Luka 7:13 - Chakfem (ckyc)

¹³ Kaarooh Daah Jesu naah mat'kaah ni bhi kaah nyi dhoonn khinyi. Bhi satt nyi le, “Yi nook wall.”

Luka 7:13 ပူးပေါင်းရင်းမြစ်များ

Luka 10:1

Kihbwoon mihhse bhi Daah Jesu blihp m'ee gurum mwopp dyi laar pwoghovel kihh vel, bhi lop mwopp vel-vel tihh mwopp dum diy ky'een nyi dhighin kooh a tughuzyill kihh pee wu'aneeh w'u wu'nyi kihh t'ang dum diy.

Luka 11:1

Par'meeh shi, bhi Jesu kaah dhangNaan m'ee pee shi. Kaarooh khibhid dhangNaan ni, bhi kihmeh dhighin zheppkamm khinyi satt nyi le, “Gwoohyon, ghi katt munn kihh dhangNaan kaa Yohanna Gu-Baptisma katt zheppkamm keeniy mwopp seh.”

Luka 11:39

Bhi Daah Jesu satt nyi le, “Wunn Farisiiy mwopp wu kihh sar kihbwoon zhangg kihh kihbwoon kong mwopp, dhangg dhighin phitukhup wu gam a kihh bukhurpee, kihh v'ur dhakk'wubis.

Luka 12:42

Bhi Daah Jesu lapp nyi satt le: “A wuyeh a gu'naahdhakk w'u a guzeenn, w'u soon-soon, w'u guluh khinyi dhen nyi kaah kakhar kromm keeniy mwopp tihh kihh pihh shap soh khimwopp diy mwopp shi'puus, shi'puus?

Luka 13:15

Bhi Daah Jesu pring gu'kihkyeen khi Luh'kang ni le, “N'an m'ee mhi-raanaan wu'baan! Kooh a meeh muh wu'rangg kihh shang ron'dong keeniy, kooh zaa'kwiy keeniy kih pee-ku'khul p'ar Puus Nookdyi dum kihh nyi phi am tihh pihh am diy nyi mou aa'?

Luka 17:5

Bhi zhepp'lop ni mwopp satt Daah Jesu le, “Gwoohyon, ghi l'e tihh pihhzeenn keemu bhall mett mihhse diy 'y.”

Luka 17:6

Bhi Daah Jesu pring mwopp satt le, “Ai mihh wunn kihh pihhzeenn w'u kaa reb y'ee sheep mostad se kyekk maah, bhi wunn p'ee mak satt gag tihng lun mhize wu le, ‘Yi paar shik lhiyakhal bihze, dum yi kopp shik lhidharr dhighin kur'am,’ bhi nyi p'ee sh'in bii w'u wu satt seh.

Luka 18:6

Bhi Daah Jesu satt zheppkamm keeniy ni mwopp le, “Wu klihng bii w'u gudyeell gushiin-zeenn mhizeh satt.

Luka 19:8

Kaarooh mwopp nhighin, bhi Zakka yakhal dharr bhi satt Daah Jesu le, “Gwoohyon, ghi naah mwasseh kihhshe, bhi a'n p'ee shap long keena der vel. An p'ee pihh shapp wu'zeh mhipyaah mwopp. Yakhal mihh ih cham bukhur menguh, bhi a'n p'ee kwatkopp ni gwoh ni yit feerr.”

Luka 22:61

Bhi Daah Jesu buakhar naah Bitrus zihng-ng-ng, bhi Bitrus kakkder pwoo w'u dyinn satt riy le: “Dhanggbhi dool kihh peetpee shishinn se, bhi gha p'ee shiihshig man a'n yit kunn.”

Luka 24:3

Dhangg kaarooh mwopp dhel dhighin kihshirr ni, bhi mwopp kad kumm Daah Jesu nhighin maah.

Luka 24:34

Mwopp kaah l'aa orr yaghal kih peemuutt khi Jesu le, “Nyi a zeenn e'h wunn'!, Daah Jesu yakhal kih peemuutt, harr dyingg shin Siman e'h!”

Luka 7:12

Kaarooh ji'wull kuss phi fokhol'pang tughuzyill ni, bhi kang kihh gurum mwopp kihh put kihh m'ee kumm gurum, w'u gyet a nyi kyekk a laa'em khi nhikhin, yakhal mat ni gyet a mat'kaah. Dw'uu gurum w'u tughuzyill ni mwopp tuud pwat dang mat'kaah ni.

Luka 7:14

Bhi Jesu taah bwum kir'kwaa m'ang kumm ni, bhi mwooh kihh kir'kwaa ni mwopp ba dyarrang chipp. Bhi Jesu satt kumm gurum ni le, “Laa'em, a'n ih satt gha ih le, ghi yakhal.”

Luka 7:19

lop mwopp lhidum kihpee Daah Jesu diy, tihh mwopp nang diy phi nyi le, “A gha a gwooh mu kihh le'yit p'ee naah ji khinyi seh aa'h, h'aa kooh mu gongg ji khi m'ee gwooh dyikk dyi ayeh?”

Luka 8:52

Gurum w'u luh Jariyus ni mwopp weett kaah wallmaab laa'reep ni. Bhi Jesu satt mwopp le, “Wu nook wall, laa'reep ni mih'muut mou, nyi a s'aam kyekk.”