Matendo 5:2 - Bibiliya ya Chimakonde

² Ananiya nkupatana na n'jawe, nkudiyavanya adila dihela, dinji nkuisalinadyo na dinji nkuveng'a mitume.

Matendo 5:2 ပူးပေါင်းရင်းမြစ်များ

Matayo 23:5

Kila chinu chivachitenda vàchitenda chihi uchinga vanu vavalole. Vànatumbuja dibadili divahûnga mmalyenye lavo na mmakono, mmêle Malemba Lanaswe la Sheliya ya Musa nkati mwake, na vànalepyanga misuwana ya mmapepe la majoho lavo.

Yohana 12:6

Yuda átangwele uchocho akee kuchi ávavikila chididi amahuvani, henga ing'anya ávele nkwiva. Na nang'e njo achichunga mpatila wa dihela, akuno wadakola dihela dichivikwa mumpatila anewo.

Matendo 2:44

Vakúkulupila vammalele vávele chinu chimo na kila chinu chivanavenacho chiva chavaivohe.

Matendo 4:37

Munu aneyo ávele na welu wake nkuusumisa, nkuida na dihela, nkuveng'a mitume.

Matendo 5:1

Pávele na munu yumo uvanchema Ananiya pamo na n'jawe uvanchema Safila, vanu anevo vásumisije welu wavo.

Matendo 5:3

Bahi Petulo nkummuja Ananiya kuchidoni, “Mwadachi Nanchindenga ákuingidile uvila muntima mwako mpaka unnambile Umumu Wanaswe na kuisalinadyo dihela dinji dyupete pusumisije welu?

Matendo 5:8

Petulo nkummuja Safila kuchidoni, “Nguhaulile! Dachi, adino njo dihela dyammalele dimupete pamusumisije welu wenu, wako na n'jalo Ananiya?” Nang'e nkuyang'ula kuchidoni, “Elo, njo udyodyo.”

Vafilipi 2:3

Munatende chinu chohecho kwa kulikweta au kwa kulyona, henga kila munu alisulupuhe kwa nnyake, akuno kila munu wamwona nnyake kuva wa mana kupunda nang'e.

1 Timoseo 6:10

Kwa kuva, kuditamwa namene dihela nni chitandikilo cha mabaya la kila namuna. Bahi ing'anya ya kuditamwa namene dihela, vanu vanji vànidileka ding'ulupa dyavo na kulitaya namene uchungu mmitima yavo.