Luka 10:1 - Bibiliya ya Chimakonde

¹ Bada ya anelo, Nang'olo Yesu nkuvatandola vanu vanji sabini na mbili nkuvatuma vavili-vavili vannongolele kila imanga na kila pachinu pachilambela ahwene.

Luka 10:1 ပူးပေါင်းရင်းမြစ်များ

Luka 1:17

Na àmbelongolela muyo mwa Nang'olo kwa dimongo na isungu muchi mwanavelelee Eliya uchinga avatayalise vanu kwajili ya kwida kwake. Àmbevapatanisa anga atata na vanavao, na kuvapindikulanya vanu vakápilikana uchinga vààve na lúnda lwa kumpilikana Nnungu.”

Luka 1:76

Na wako mwanangu, ùmbechemwa nabii wa Nnungu Nkulu, kwa kuva, ùmbennongolelela Nang'olo, uchinga unkatapajije indila yake,

Luka 7:13

Nang'olo Yesu pammwene ayula nannidi nkummikila chididi, nkunnyaulila kuchidoni, “Unakute.”

Luka 7:19

nkuvalaija vahwene kwanga Nang'olo Yesu vakammuje kuchidoni, “Dachi, wako njo ayula Mpohi ahaulîka kuva àvenkwida au tunnolele yunji?”

Luka 9:52

Bahi nkuvatuma vajumbe vannongolelee. Avala vajumbe nkuukananga, nkuhwena kuchijiji chimo cha Vasamaliya uchinga vamwandalile kila chinu nchijiji anecho.