Luka 19:7 - Chakfem (ckyc)

⁷ Kaarooh gurum ni mwopp naah kihhsheh, bhi mwopp y'aa gwakbhelepp, mwopp kihh satt le, “Hah, Jesu dum teer mhizeb luh gu'shigbis e'h, mwopp'muun!”

Luka 19:7 ပူးပေါင်းရင်းမြစ်များ

Luka 15:2

bhi Farisiiy kihh Mhikamm-w'aar mwopp gwakbhelepp kaah Jesu le, “Hah, mwopp'muun! Gwoh mhize kihh lapp mhi-shigbis mwopp harr so soh kihshag kihh mwopp e'h wunn'!”

Luka 19:6

Bhi Zakka chakk pee sam, bhi kang Jesu sh'i rettyit looh luh niy.

Luka 19:8

Kaarooh mwopp nhighin, bhi Zakka yakhal dharr bhi satt Daah Jesu le, “Gwoohyon, ghi naah mwasseh kihhshe, bhi a'n p'ee shap long keena der vel. An p'ee pihh shapp wu'zeh mhipyaah mwopp. Yakhal mihh ih cham bukhur menguh, bhi a'n p'ee kwatkopp ni gwoh ni yit feerr.”

Luka 5:30

Bhi pakk Farisiiy kihh pakk Mhikamm-w'aar w'u seghen pwooNaan mhi Farisiiy ni mwopp y'aa gwakbhelepp zheppkamm khi Jesu, le, “A mihyeh l'e bhi wu kihh so wu shwaa kihshag kihh mhi-lappwapp kihh mhinyee mwopp mhi-shigbis ayeh?”

Luka 7:34

Wu'an L'aa khi Gurum ih ji, ih kihh so dhebhenn yakhal ih kihh shwaa am'anab, bhi wu satt wu le, ‘Wu naah gag m'ee pram kihh gag m'ee g'u shwaa am'anab w'u kaa wu'dyikk, shaar khi mhi-lappwapp kihh mhi-shigbis mwopp.’

Luka 7:39

Dhangg kaarooh Siman, w'u a Farisiiy w'u nang Jesu p'ee soh seh, naah bii w'u mat mihhseh ni phi sh'in nyi, bhi ryeeh en niy le, “Ai kaddyinn gwoh mhize ni a m'ee gu'wanggshiiy w'u zeenn'zeenn bhi dyinn nyi p'ee man rooh kooh mat w'u phi bwum riy seh a weeh oh; yakhal kooh nyi a mat wu'kaarangg oh? P'ee mat ni a nhi-shigbis.”