Uhunulo 18:4 - Bibiliya ya Chimakonde

⁴ Anepo nangu nkupilikana lidi linji kuhaloka kulihunde ulichidoni, “Mwenu mmanu vangu, ukananga muimanga aneyo, uyopa mùnakumila masambi lake na kupata vibaniho vimbeikôja imanga aneyo.

Uhunulo 18:4 ပူးပေါင်းရင်းမြစ်များ

Ntandiliko 19:14

Bahi Lutu nkuvahwenela vaposi va vana vake nkuvahaulila kuchidoni, “Ukananga pachinu apano, kwa kuva, Yahwe àmbeiondonganga imanga aino!” Henga vanang'o nkumwona chihi kuva àtenda mang'wanyu.

Matayo 23:30

na mùhaula kuva, ‘Hwetu tukachiva utupwawa machedo mmaduva lavanapwawije anyakala vetu, tukanalundane navanang'o kuvawalala manabii.’

2 Vakolinso 6:17

Bahi ing'anya ya anelyo, Nang'olo àhaula kuchidoni, “Ukananga nnikuwa lya vanu anevo, mulinyemye navo. Munakamule chinu chohecho chivalangiwa kuva najisi, na nangu nguchinimpwechelange.”

1 Timoseo 5:22

Unapiyanye kummikila makono munu woheyo uchinga antumikile Nang'olo, wala unakumile masambi la vanu vanji. Lichunge wako umwene kwa kuikala bila uhakwa.

2 Yohana 1:11

Munu woheyo ankalibîsa munu wa namuna aneyo, aneyo ànakumilana nawe mmatendo lake mabaya.