Luka 6:27 - Chakfem (ckyc)

²⁷ “Ih kihh satt wunn, wunn mhi klihng a'n; wu wall shaar'lek keewu mwopp, yakhal wu kihh sh'in wu'rett mwooh kihh shiih kihh wunn.

Luka 6:27 ပူးပေါင်းရင်းမြစ်များ

Luka 23:34

Bhi Jesu satt le, “Daa, ghi fwa mwopp, p'ee baah mwopp manshiiy bii w'u runn phi sh'in nyi mou.” Bhi mhi'lek ni mwopp shap looh'lop khi Jesu shut sh'i wangg'mang.

Luka 6:22

Wu'rett khi Naan kaah wuh, kadmihh gurum mwopp kihh shiih kihh wunn, yakhal mwopp kihh gab wunn, mwopp fullup wunn, mwopp kihh wad shumm wuh lhiwaa L'aa khi Gurum.

Luka 6:35

Kop kihhsheh bhi wu wall shaar'lek keewu mwopp, wu kihh sh'in wu'rett mwopp, yakhal wu kihh pihh kaatt mwopp baah kihshag kihh le'pan mhi waa lapp nyi dyi mou. A kihhsheh bhi wunn p'ee kad lebhed dhess, yakhal wunn p'ee kwed a zhepp khi puup wu Naan W'u Mettweett, w'u mwopp kihh sh'in a bii w'u wu'nyi kihh sh'in zag. P'ee Naan kihh sh'in wu'rett mhishiin-plangg kihh mhi sh'in wu'bis mwopp zag.

Luka 8:15

Dhangg sherem w'u chaat kih loonyill wu'rett a mwooh kihh klihng pwoo khi Naan ni bhi mwopp lapp dhen-en ru sh'i phitukhup w'u kihmeh, sh'i phitukhup wu'rett, harr mwopp g'ung sh'in dhakk'wurett.

Luka 8:18

Pee'mhinyi bhi wu lang kom wu rih-rett wu klihng bii w'u wunn phi klihng nyi se: koohweeh w'u kihh bii, bhi mwopp p'ee waa pihh pakk dyi nyi; gwooh noott bii, bhi kooh a bii w'u kihh naah le riy kihh nyi seh, bhi mwopp p'ee y'aa nyi lapp khinyi.”

Luka 8:8

Dhangg pakk sherem dhebhenn ni mwopp chaat kih loonyill wu'rett, bhi mwopp bhee, mwopp nan, mwopp la zhepp dhaa kihmeh, kihmeh.” Kaarooh kyes laa'pwoo mhize, bhi peet satt kihh dhekheh niy bhall-bhall le, “Gwooh kihh kom klihngpee, bhi klihng oou!”