Luka 8:14 - Chakfem (ckyc)

¹⁴ Sherem w'u chaat dhighin ghir a mwooh mwopp dhoghol klihng pwoo khi Naan ni weett, dhangg kaarooh mwopp kaah sokihkyeen kihh y'on, bhi v'ur annshik p'ee bii mhi yill mhize, kihh orr long, kihh v'ur klihngshangg mhi yill ni mett bhall khimwopp, harr baah mwopp nan putshiin mou.

Luka 8:14 ပူးပေါင်းရင်းမြစ်များ

Luka 16:13

“Baah kromm kihh mak pihh kaah niy p'ee sh'in dhakk mhiluh vel mou. P'ee kihh mak kwed a rooh nyi p'ee wall wu'zeh, dheeh shiih kihh wu'zeh; kooh pihh kaah niy wu'zeh, dheeh bheez wu'zeh. Pee'mhinyi, bhi baah wunn p'ee mak pihh kaah wuh Naan, yakhal wu pihh kaah wuh shaghal zag mou.”

Luka 21:34

“Pee'mhinyi bhi wu kihh kangg kihh kaah wuh, tapp'ji wu tekhenn phitukhup wu sh'i v'ur sopee nihhkatt, kihh klihngshangg, kihh rakk-mwoz, kihh annshik p'ee bii mhi yill mhize, harr puus ni ji shep wunn rug noott m'an, kaah lwaa kihh taah dhighin gyaghab rug se.

Luka 8:13

Sherem w'u chaat kih gwakhapp-laar a mwooh mihh mwopp klihng pwoo khi Naan ni, bhi mwopp dhoghol lapp nyi sh'i rettyit weett, dhangg baah pwoo ni kad pee p'ee zhwal seen dhighin mwopp mou. Mwooh kihhsheh ni kihh pihhzeenn a p'ee pee lee kyekk. Mihh zheell taah bhi mwopp shikhir pal wakba.

Luka 8:15

Dhangg sherem w'u chaat kih loonyill wu'rett a mwooh kihh klihng pwoo khi Naan ni bhi mwopp lapp dhen-en ru sh'i phitukhup w'u kihmeh, sh'i phitukhup wu'rett, harr mwopp g'ung sh'in dhakk'wurett.

Luka 8:7

Pakk sherem ni chaat dhighin ghir, bhi ghir ni mwopp nan dang mwopp, harr mwopp shwaa bhall khimwopp.