1 Corintios 5:2 - Manityanati Tupax

² ¡Ui axɨna au napakionko champɨti kiatax amopɨrɨkɨ! ¡Abo uixh tarukupɨ nausucheki! Axti maniki ñoñɨnx sane nisɨborikixhti apipenesoti abaxɨpekuki.

Manitanati Tuparrü

² ¿Causane tarucu naupucünuncu? ¿Causanempü chapipenecatipü maniqui ñoñünrrü ameanaqui? Mejor ausuche nanaiña arraño itacu arrüna sane pasabo abarrüpecu.

1 Corintios 5:2 ပူးပေါင်းရင်းမြစ်များ

1 Corintios 4:18

Aboma axɨbama abaxɨpekuki onkomatɨapae ɨmomantoe au ñakionkoxɨma chiyɨkapɨtɨ ñana yasarama.

1 Corintios 5:13

Sane naukiche apikiaɨbusti abaxɨpekuki maniki chuxiampɨ nisɨborikixhti.

2 Corintios 12:20

Tyopiki ixhuka axtɨ yɨkatɨ tanu yasaraño, chautabɨkapɨ sobi takana axɨna nixhanka, saneityo axaño chichabɨkapɨ aboi takana nauxianka. Ixhuka tapɨ chuxiampɨ aboi aumeampatoe, autɨborikiatai aumeampatoe, abubatio nenaxixhti kiatax, taikianati taman tyakutiatoe ñakionkoxti, chuxiampɨ napanityaka kɨtɨpɨti kiatax, abasikia aburapakai nisɨborikixhti kiatax, au napakiomko champɨti kiatax amopɨrɨkɨ, champɨityo nuxiantux abaxɨpeku.

2 Corintios 12:21

Ixhukaityo axtɨ yɨkatɨ tatityo tanu yasaraño, axti naki Tupax iñemo isɨsoka uiti autopiki, axtɨ isareoka uiti tyopikimia axɨbama abaxɨpekuki tɨkoboi nakaxɨma eana nomɨnantɨ chiñokotapɨma axɨna chuxiampɨ nisɨborikixhimia, axɨbama aboma yusiu pikiataka paɨka axɨbama isamutema axɨba chomixhampɨ.