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Hebreos 9:14

Axtɨ sane, ¡notoxti Cristo taruku nɨriakax ñopɨnanaki noboto numukianka! Tyopiki ui noñemaxti Espíritu Santo, naki champɨ nityakɨru nisɨborikixhti, axti Cristo uixhtiatoe aityoximianatiyɨ ɨmoti Tupax takana makumanatax champɨ nomɨnantɨ kɨtɨpɨ, ui notoxti sɨrɨbu nomɨnantɨ okɨtɨpɨki axɨbaityo chomixhampɨ uisamukio axɨba oboiche uɨkatɨ ɨmo nokonko, nauki sane baserebi ɨmoti Tupax naki sɨborikoti.

Santiago 1:17

nanaiña axɨba omixhia axɨna besɨro toxio oemo, kuatɨ auki napes, uiti Tupax, naki uiche aisamunenti nostoñeka iku napes. Axti Tupax kunauntañantai nakaxti, champɨ kiatax nakaxti champɨityo mapankax.

1 Pedro 1:19

ta ui notoxti Cristo, tyone makumanatax takana nobixhax axɨna champɨ kausane nakax.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.

1 Juan 1:5

Tyone axɨba omixhia manityakax ñanunekasaxti Jesucristo suiñemo sane naukiche suburapoi ausukarɨ: axti Tupax basarux nakaxti kɨtɨpɨti champɨ tomikianene.

1 Juan 5:6

Naukiche kuatati Jesucristo iku axɨna kɨx, ɨrioti ui tux, naukiche koiñoti arapara notoxti, axti Espíritu Santo astaiti nanaiña axɨna sane, nanaiña axɨna nanti Epíritu tyone axɨna ñemanauntu.

1 Juan 5:8

Nesaxti Espíritu Tupax, axɨmanu tux uiche ɨriti, notoxti Jesús axɨmanu arapara kɨtɨpɨ kurusɨx naukiche tɨkoiñoti. Axɨmanio trex tyoneantoe nuburax.

2 Juan 1:4

Taruku nipukɨnunku tyopiki aboma axɨbama isuñukama abaxɨpekuki isamutema nisɨborikixhimia isiuki axɨna ñemanauntu, takana yakɨpukuxti oemo Tupax naki Uyaɨ.

3 Juan 1:4

Champɨ kiatax uiche taruku nipukɨnunku axɨna tusiu iñemo axɨbama isaɨtaiki ikokotama axɨna ñemanauntu ñanunekasaxti Tupax oemo.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

Apocalipsis 12:11

Axɨbama usarukityaiki chɨtapenekopɨma uiti ui noto axɨmanu Nobixhax uityo axɨmanio omixhia manityakax urapoimia. Chɨbixhubupɨma ñɨnana nikonkoxɨma, ta chɨkuasɨrɨpɨ ɨmoma nisɨborikixhimia.

Apocalipsis 7:14

“Tusiu aemo axɨkɨ yɨriabux”, iñumuta nuraxti. Auki nanti iñemo: “Tyonema axɨbama chɨkoiñopɨma ui axɨmanu tɨkañe taruku nityakisɨrɨkɨxɨma iku kɨx, axɨbama ipunusumiankatama naibixhimia ui noto axɨmanu Nobixhax.